Louka 15:17 - O Debleskro Lab 2024 (Sinte-Manouche)

¹⁷ Oun yob penas ap peste: Miro dades hi boud boudepangre. Kolen hi boud te rhal, oun me merau kate i bokatar.

O Debleskro Drom 2021 (Sinte)

¹⁷ Un job penas ap peste: Miro dades hi bud budepangre. Kolen hi bud te chal, un me merau kate i bokatar.

Louka 15:17 ပူးပေါင်းရင်းမြစ်များ

Debleskri gili 119:59

Me dau yak, har me miro djipen djivap, oun djau tiro drom yaake har tou les menge sikral.

Debleskri gili 73:20

Yon hi har i souni, hoy yek bistrell, te stell lo pre. Yaake bistreh tou len ap ko tsiro, kay hadeh tout tou, baro Devel.

Sikepaskro 9:3

Kova hi koy bibarht pash halauter, hoy djal ap kay phoub, te djal ko yekeske har ko vavareske djala. Oun koy pashel hi o dji o menshendar pherdo čilačepen oun pherdo dinlepen, yaake rah har yon djivenna; pal kova merenn le!

Jeremia 31:19

Har dikom miri doosh dren, moukom miro čilačo drom, oun har khaytas man, hoy krom, dom mire vasta pral o shero khetne. Ko vi-ladjedo koova, hoy krom, har terno homs, koleske ladjom oun vom lolo i ladjatar.”

Ropaskre gilja 1:7

An kava tsiro, kay i menshenge dran Yerusalem djoungeles djal, oun yon kate te kote tradedo hi, vell lenge ko boud lačo koova an o shero, hoy len an o phouro tsiro his. Har yon an i vasta kol čilačendar peran, vas lenge kek ap i rig. Kol vavar menshe dikan ap lende tele, oun san, har o foro tele djas.

Ezekiel 18:28

Yob dikas peskri tseli doosh dren, hoy lo ap peste anas, oun moukas peskro čilačo drom, doleske ačell lo djido oun hounte merell gar.

Hosea 2:7

Lengri day nashas vavar morshenge palla, oun anas ladj ap peste. Yoy penas peske: “Me kamau mire pirnenge palla te nashell: Yon denn man, hoy man hounte vell djipaske: Maro oun pani, bakrengre balla oun layntikre thaba, djet oun mool.”

Louka 15:16

Les his bari bok oun kamas ninna kova te rhal, hoy i bale rhana. Kokres kova kamas les kek te dell.

Louka 16:23

Har yob kanna an o moulengro them his, van bare douka ap leste. Oun yob dikas pre, oun dikas o Abrahames doural, oun o Lazaro his pash leste beshdo.

Louka 8:35

Oun kol menshe kaman te dikell, hoy kote djas, oun van pash o Yezouseste. Oun yon dikan ko morshes, dran koleste i benga vin djan. Yob his pash o Yezouseste beshdo, his an-rido, oun bouder gar divyo. Koy van yon dareno.

Bičepangre 12:11

Kanna djinas o Petro, kay kova kek souni his, oun yob penas: “Kanna djinau čačepah, kay bičras o ray Yezous peskro bolepaskres mange. Oun kova las man dran o Herodeskre vasta vin, ninna dran halauter, hoy kaman i bibolde mantsa te krell.”

Bičepangre 2:37

Har kol menshe kova shounan, djas lenge kova an lengro dji. Oun yon poučan o Petrestar oun kol vavar Yezouseskre bičepangrendar: “Morshale, mire phrala, hoy kras mer?”

Efesarja 5:14

Oun kova, hoy diklo vella, ačell gar an o tamlepen.