Louka 11:34 - O Debleskro Lab 2024 (Sinte-Manouche)

³⁴ O mensheskro yak hi har i momeli an i kheer. Te dikeh kokres ap o Debleste, hi kova yaake, har te rhačell koy momeli mishto. Te dikeh ap vavar koova oun gar ap o Debleste, hi kova yaake, har te rhačell kek momeli an kava kheer.

O Debleskro Drom 2021 (Sinte)

³⁴ O mensheskro jak hi har i momeli an i kheer. Te dikeh kokres ap o Debleste, hi kowa jaake, har te chatchell koi momeli mishto. Te dikeh ap wawar koowa un gar ap o Debleste, hi kowa jaake, har te chatchell kek momeli an kau kheer.

Louka 11:34 ပူးပေါင်းရင်းမြစ်များ

1. Mose 19:11

Palle kran le, te venn kol tsele morsha korelo, kay glan o kheer tardo hi. Lauter, tikne oun bare, dikan bouder či. Yaake nashte hatsan yon bouder gar o voudar.

Debleskri gili 119:18

Kre mange i yaka pre, te nay dikap har shoukar hi te djap tiro drom.

Debleskri gili 81:12

Mire menshe shounan gar ap mande. O Israel kamas man gar.

Gosewe laba 21:4

I čilačen hi i pre-phourdo dji oun yaka, hoy tele dikenn ap i vavarende. Kova hi lengri doosh.

Gosewe laba 28:22

Koles, kay bok pal i love hi, nashell o bravlepen palla, oun djinell gar, te vell yaake o čorvlepen pral leste.

Jesaja 29:10

O baro Devel čivas i sopaskro dourho ap t'mende. O Debleskre rakepangre hounte vans t'mare yaka, – o Devel kras len korelo, oun i dikepangre dikenn bouder či, har te vals i diklo troul lengre yaka pandlo.

Jesaja 42:19

Kek hi yaake korelo har tou, miro boudepaskro Israel, kek yaake kashteno har tou, miro bičepaskro, oun kek yaake korelo har tou, miro vi-rodedo boudepaskro, kay mange koy hounte vals.

Jesaja 44:18

Kolla, kay mangenn i figuren an, hayvenn či, kek gosvepen hi an lende, lengre yaka hi pandlo, te nay dikenn le či. Oun lengro dji hayvell či.

Jesaja 5:20

Djungelo djal kolenge, kay penenn ap o čilačepen kova hi lačo, oun ap o lačepen kova hi čilačo. I rati kharenn le dives, oun o dives kharenn le rati. Shoutlo koova hi lenge goudlo, oun goudlo koova hi lenge shoutlo.

Jesaja 6:10

Rake lentsa, ninna te pandenn le pengre djia, oun krenn pengre kanda kashteno, oun pengre yaka pandlo. Te dikans le pengre yakentsa, oun shounans pengre kandentsa, oun hayvans pengre djiyentsa, moukans le pengro čilačo drom oun vans pash mande, oun me kroms len sasto.

Jeremia 5:21

Shounenn kay, t'mer menshe, kay t'men či an o shero hi, kay len yaka hi, oun dikenn či, kay len kanda hi oun shounenn či!

Markus 4:12

te nay dikenn le kova pengre yakentsa, oun hayvenn les gar, oun te nay shounenn le les, oun hayvenn les gar, te venn le gar pash o Debleste, te lell lo lengri doosh lendar.

Markus 7:22

Te rhorhell i morsh peskri romyat i vavar djouvyah, oun te rhorhell i djouvel peskro romes i vavar morsheha, vell kova dran lengre djia. Dran o dji vell ninna i bok pal i love, o rhorhepen, vi-ladjedo koova oun dinlepen. Dran o dji vell ninna, te dikell yek čilače yakentsa ap kova, hoy o vavares hi, te hi lo midjak ap o vavareste, te rakrell lo djoungeles pral o vavareste, te hadell lo pes pral o vavareste.

Markus 8:18

T'men hi yaka, oun dikenn či. Oun t'men hi kanna, oun shounenn či. Djinenn t'mer bouder gar,

Louka 11:35

Doleske penau touke: De garda, te rhačell tiri momeli oun djal gar vin!

Bičepangre 13:11

Kanna dikeh tou, har o ray Yezous touke i phagi della. Tou veh korelo, oun dikeh i tsiro o kham bouder gar.” Ap yek kopo vas lauter tamlo glan leskre yaka. Oun yob djas trouyel, te nay rodell lo yekes, kay lell les pash o vast.

Bičepangre 2:46

Hako dives van le khetne an o Debleskro baro kheer. Yon rhan o maro khetne an i khera. Oun yon his barhtelo, te dan yon nay i phralen ninna te rhal. Kova kran le o djiyestar.

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

2. Korintarja 11:3

Me darau, te vas vavar koova an t'maro shero, oun t'mer djivenn bouder gar djoudjes oun kokres o Yezous Kristeske. Me darau, te djas t'menge har i Evake, har o gosevo sap rhorhras lat, oun yoy moukas o čačo drom.

2. Korintarja 4:4

Yon patsenn gar ap leste. O beng, kay o ray hi pral kay phoub, kras len korelo, te dikenn le gar, havo lačepen vell dran o lačo lab o Yezous Kristestar. Ko lab sikrell men o Yezouseskro raylepen. Oun yob hi yaake har o Devel.

Efesarja 1:17

te dell lo t'men gosvepen, te hayvenn t'mer, har baro yob hi. Yob hi o Devel maro rayestar, o Yezous Kristestar, oun maro dad an o bolepen, o ray pral halauter.

Efesarja 6:5

T'mer boudepangre, kay hounte boudrenn t'mare rayenge, ap t'mende penau: Shounenn ap t'mare rayende! Darenn lendar oun boudrenn lenge, har te boudrans o Yezous Kristeske!

Kolossarja 3:22

T'mer boudepangre, shounenn hako tsiro ap t'mare rayende, kolenge t'mer hounte boudrenna! Ma krenn t'mari boudi yaake, te sharenn t'men i menshe! Na-a! Boudrenn lenge o čačo djiyestar, oun yaake, har kamell o ray Yezous kova t'mendar.