Louka 11:43 - O Debleskro Lab 2024 (Sinte-Manouche)

⁴³ T'mer Farisarya, hoy t'mer krenna, ko hi gar mishto. T'mer kamenn ap i pralstoune beshepangre an i biboldengri kangri te beshell. Oun t'mer kamenn, te penenn i menshe ap o drom: Lačo dives, mo ray, ap t'mende.

O Debleskro Drom 2021 (Sinte)

⁴³ Tumer Farisarja, hoi tumer krenna, ko hi gar mishto. Tumer kamenn ap i pralstune beshepangre an i biboldengri kangri te beshell. Un tumer kamenn, te penenn i menshe ap o drom: Latcho diwes, mo rai, ap tumende.

Louka 11:43 ပူးပေါင်းရင်းမြစ်များ

Gosewe laba 16:18

Koon pes bares krell, vell phagedo. Oun i pre-phourdo mensho perell.

Mateo 11:16

I menshe an kava tsiro hi har čave, kay khelenn an o foro. Oun yon denn gole yek ap o vavareste:

Louka 20:46

“Denn yak! Kova, hoy kol biboldengre čačepangre krenna, hi gar mishto. Len hi lengste koola ap lende, te sikrenn le, te hi le o Debleskre menshe. Te djan le an o foro, kamenn le, te penenn i menshe Lačo dives, mo ray! ap lende. Ninna kamenn le ap i pralstoune beshepangre te beshell an i biboldengri kangri oun ap i feteder beshepangre pash i baro rhapen.

Remarja 12:10

Kamenn i phralen oun i phenyen o tselo djiyestar! Hakeno hounte rikrell o vavares bareder har pes kokres.

Filiparja 2:3

Kek te krell čomone, hoy leske kokres mishto hi, vitar či, te vell lo sharedo pash i menshende! Kek te krell, har te vals lo feteder har ko vavar! Na-a, ap hakeneste penau: Dik yaake ap o vavareste, har te vals lo bareder har tou!

3. Johanni 1:9

Me činom i tikno liil ap i patslende, kay kote khetne venna, kay hal. Yek lendar hi o Diotrefes. Kova kamell o pralstouno mashkral lende te vell, oun shounell gar ap mande.