Louka 14:15 - O Debleskro Lab 2024 (Sinte-Manouche)

¹⁵ Pash i rhapaskri his i morsh beshdo. Har kova shounas, hoy o Yezous rakras, penas lo ap o Yezouseste: “Barhtelo hi kova, kay rhal o maro pash o Debleste an o bolepen.”

O Debleskro Drom 2021 (Sinte)

¹⁵ Pash i chapaskri his i mursh beshdo. Har kowa shunas, hoi o Jesus rakras, penas lo ap o Jesuseste: “Bachtelo hi kowa, kai chal o maro pash o Debleste an o bolepen.”

Louka 14:15 ပူးပေါင်းရင်းမြစ်များ

Mateo 25:10

Har yon kote djan, te ginenn le penge djet, koy vas o biyabeskro. Oun kolen, kay len djet his, djan leha an o kheer, kay i biyab hi. Oun o voudar vas pal lende pandlo.

Mateo 8:11

Boud menshe venna dran boud vavar themma pash o Debleste an o bolepen, oun beshenn pen tele, te rhan le o Abrahameha oun o Isaakeha, oun o Yakobeha khetne.

Louka 12:37

Barhtele hi kol boudepangre, kay sovenn gar, te vell lengro ray pale. Me penau t'menge: O ray penell lenge, te beshenn le pen tele, te rhan le. Oun yob pandell peske i damdira trouyel, oun hi lenge koy.

Louka 13:29

Dran hako them venna i menshe pash o Debleste an o bolepen khetne, oun beshenn pen tele, te rhan le.

Louka 22:16

Me penau t'menge: Me rhau kava rhapen bouder gar yaake rah, bis te vell ko tsiro, kay kova čačo vas, hoy kava rhapen sikrella. Palle rhau les t'mentsa pash o Debleste an o bolepen.”

Louka 22:30

Oun t'mer rhana oun piyenna mantsa kote, kay me o baro ray hom, oun han beshdo ap rayeskre beshepangre, oun penenn o čačepen vin pral i tsele menshende, kay venna o deesh-te-douy Israeleskre čavendar.”

Debleskro tsiro 19:9

Oun o bolepaskro penas ap mande: “Čin an ko liil: Barhtele hi kolla, kay kharedo van, te venn le ap o terno bakreskro biyab. Kal laba hi čačepah o Debleskre laba,” penas lo ap mande.