Louka 11:40 - O Debleskro Lab 2024 (Sinte-Manouche)

⁴⁰ T'mer hayvan či! O Devel, kay kras o tselo menshes, kras ninna leskro dji.

O Debleskro Drom 2021 (Sinte)

⁴⁰ Tumer haiwan tchi! O Dewel, kai kras o tselo menshes, kras ninna leskro dji.

Louka 11:40 ပူးပေါင်းရင်းမြစ်များ

1. Mose 1:26

Oun o Devel penas: “Kanna krah menshen. Yon venn yaake har mer. Yon hi ray pral i mačende an o baro pani oun pral i čirklende an o bolepen, pral i divye firhende oun pral kolende, kay gar divye hi, ninna pral i tikne firhende, hoy djan pral i phoub.”

1. Mose 2:7

Oun o baro Devel, maro ray, kras o romes dran čik i phoubyatar. Oun phourdas peskro dourho, hoy della o djipen, an o romeste. Oun o rom vas djido.

Debleskri gili 14:1

I gili o rayeske pral i gipangre. O David kras kay gili. Dinele hi le, kay rakrenn penge: “O Devel dell pes gar!” Či-molde hi le! I ladj hi kova, hoy yon krenn. Kek hi koy, kay krell lačepen.

Debleskri gili 33:15

Yob čivell lenge an o dji, hoy te krenn le, oun dell yak ap lauter, hoy yon krenna.

Gosewe laba 1:22

T'mer, kolen či an o shero hi: Har rah kamenn t'mer dinelo koova te krell? T'mer sapangre, har rah kamenn t'mer pral o vavareste te sal oun les praasell? T'mer dinele, har rah penenn: Mer kamah gar te djinell, hoy čačo hi?

Gosewe laba 8:5

Hayvenn t'mer či? Palle denn yak ap goseve laba! Han t'mer dinelo? Palle dikenn dren, hoy t'menge mishto hi!

Jeremia 5:21

Shounenn kay, t'mer menshe, kay t'men či an o shero hi, kay len yaka hi, oun dikenn či, kay len kanda hi oun shounenn či!

Zakarie 12:1

Kava hi o lab, hoy penas o baro Devel pral o Israel: Kova penell o baro Devel, kay kras o bolepen bourhlo oun čivas i phoub zoreles tardo, oun das o menshes o dourho.

4. Mose 16:22

Kol douy moukan pen ap pengro mouy te perell, oun penan: “Ah Devel, tou hal o Devel, kay das hakenes o djipen! Te kras yek morsh i čilačo koova, kameh tou doleske tiri rholi pral i tsele menshende te čivell?”

Mateo 23:17

T'mer han dinelo oun korelo! Hi o Debleskro baro kheer gar boudeder moldo har o sonakay, hoy an koleste hi oun doleske i Debleskro koova hi?

Mateo 23:26

Tou Farisari, tou hal korelo. Kre tiro dji djoudjo! Palle vell touke o tselo vavar koova ninna djoudjo.

Louka 12:20

O Devel penell ap leste: Tou dinelo! Kay rat hounte meress tou. Koon lell tiro tselo bravlepen, hoy tou touke khetne anal?”

Louka 24:25

Koy penas o Yezous ap lende: “T'mer hayvan či. An t'maro dji djal či dren. Hoske patsenn t'mer kova gar, hoy o Debleskre rakepangre glan i rah tsiro penan?

1. Korintarja 15:36

Me, o Paulo, penau touke: Har nay poučeh tou yaake dineles? Dik ap o djob, hoy tou an i phoub čiveh! Kova hounte merell, te vell lo djido oun baro.

Hebrearja 12:9

Har čave hams, dan men mare dada i phagi. Oun mer hounte shounam ap lende. Kitse boudeder hounte shounas ap maro dadeste an o bolepen, te djivas.