Louka 16:22 - O Debleskro Lab 2024 (Sinte-Manouche)

²² O dives vas, kay ko čorvelo meras. Oun i bolepangre anan les an o bolepen, te beshas lo pes pash o Abraham. I tsiro koy pre meras ninna ko bravelo, oun las i shoukar paskepen.

O Debleskro Drom 2021 (Sinte)

²² O diwes was, kai ko tchorwelo meras. Un i bolepangre anan les an o bolepen, te beshas lo pes pash o Abraham. I tsiro koi pre meras ninna ko brawelo, un las i shukar paskepen.

Louka 16:22 ပူးပေါင်းရင်းမြစ်များ

Hiob 21:13

Kol čilačen hi i shoukar djipen. Oun kek doukentsa merenn le, oun djan an o moulengro them.

Gosewe laba 14:32

O čilačo vell tele vitsedo dran leskro čilačepen. Kova, kay an o čačepen tardo hi, koleskro patsepen rikrell les ninna gomme an o merepen.

Sikepaskro 8:10

Oun pale dikom, har čilače menshe shoukar paskedo van. Oun kolla, kay o čačo koova kran, hounte moukan o Debleskro kheer, oun van bistedo an o foro. Kova hi ninna phares te hayvell.

Jesaja 14:18

I tsele themengre raya van shoukar paskedo, hakeno an peskro moulengro kheer.

Jesaja 22:16

Koneske rikreh tout? Oun koon dell tout o čačepen, te moukeh tou touke kate i moulengro kheer te krell, oun moukell les an i baro bar vin te dell, yek kheer, hoy baro hi oun dour an i bar djal.

Mateo 18:10

Ma čivenn kol tiknen ap i rig, har te vans le či moldo. Me penau t'menge: I bolepangre, kay ap lende yak denna, kolla nay djana hako tsiro glan miro dadeste an o bolepen, te mangenn le les lenge.

Mateo 24:31

Oun yob bičrell peskre bolepangren pral i tseli phoub. Oun kolla phourdenn an i bashepangre, te anenn le dran hako them kolen khetne, kay o Devel peske vin rodas.

Mateo 8:11

Boud menshe venna dran boud vavar themma pash o Debleste an o bolepen, oun beshenn pen tele, te rhan le o Abrahameha oun o Isaakeha, oun o Yakobeha khetne.

Markus 8:36

I mensheske vals kova gar mishto, te lals lo o tselo bravlepen ap kay phoub, oun nashrals peskro djipen.

Louka 12:20

O Devel penell ap leste: Tou dinelo! Kay rat hounte meress tou. Koon lell tiro tselo bravlepen, hoy tou touke khetne anal?”

Louka 16:21

Kova mangas o bravelestar ko rhapen, hoy peras tele ap i phoub, te rhal lo kova. Oun i djoukle van pash leste, oun čaran leskro nasselo mass tele.

Johanni 1:18

Kek mensho dikas o Debles. O Debleskro čavo kokres sikras men, koon o Devel hi. Yob hi yek o Debleha.

Johanni 13:23

Yek lendar, koles, kay kamas o Yezous o djiyestar, his pash leste beshdo.

Johanni 21:20

O Petro rissras pes trouyel, oun dikas koles kol deesh-te-douyendar, kay o Yezous les o djiyestar kamas. Yob his kova, kay čivas pes ap o Yezouseskro beč an koy rati, har yon khetne rhan, oun poučas lestar: “Ray, koon mendar phoukrella ap toute?”

Hebrearja 1:14

I tsele bolepangre hi leskre boudepangre. Kolen bičras o Devel ap i rig kolendar, kay djan ap o Debleskro drom, te lenn le o Debleskro djipen, hoy gar pre-herella.

Hebrearja 2:14

Yon hi menshe dran rat oun mass. Doleske vas lo ninna i mensho har yon, oun meras, te las lo o bengeske i zoor krik pral o merepen.

Jakobo 1:11

O kham djal pre oun rhačrell o zenlepen. Oun koy blouma perell tele, oun nashrell peskro shoukapen. Yaake har koy blouma, yaake merella ninna ko bravelo ap peskro drom.

1. Petro 2:24

O čilačepen, hoy mer kram, las o Yezous Kristo ap peste, oun hidjras les ap o troushel. Har yob menge meras, hi kova yaake, har te meram mer leha. Kanna hi o čilačepen an mende moulo. Oun mer djivah nay i lačo oun čačo djipen. Kol douka, hoy o Yezous ap peste las, kran maro djipen sasto.

Debleskro tsiro 14:13

Oun me shounom, har i rakepen dran o bolepen penas: “Čin kova an i liil dren: Kanna oun an ko tsiro, hoy vella, hi kolla barhtele, kay merenna oun rikran zoreles pengro patsepen ap o rayeste, o Yezouseste.” “Ava,” penell o Debleskro Dourho, “lenge djal lačes, oun yon bistrenn pengri tseli phari boudi. Kova, hoy yon kran o Debleske hi gar bistedo an o bolepen.”