Louka 14:26 - O Debleskro Lab 2024 (Sinte-Manouche)

²⁶ “Koon pash mande vella, oun kamell peskro dades, peskri dat, peskri romyat, peskre čaven, peskre phralen, peskre phenyen, oun peskro djipen boudeder har man, kova nay vell gar miro maal.

O Debleskro Drom 2021 (Sinte)

²⁶ “Koon pash mande wella, un kamell peskro dades, peskri dat, peskri romjat, peskre tchawen, peskre phralen, peskre phenjen, un peskro djipen budeder har man, kowa nai well gar miro maal.

Louka 14:26 ပူးပေါင်းရင်းမြစ်များ

Debleskri gili 139:22

Kolla, kay kamenn tout gar, kamau me vitar gar. Ava, nay dikau len gar glan mire yaka.

4. Mose 10:30

Koy penas o Hobab: “Me kamau gar t'mentsa te djal. Me kamau an miro them oun pash mire menshende te djal.”

Mateo 10:37

Koon kamell peskro dades oun peskri day boudeder har man, hi gar moldo, te vell lo miro maal. Oun koon kamell peskro čaves oun peskri čat boudeder har man, hi gar moldo, te vell lo miro maal.

Louka 14:20

Ko triinto penas: Me romedinerom. Doleske nay vau gar.

Louka 14:25

Har o Yezous ap o drom djas, his boud menshe troul leste. Oun yob dikas ap lende oun penas:

Johanni 12:25

Koon peskro djipen kamella, kova nashrell les. Koon peskro djipen ap kay phoub gar kamella, kova lell o djipen, hoy gar pre-herella.

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

Remarja 9:13

Yaake hi kova an o Debleskro lab činlo: Me kamom o Yakobes. O Esaes kamom gar.

5. Mose 21:15

Te hi i morshes douy romya, oun yob kamell koy yek boudeder har koy vavar, oun hakeni las lestar yek morsh čavo, oun o phoureder morsh čavo hi kolatar, kolat yob gar kamell,

5. Mose 33:9

Yon rikran boudeder ap toute har ap pengre dadende oun dayende, pengre phralende oun čavende. Oun dan yak ap tiro lab, oun rikran pen ap koy sovel, hoy tou lentsa dren djal.

Filiparja 3:8

Ava, kova lauter, hoy me ap ko tsiro patsom oun krom, hi mange kanna bouder či moldo. Me prindjrau kanna o Yezous Kristes. Yob hi miro ray. Doleske hi ko tselo vavar koova mange har čik, oun či moldo. O Yezous Kristes kokres kamau te prindjrell boudeder.

Debleskro tsiro 12:11

Mare phrala his zorleder har ko phoukepaskro. O terno bakro, hoy maredo vas, kova thovas lengri doosh peskro rateha tele. Mare phrala sikran i menshende o čačo drom pash o Debleste, ninna te van le doleske maredo.