Louka 12:42 - O Debleskro Lab 2024 (Sinte-Manouche)

⁴² Penas o Yezous: “I lačo boudepaskro dell mishto garda ap peskro rayeskro kheer, oun sovella gar. Leskro ray das peskre tsele boudepangren an leskre vasta. Oun ko lačo boudepaskro dell lende hako dives kova, hoy len hounte vell djipaske.

O Debleskro Drom 2021 (Sinte)

⁴² Penas o Jesus: “I latcho budepaskro dell mishto garda ap peskro rajeskro kheer, un sowella gar. Leskro rai das peskre tsele budepangren an leskre wasta. Un ko latcho budepaskro dell lende hako diwes kowa, hoi len hunte well djipaske.

Louka 12:42 ပူးပေါင်းရင်းမြစ်များ

2. Mose 36:4

Koy moukan i tsele boudepangre, kay ap o kheer boudrenn, pengri boudi čiddo, djan pash o Mose

Gosewe laba 12:8

Kones gosevo koova an o shero hi, kova vell sharedo. Kones dinelo koova an o shero hi, ap koleste dikenn le tele.

Gosewe laba 15:23

Barhtelo hi o morsh, te djinell lo, hoy te rakrell lo. Har lačo hi o čačo lab ap o čačo tsiro.

Gosewe laba 27:18

Kova, kay ap peskro faygetikro rouk yak della, kova rhal lestar ninna. Oun kova, kay ap peskro rayeste lačepen krell, vell lestar sharedo.

Gosewe laba 31:15

Yoy stell pre, kote hi gomme rati, oun krell o rhapen peskro khereske, oun penell i djouvyenge, kay lake boudrenn, hoy te krenn le.

Jesaja 50:4

O baro Devel, miro ray, das man i čip har i siklen yek hi, te djinap, har te rakrap lačes kolentsa, kay khino hi. Taysarlakro djangrell lo mire kanna pre, te shounap har yek, hoy lestar siklo vell.

Jeremia 23:4

Oun me dau pralstunen pral lende, kay hi har lače bakrengre: Yon denn garda ap lende, te hounte darenn oun trashenn le bouder gar. Kek bakro djal bouder nashedo. Kova penell o baro Devel.

Ezekiel 34:3

O thulepen kol bakrendar rhan t'mer, lengre ballendar krenn t'maro an-ripen. Oun i thoulle bakre marenn t'mer. Ap i bakre denn t'mer gar yak.

Mateo 13:52

“T'mer dikenn,” penas lo, “hako čačepaskro, koon djinell o phouro biboldengro čačepen, oun ap mande patslo vas, kova hayvell kanna o nevo oun o phouro koova pral o Debleste, oun nay penell kova i menshenge.”

Mateo 20:8

Har i rati vas, penas ko ray ap peskro pralstouno boudepaskro: De i boudepangren khetne gole, oun de len lengre love! De kolen pengre love, kay an i rat van, oun palle kolen, kay o paash dives van, oun palle kolen kay taysarlake van!

Louka 12:43

Barhtelo hi yob, te vell peskro ray pale oun dikell, kay yob peskri boudi mishto kras.

Louka 7:13

Oun o Yezous dikas lat, oun leskro dji doukas. Oun yob penas ap late: “Ma rob!”

Louka 7:19

oun bičras len pash o Yezouseste, te poučenn le les: “Hal tou kova, kay hounte vell? Hounte dikas mer ap i vavareste, te vell lo?”

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

1. Timoteo 5:17

Kanna rakrau pral kolende, kay hi kol phoureder mank i patslende, oun krenn pengri boudi mishto. I patsle hounte dikenn pre ap lende oun shounenn ap lende. Ninna hounte denn le len love. Kova penau boudeder kolendar, kay penenn i menshenge o Debleskro lab, oun sikrenn lende o Debleskro drom.

2. Timoteo 4:2

Pen i menshenge o Debleskro lab! Kre kova oun mouk gar tele, ninna te kamenn i menshe kova gar te shounell! Sike len lengri doosh! De len trad, te moukenn le o čilačepen! Kre lengre djia zoreles an o patsepen! Oun ab gar khino, te sikress len o čačo drom!

Tito 1:7

I pralstouno pral o Debleskro kheer hounte djivell yaake, te dikell kek i čilačo koova ap leste. Yob djal gar pal peskro shero, oun vell gar sik rhoyemen! Yob vell kek pipaskro oun kek čingepaskro! Yob nashell gar pal i love!

Hebrearja 13:17

Shounenn ap kolende, kay sikrenn t'men, har te djan ap o Debleskro drom! Krenn kova, hoy yon t'menge penenna! Lengri boudi hi, te denn le yak ap t'mende. Oun yon hounte penenn o Debleske, har yon kran pengri boudi. Djivenn yaake, te krenn le pengri boudi i barhtelo djiyeha! Te rovenn yon pral t'mende, palle vals kova t'menge gar mishto.

Hebrearja 13:7

Ma bistrenn, har kolla pengro djipen djivan, kay penan t'menge o Debleskro lab, oun sikran t'men leskro drom! Dikenn, har yon djivan oun meran, oun zoreles an o patsepen tardo his! Djan yaake ap o Yezouseskro drom har yon djan!

Hebrearja 3:5

O Mose boudras mishto o Debleskre menshenge. Kova, hoy yob kras oun penas, sikras lende, hoy o Devel kamas te krell an ko tsiro, hoy vella. Ninna te boudras o Mose mishto, his lo i Debleskro boudepaskro.

1. Petro 4:10

Hakeno t'mendar las i boudi o Deblestar, te nay krell lo i vavarengro patsepen zoreles. Krenn koy boudi! Avenn yek o vavareske koy! Yaake han t'mer lače boudepangre o Debleske.