Louka 12:19 - O Debleskro Lab 2024 (Sinte-Manouche)

¹⁹ Oun me nay penau ap mande: Kova krom mishto. Kanna hi man boud bersha lačo koova o djipaske oun boudrap bouder gar. Me rhau oun piyau oun krau miro djipen mange mishto.

O Debleskro Drom 2021 (Sinte)

¹⁹ Un me nai penau ap mande: Kowa krom mishto. Kanna hi man bud bersha latcho koowa o djipaske un budrap buder gar. Me chau un pijau un krau miro djipen mange mishto.

Louka 12:19 ပူးပေါင်းရင်းမြစ်များ

Hiob 14:1

O mensho, boldo i djouvyatar, djivell i tikno tsiro, oun marell pes tele peskro tselo djipen.

Debleskri gili 49:18

Te merell lo, lell lo či peha. Leskro tselo bravlepen hounte ačell pale.

Debleskri gili 62:10

I menshe hi či har i dourho. Tikne har bare hi či moldo. Te vans le ap i vaga čiddo, vans le lauter khetne lino gar phareder har i dourho.

Gosewe laba 10:2

Čoredo bravlepen hi čičeske. O čačepen lell tout dran o merepen vin.

Gosewe laba 14:24

O gosvepen hi har shereskro sonakay i gosevenge. Ap o shero i narvelendar hi lengro dinlepen har i stadi.

Gosewe laba 18:11

Glan i braveleskre yaka hi leskro bravlepen har i zorelo foro oun har i bari massouri troul leste.

Gosewe laba 23:5

Te dikeh tire yakentsa pre, hi o bravlepen gar bouder koy, yaake sik hi lo krik har i čirklo, hoy hadell peskre moussya oun hadell pes an o bolepen.

Gosewe laba 27:1

Ma share tout pral kova, hoy hi tout glan o vavar dives! Tou djineh gar, hoy touke ko dives anell.

Sikepaskro 11:9

Terno morsh, mouk tiro dji te givell an tire terne bersha! Ab barhtelo yaake rah, har terno hal. Kre, hoy tiro dji touke penella oun tire yakentsa mishto hi; oun biste gar, te vell i dives, kay rakrell o Devel o čačepen vin pral toute oun halauter, hoy kral.

Sikepaskro 2:24

Či hi feteder o mensheske, har te rhal lo oun piyell lo oun vell barhtelo pral kova, hoy lo krell. I barhtelo dji, kova dikom, vell dran o Debleskro vast.

Jesaja 22:13

Oun hoy krenn t'mer? T'mer sanenn oun khelenn, marenn groumyen oun bakren, rhan mass oun piyenn mool. T'mer penenn: “Moukenn men te rhal oun te piyell, taysar merah mer!”

Jesaja 5:11

Djungelo djal kolenge, kay stenn pre taysarlake, te djan le an i kerčima, oun rati gomme koy beshdo hi oun mato venn!

Jesaja 5:8

Djungelo djal kolenge, kay krenn pen yek kheer pal o vavar, oun ginenn penge yek kotar phoub pal o vavar, bis te bouder kek kotya phoub pral ačenn, oun lenge kokres o tselo them hi.

Jesaja 56:12

Yon denn gole: Avenn kay, me kamau mool te anell, te piyas men mates! Oun taysar krah har kava dives, oun gomme shoukeder!

Hosea 12:8

O Efrayim hi har i parepaskro. An leskro vast hi i vaga, hoy o rhorheno pharepen sikrell. Yob hi barhtelo, te nay dell lo i vavaren pral o kand.

Amos 6:13

T'mer phourdenn t'men pre pral o foro Lo-Dabar, oun penenn: Mari zoryah lam o foro Karnayim dren.

Habakuk 1:16

Lengre mačengre gone oun lengre netse hi lenge har debla. Lenge rhačrenn le firhen oun soungepaskro koova, te parkrenn len pen, kay yon lenge yaake boud bravlepen oun lačo rhapen anan.

Louka 12:18

Oun yob penas: Kanna djinau, hoy krap. Me phagau mire khera tele, kay miro djob dren hi, oun krau len bareder. Kote dren čivau miro tselo djob oun o vavar lačo koova, hoy anom khetne.

Louka 16:19

Oun o Yezous penas pale: Koy his i bravelo morsh. Kova his hako tsiro shoukar oun rayles rido, oun djivas i shoukar djipen.

Louka 21:34

“Denn garda, te vell t'maro dji gar pherdo phoubyakro koova, yaake te bistrenn o Debles! Piyenn t'men gar mato! Ma darenn t'maro djipaske! Denn yak, te vell ko dives gar ap yek kopo ap t'mende yaake, te han t'mer tapedo!

1. Korintarja 15:32

An o foro Efesus kourom man me menshentsa, kay yaake hi har divye firhe. Te patsoms me gar, kay i moule pre stenna, kroms me kova gar. Te stenna i moule gar pre, hi kol vavaren čačo, te penenn le: “Rhas oun piyas! Taysar nay ham moulo!”

Filiparja 3:19

Yon djan ap i drom, kay djan le nashedo. Lengro per hi lengro Devel. Yon sharenn ko djoungelo koova, hoy kran le, oun hounte ladjans pen pral kova. Kova, hoy an lengro shero trouyel djala, hi phoubyakro koova.

1. Timoteo 5:6

Hi vavarčandes pash i djouvyate, kolakro rom bouder gar djivella, oun kay dikell ap peste kokres, te vell lat i shoukar djipen. Kolakro patsepen hi moulo.

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

2. Timoteo 3:4

Yon hi phoukepangre. Yon venn sik rhoyedo. Yon phourdenn pen pre. Yon kamenn boudeder pengro khelepen har o Debles.

Jakobo 5:5

T'menge djas mishto ap kay phoub, t'mer rhan oun piyan, oun van pesso, yaake har i firhe, kay venn maredo.

1. Petro 4:3

I rah tsiro djivan t'mer har kol menshe, kay o Debles gar prindjrenna. T'mer kran vi-ladjedo koova. Oun t'maro dji nashas pal čilačo koova. T'mer piyan t'men mato, rhan t'men nasselo, oun mangan vavar koova an har o Debles. Kova hi čilačo glan o Debleskre yaka.

Debleskro tsiro 18:7

Denn lat yaake boud douka oun bibarht har his lat i shoukar oun bravelo djipen ap kay phoub! Ninna kanna penell li an lakro dji: Me hom i bari rayetsa. Oun man hi lauter doha. Oun i bibarht vell gar ap mande.”

1. Samuel 30:16

Oun yob anas len tele, oun yon dikan, te his i Amalekarya bouder gar khetne. Yon his beshdo an o tselo them, rhan oun piyan oun khelan. Yaake barhtelo his le pral ko tselo koova, hoy lan le pentsa dran kol themma Filistia oun Youda.