Louka 16:20 - O Debleskro Lab 2024 (Sinte-Manouche)

²⁰ Glan leskro voudar his i čorvelo čiddo, kay his nasselo ap peskro mass. Leskro lab hi Lazaro.

O Debleskro Drom 2021 (Sinte)

²⁰ Glan leskro wudar his i tchorwelo tchiddo, kai his nasselo ap peskro mass. Leskro lab hi Lazaro.

Louka 16:20 ပူးပေါင်းရင်းမြစ်များ

Hiob 2:7

Kote djas o beng vin o baro Deblestar, oun das o Hiobes i djoungelo nasslepen ap peskro mass, hoy rhandjras oun doukas leske foun o shero bis tele pash i pire.

Debleskri gili 34:19

O baro Devel hi pash kolende, kay lengro dji phagedo hi. Oun kolenge, kay dikenn bouder kek momeli an pengro djipen, hi lo ap i rig tardo.

Debleskri gili 73:14

Man hi douka hako dives, haki tsalla hayvau tire dava.

Jesaja 1:6

Foun o shero bis pash i pire hi kek kotar ap t'mende, hoy sasto vals. T'maro mass hi pherdo doukepen, phouro oun nevo doukepen, kay dino van. T'maro činepen hi gar vi-thodo, vitar gar dren pandlo. Kek djet vas pre čiddo.

Jeremia 8:22

Hi an o them Gilead kek doukepaskro djet? Hi kek dramaskro koy? Hoske dell kek sastepen mire menshenge?

Mateo 26:71

Oun yob djas vin pash o baro voudar glan ko kheer. Kote dikas les i vavar boudepaskretsa. Oun koya penas ap kolende, kay kote tardo hi: “Kova hi ninna yek kolendar, kay his o Yezouseha dran Nazaret khetne.”

Louka 16:19

Oun o Yezous penas pale: Koy his i bravelo morsh. Kova his hako tsiro shoukar oun rayles rido, oun djivas i shoukar djipen.

Louka 16:21

Kova mangas o bravelestar ko rhapen, hoy peras tele ap i phoub, te rhal lo kova. Oun i djoukle van pash leste, oun čaran leskro nasselo mass tele.

Johanni 11:1

Koy his yek nasselo čiddo. Leskro lab his Lazaro. Yob his dran ko gab Betani, kay ninna i Maria oun lakri pheen Marta djivan.

Bičepangre 3:2

Kote his i morsh, kova his bango yaake rah har djivell lo. Leskre menshe beshan les hako dives glan o shoukar voudar glan o Debleskro baro kheer, te nay mangell lo love kolendar, kay djan an o Debleskro baro kheer dren.

Jakobo 1:9

I čorvelo patslo, kay pash i menshende či molella, kova nay sharell pes, kay yob pash o Debleste boud molella.

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

1. Samuel 2:8

Koles, kay les či hi, hadell lo dran i čik, oun o čorveles hidjrell lo pre dran i yagakri čik, oun beshell les pash i pralstunende, oun krell les an-diklo. I tseli phoub hi o baro Debleske. Yob čivas lat zoreles tardo.