Louka 12:48 - O Debleskro Lab 2024 (Sinte-Manouche)

⁴⁸ Koon kova krella, hoy gar mishto hi, oun djinell kova gar, lell gar boud dava. Koon boud o Deblestar las, kolestar kamell yob, te krell lo peskri boudi mishto. Oun kones boud zoor oun gosvepen dino vas, kolestar kamell o Devel, te boudrell lo gomme feteder.”

O Debleskro Drom 2021 (Sinte)

⁴⁸ Koon kowa krella, hoi gar mishto hi, un djinell kowa gar, lell gar bud dawa. Koon bud o Deblestar las, kolestar kamell job, te krell lo peskri budi mishto. Un kones bud soor un goswepen dino was, kolestar kamell o Dewel, te budrell lo gomme feteder.”

Louka 12:48 ပူးပေါင်းရင်းမြစ်များ

3. Mose 5:17

Te krell yek čomone, kolestar o baro Devel penas, te krell lo les gar, anas lo i doosh ap peste, ninna te djinas lo gar, te penas o baro Devel: “Ma kre kova!”

4. Mose 15:27

Te anell yek i doosh ap peste oun djinas gar, kay kaya i doosh his, palle hounte dell yob yek bouzni, kay yek bersh phouro hi, te vell leskri doosh krik lino.

Mateo 13:12

Koon o Debleskro lab an peskro dji rikrella, kova hayvell les boud oun boudeder. Koon o Debleskro lab gar an peskro dji rikrella, koleske vell ninna kova krik lino, hoy yob patsell, te hi les.

Mateo 23:14

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen. T'mer lenn i khera i djouvyendar krik, kolengre romma moulo hi. T'mer te rakrenn o Debleha, rakrenn t'mer i rah tsiro, te dikenn i menshe har patslo t'mer han. O Devel rakrell o čačepen pral t'mende vin, oun t'mer lenn i zorleder phagi har i vavar.

Louka 12:41

O Petro penas: “Ray, hi kova, hoy tou kate peneh, menge kokres? Peneh tou kova i tsele menshenge?”

Louka 12:49

“Me vom, te vitsrap i yag ap i phoub. Kamoms te rhačals koy yag.

Louka 16:2

moukas lo les gole te dell, oun penas ap leste: Hoy shounom me pral toute? Sike mande kol lila, hoy dren činlo hi, har boud love tou dren lal! Tou nay deh bouder gar ap miro bravlepen garda!

Johanni 15:22

Te voms me gar pash lende, oun penoms lenge gar halauter, lans le kek doosh ap pende. Kanna nay penenn yon gar: Mer djinam gar, kay kova, hoy kram, čilačo hi.

Bičepangre 17:30

An o phouro tsiro djinan i menshe gar, kay kova, hoy yon kran, i doosh his. Oun o Devel das len kek phagi. Kanna penell o Devel, te moukenn i menshe pengro čilačo drom, oun djan ap leskro drom.

5. Mose 25:2

Oun te his leskri doosh yaake, te hounte lell lo dava, palle penell o čačepaskro morsh, te čivell lo pes tele, oun moukell les yaake boud dava te dell glan leskre yaka, kitse dava hounte lell lo koy doshake.

1. Timoteo 1:11

Yaake penell menge o lačo lab, hoy das o Devel an mire vasta, te penap kova i menshenge. Ko lab sikrell men o Debleskro raylepen. Lestar vell o tselo lačepen.

1. Timoteo 1:13

His i tsiro, kay rakrom djoungeles pral leste, oun lom i patslen palla, te marap len. An ko tsiro prindjrom les gar, oun djinom gar, hoy me krom. Yob kras mange peskro dji pre, oun las man dran o čilačepen vin.

1. Timoteo 6:20

Tou, Timoteo, ač pash kova, hoy o Devel an tiro vast čivas! Ma shoun ap kolende, kay rakrenn laba, hoy či moldo hi, oun hoy gar o Deblestar venna! Yon rakrenn dinelo koova, oun patsenn, kay djinenn le boudeder har kol vavar. Lengro hi gar čačo.

Tito 1:3

Oun kanna, kay o čačo tsiro vas, moukell lo hakeneske peskro lab te hayvell. Maro Devel, kay men dran o čilačepen oun o merepen vin lella, yob bičras man, te penap kova i menshenge.

Jakobo 3:1

Mire phrala, hi gar mishto, te venn boud t'mendar sikepangre. T'mer djinenna, kay o Devel rakrell o čačepen pral i menshende vin. Ap ko tsiro dikell lo ap kol sikepangren boudeder har ap kol vavarende.