Louka 13:24 - O Debleskro Lab 2024 (Sinte-Manouche)

²⁴ Oun o Yezous penas pale: “Krenn lauter, te djan an ko tikno voudar dren! Me penau t'menge: Boud kamenn an ko voudar dren te djal. Oun hayvenn kova gar.

O Debleskro Drom 2021 (Sinte)

²⁴ Un o Jesus penas pale: “Krenn lauter, te djan an ko tikno wudar dren! Me penau tumenge: Bud kamenn an ko wudar dren te djal. Un haiwenn kowa gar.

Louka 13:24 ပူးပေါင်းရင်းမြစ်များ

Gosewe laba 14:6

I pre-phourdo, te rodell lo o gosvepen, hatsell lo les gar. Kova, kay peskro djiyeha rakrell, koleske hi gar phares čomone dren te dikell.

Gosewe laba 21:25

Kol či-molde, kay kamenn gar te boudrell, merenna i bokatar.

Sikepaskro 10:15

I boudi krell o dineles khino, oun yob djinell gar, har te hatsell lo o drom an o foro.

Jesaja 1:15

Oun te hadenn t'mer t'mare vasta pre, te mangenn man an, palle čakrau me mire yaka tele, te dikap t'men gar. Oun ninna te mangenn mandar pale te pale, me shounau t'men gar: T'mare vasta hi pherdo rat.

Ezekiel 33:31

Oun yon venn pash toute yaake, har menshe khetne venn, oun beshenn pen pash toute, oun shounenn, hoy peneh. Kova, hoy penal, krenn le gar. Pengre mouyentsa penenn le, te kamenn le man. Lengro dji djal koleske palla, har le boud love nay krenn.

Mateo 11:12

Har o Yohanni vas oun i menshen taufras, vas o Debleskro nevo tsiro. An kava tsiro dell o Devel i menshen pash peste gole, te djan le ap leskro drom. Oun bis kava dives kamenn čilače menshe i zoryah o Debleskri boudi paash te krell. Yon kamenn te vell len penepaske koy pral.

Louka 13:23

Oun i morsh poučas lestar: “Ray, pen menge: Lell o Devel boud menshen an o bolepen, te djivenn le pash leste?”

Louka 21:36

Denn yak hako tsiro! Mangenn o Deblestar, te venn t'mer zorelo an o patsepen tardo, oun venn mishto vin dran ko čilačo tsiro, hoy vella! Yaake hounte trashenn t'mer gar o Menshengro Čavestar, te vell lo pale.”

Johanni 13:33

Čovale, me hom gar bouder rah pash t'mende. T'mer rodenn man, oun kova, hoy me kol biboldenge penom, penau me kanna ninna t'menge: Kay me djau, nay djan t'mer gar.

Johanni 6:27

Ma djivenn o rhapaske, hoy paash djala! Djivenn yaake, te lenn ko djipen, hoy gar pre-herella! O Mensheskro Čavo kokres nay dell t'men kova. Yaake sikras o Devel, kay kova leskro čavo hi.”

Johanni 7:34

T'mer rodenn man, oun hatsenn man gar. Kote, kay me palle hom, nay venn t'mer gar.”

Johanni 8:21

Pale penas o Yezous ap lende: “Me djau mange. T'mer rodenn man, oun t'mer merenn an t'maro čilačepen. Kote, kay me djaua, nay venn t'mer gar.”

Remarja 10:3

Yon hayvenn gar, har o Devel i menshen an o čačepen čivella. Oun yon djan ap pengro drom, oun djivenn pal pengro čačepen. Yaake krenn le gar, hoy o Devel lendar kamella.

Kolossarja 1:29

Dran kova boudrau i tseli zoryah, hoy o Yezous Kristo an mande das.

Hebrearja 4:11

Doleske čivas mer maro tselo dji koy pre, te vas an leskro them dren, kay ham hako tsiro pash leste khere. Das yak, te perell kek mendar o Debleskro dromestar tele, har kol menshe an o phouro tsiro, kay shounan gar ap o Debleste!

Josua 7:3

oun van pale pash o Yosua oun penan ap leste: “Kova hi gar i baro foro. Kote hounte djan gar i tsele lourde pre. Yaake douy, triin zerya hi doha, te djan le pre oun marenn o foro Ai khetne.”

2. Petro 1:10

Mire phrala, o Devel das t'men gole, oun rodas t'men vin, te venn t'mer leskre čave. Doleske djivenn yaake t'mari tseli zoryah, te ačenn pash leste! Te djivenn t'mer yaake, perenn t'mer gar o Debleskro dromestar tele.