Louka 12:17 - O Debleskro Lab 2024 (Sinte-Manouche)

¹⁷ Oun ko bravelo penas ap peste: Hoy krap kanna? Djinau gar, kay anau nay o tselo djob dren.

O Debleskro Drom 2021 (Sinte)

¹⁷ Un ko brawelo penas ap peste: Hoi krap kanna? Djinau gar, kai anau nai o tselo djob dren.

Louka 12:17 ပူးပေါင်းရင်းမြစ်များ

Sikepaskro 11:2

Phage tiro maro an kotya, oun de les efta, orhta menshenge; tou djineh gar, havi bibarht vell pral kay phoub.

Jesaja 58:7

De koles te rhal, kay bokell! oun le kolen khere pash toute, kay čorvelo hi oun ap o drom djivenn. Te dikeh yekes, koles kek ripya hi, de les koola! Oun ab tiri familyake koy!

Mateo 16:7

Har yon kova shounan, rakran le pral leskre laba oun penan: “Mer lam kek maro mentsa. Doleske penas lo kova menge.”

Mateo 5:42

Te mangell yek toutar čomone, palle de les kova! Ma biče koles toutar, kay kamell toutar love te patsell!

Louka 10:25

His i dives, koy vas i biboldengro čačepaskro pash o Yezouseste. Oun kova poučas lestar čomone, te djinell lo, har gosevo o Yezous hi. Oun yob poučas lestar: “Sikepaskro, hoy hounte krap me, te lap o djipen, hoy gar pre-herella?”

Louka 11:41

Denn i čorvelende kova, hoy t'men an t'mare khore oun čare dren hi! Oun či hi t'menge pale-čiddo.

Louka 12:16

Oun o Yezous penas lenge laba, kay i khatedo čačepen dren hi. Oun yob penas: “His i bravelo harho. Ap leskro kotar phoub vas boud djob baro.

Louka 12:18

Oun yob penas: Kanna djinau, hoy krap. Me phagau mire khera tele, kay miro djob dren hi, oun krau len bareder. Kote dren čivau miro tselo djob oun o vavar lačo koova, hoy anom khetne.

Louka 12:22

Oun o Yezous penas peskre malenge: “Doleske penau t'menge: Ma darenn t'maro djipaske! Ma darenn, te vell t'men či te rhal, vitar gar, te vell t'men či an-ripaske!

Louka 12:29

Ma darenn, hoy t'mer taysar rhana oun piyenna!

Louka 12:33

Bikrenn, hoy t'men hi! Denn kol love i čorvelende! Palle hi kova yaake, har te krenn t'men i lovengro gono, hoy gar paash djala! Yaake krenn t'menge i baro bravlepen, hoy nashrenn nay gar. Kova hi an o bolepen, kay kek čorepaskro t'maro koova hatsella, oun kek kirme les nay pre rhan!

Louka 16:3

Oun ko boudepaskro penas ap peste: Te nay boudrau me bouder gar miro rayeske, hoy te krap me kanna? Me nay boudrau gar vin ap i kotar phoub. Oun te hounte mangap, ladjau man.

Louka 16:9

Me penau t'menge: T'mare love ačenna gar. Denn len i čorvelende, te venn le t'mare mala! Te hi kol love boudeder či moldo, palle lenn le t'men kote an i khera dren, kay t'mer hako tsiro nay ačenna.”

Louka 18:22

Har o Yezous kova shounas, penas lo ap leste: “Yek hounte kress tou boudeder. Bike lauter, hoy tout hi, oun de kol love i čorvelende! Palle hi tout i bravlepen an o bolepen. Oun am oun dja mantsa!”

Louka 19:17

Penas lo ap koleste: Kova kral tou mishto. Tou hal o lačo boudepaskro. Me čivom i tikno koova an tire vasta, oun tou kral i bari boudi koleha. Doleske kamau, te vess tou o pralstouno pral deesh forya.

Louka 3:11

“Te hi yekes douy gada,” penas lo, “mou dell lo yek gad koleste, kones kek hi. Oun kones rhapen hi, kova dell koleste i paash, kones či hi.”

Bičepangre 16:30

Oun yob anas len vin, oun penas ap lende: “T'mer raya, hoy krap, te lap o Debleskro djipen?”

Bičepangre 2:37

Har kol menshe kova shounan, djas lenge kova an lengro dji. Oun yon poučan o Petrestar oun kol vavar Yezouseskre bičepangrendar: “Morshale, mire phrala, hoy kras mer?”

Remarja 12:13

Denn kol čorvele patslende, hoy len hounte vell djipaske! Kolla, kay pash t'mende venna, kolen lenn an t'mare khera dren, oun denn len te rhal oun te piyell!

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

1. Johanni 3:16

O Yezous sikras mende, har o Debleskro kamlepen hi. Yob moukas peskro djipen menge. Yaake moukas mer ninna maro djipen i patslenge.