Louka 10:42 - O Debleskro Lab 2024 (Sinte-Manouche)

⁴² Dell yek koova, hoy boud moldo hi, oun i Maria hatsas les. Kova vell latar gar krik lino.”

O Debleskro Drom 2021 (Sinte)

⁴² Dell jek koowa, hoi bud moldo hi, un i Maria hatsas les. Kowa well latar gar krik lino.”

Louka 10:42 ပူးပေါင်းရင်းမြစ်များ

Debleskri gili 119:111

Tire laba, hoy menge sikrenn, har te djivas, hi mange kouč oun ačenna mange hako tsiro. Ava, yon hi kolla, hoy miro dji barhteles krenn.

Debleskri gili 119:173

De man tiro vast, hoy hadell man! Me krom miro dji pre, te rikrap tire laba, hoy menge penenn, hoy te kras mer.

Debleskri gili 119:30

Me kamau tiro drom an o čačepen te djal, oun yaake djivell har tire čačepaskre laba menge penenn.

Debleskri gili 142:5

Dik tout trouyel: Kek kamell mandar čomone te djinell. Me nashte nashau gar mange. Kek poučell pal mande.

Debleskri gili 17:15

Me krom, hoy čačo hi. Doleske nay dikau tout. Te djangrau pre, dikau me tout oun hom čalo i barhtyatar.

Debleskri gili 27:4

Yek koova mangau miro baro Deblestar, kova kamaus me lestar, te nay ačoms an leskro kheer yaake rah har me djivau, te nay dikap o tselo tsiro leskro shoukapen, oun nay poučap pal leskro kamlepen an leskro kheer.

Debleskri gili 73:25

Te hi man tout, poučau či pal o bolepen, oun vitar gar pal i phoub.

Sikepaskro 12:13

Kova lauter, hoy kate penlo vas, hi khetne lino kova: Shoun ap o Debleste oun rike leskre laba! Kova molell i tsele menshenge.

Markus 8:36

I mensheske vals kova gar mishto, te lals lo o tselo bravlepen ap kay phoub, oun nashrals peskro djipen.

Louka 10:39

Oun kolat his i pheen. Koya kharas Maria. Yoy beshas pes glan leskre pire, oun shounas, hoy yob penas.

Louka 11:1

Yek dives, har o Yezous o Debleha rakras, penas yek peskre malendar ap leste: “Sike men, har te rakras o Debleha! Ninna o Yohanni sikras peskre malende, har yon hounte rakrenn o Debleha.”

Louka 12:20

O Devel penell ap leste: Tou dinelo! Kay rat hounte meress tou. Koon lell tiro tselo bravlepen, hoy tou touke khetne anal?”

Louka 12:33

Bikrenn, hoy t'men hi! Denn kol love i čorvelende! Palle hi kova yaake, har te krenn t'men i lovengro gono, hoy gar paash djala! Yaake krenn t'menge i baro bravlepen, hoy nashrenn nay gar. Kova hi an o bolepen, kay kek čorepaskro t'maro koova hatsella, oun kek kirme les nay pre rhan!

Louka 16:2

moukas lo les gole te dell, oun penas ap leste: Hoy shounom me pral toute? Sike mande kol lila, hoy dren činlo hi, har boud love tou dren lal! Tou nay deh bouder gar ap miro bravlepen garda!

Louka 16:25

Koy penas o Abraham: Čava, touke djas hako tsiro an tiro djipen mishto. O Lazares his kek shoukar djipen. Kanna hi yob barhtelo oun leske djal mishto. Oun tout hi kanna bare douka.

Louka 18:22

Har o Yezous kova shounas, penas lo ap leste: “Yek hounte kress tou boudeder. Bike lauter, hoy tout hi, oun de kol love i čorvelende! Palle hi tout i bravlepen an o bolepen. Oun am oun dja mantsa!”

Louka 8:18

Denn yak, te shounenn t'mer ap o Debleskro lab! Koon o Debleskro lab an o dji rikrella, kova hayvell les boud oun boudeder. Koon o Debleskro lab gar an o dji rikrella, koleske vell ninna kova krik lino, hoy yob patsell, te hi les.”

Johanni 11:1

Koy his yek nasselo čiddo. Leskro lab his Lazaro. Yob his dran ko gab Betani, kay ninna i Maria oun lakri pheen Marta djivan.

Johanni 11:19

Oun boud bibolde his pash i Marta oun pash i Maria, te rakrenn le lentsa, te hi i douk gar yaake baro pral lengro phraleskro merepen.

Johanni 12:3

Oun i Maria las i toushni, kay boud lačo oun kouč djet dren hi, oun čoras kova pral o Yezouseskre pire. Peskre ballentsa khossas yoy leskre pire. Oun an o tselo kheer his o lačo soungepen o djetestar.

Johanni 17:3

Kova hi ko djipen, hoy gar pre-herella: Te prindjrenn yon tout, kay tou hal o čačo Devel, oun te prindjrenn yon o Yezous Kristes, koles tou bičral ap kay phoub.

Johanni 4:14

Koon ko pani piyella, hoy me les dau, kova lell an peskro tselo djipen bouder kek troush. Ko pani, hoy me les dau, vell an leste i djido pani, hoy dell les o djipen, hoy gar pre-herella.”

Johanni 5:24

Čačepah, me penau t'menge: Koon miro lab shounella, oun patsell ap koleste, kay man bičras, koles hi ko djipen, hoy gar pre-herella. Pral leste vell kek phagi vi-rakedo. Yob moukas ko merepen pal peste, oun djas an o djipen.

Johanni 6:27

Ma djivenn o rhapaske, hoy paash djala! Djivenn yaake, te lenn ko djipen, hoy gar pre-herella! O Mensheskro Čavo kokres nay dell t'men kova. Yaake sikras o Devel, kay kova leskro čavo hi.”

1. Korintarja 13:3

Te vals man gar o Debleskro kamlepen an o dji, palle molals ninna kova či, te doms miro tselo bravlepen kol čorvelende, oun te moukoms man me djides pre te rhačrell.

Galatarja 5:6

O Yezous Kristeske molell či, te hi i morsh ap o mass činlo, vitar gar, te hi lo gar činlo. Kova, hoy hi boudeder moldo har lauter, hi o patsepen. Ko patsepen dikah mer ap o kamlepen, kay yekes hi i vavareske.

5. Mose 30:19

Kava dives dau gole ap o bolepen oun ap i phoub, te dikenn le: O djipen oun o merepen čivom me glan t'mende, o Debleskri barht oun i bibarht. Yaake rodenn t'menge o djipen vin, te ačenn djido, t'mer oun kolla, kay t'mendar venna.

Josua 24:15

Hi t'menge gar mishto an t'mare yaka, te mangenn o baro Debles an, palle rodenn kava dives kate vin, kones t'mer kamenn an-te-mangell: Kol deblen, kolen t'mare phoure an-mangan, har yon gomme ap i vavar rig o lengsto panyestar his, oder kol rhorhene deblen, kolen i Amorarya an-mangenn, an kolengro them t'mer kanna djivenn. Me oun miro kheer, mer kamah o baro Debles an-te-mangell.”

Josua 24:22

Kote penas o Yosua ap i tsele menshende: “T'mer han kolla, kay dikan oun shounan, har t'mer penan: Mer rodam o baro Debles vin, te mangas les an.” Oun yon penan: “Ava, yaake hi kova.”