Louka 10:18 - O Debleskro Lab 2024 (Sinte-Manouche)

¹⁸ Koy penas o Yezous ap peskre malende: “Me dikom o benges, har peras lo dran o bolepen har i yag.

O Debleskro Drom 2021 (Sinte)

¹⁸ Koi penas o Jesus ap peskre malende: “Me dikom o benges, har peras lo dran o bolepen har i jag.

Louka 10:18 ပူးပေါင်းရင်းမြစ်များ

Jesaja 14:12

Tou shoukar bolepaskri momeli, har nay vas, kay peral tou tele? Tou, kay stakral i tsele themma tel toute, har djas, kay val ap i phoub tele dino?

Mateo 4:10

Koy penas o Yezous ap leste: “Dja touke mandar, tou beng! An o Debleskro lab hi činlo: Tou mangess o Debles an, – yob hi tiro ray, – oun vess leske kokres koy!”

Johanni 12:31

Kanna vell i phagi pral i tseli phoub vi-rakedo. Kanna vitsrell o Devel koles vin, kay hi o ray pral kay phoub.

Johanni 16:11

Kay o Debleskri rholi pral kay phoub vella, dikenn le ap kova, kay i phagi pral o rayeste pral kay phoub vi-rakedo hi.

Hebrearja 2:14

Yon hi menshe dran rat oun mass. Doleske vas lo ninna i mensho har yon, oun meras, te las lo o bengeske i zoor krik pral o merepen.

1. Johanni 3:8

Kolla, kay djivenn an o čilačepen, kolla hi o bengestar. O beng krella o čilačepen yaake rah, har yob koy hi. Doleske vas o Debleskro čavo ap kay phoub, te phagell lo o bengeskri zoor.

Debleskro tsiro 20:2

Oun yob tapras ko baro lolo sap, kova hi ko phouro sap, hoy kharella ninna Beng oun Satan, oun pandas les, oun vitsras les an o telstunepen, te ačell lo kote yek zero (1.000) bersh pandlo. Oun o bolepaskro pandas i voudar tele, hoy anell an o telstunepen, yaake te krell kek o telstunepen pale pre. Oun an ko zero bersh nay anell o beng i menshen bouder gar o Debleskro dromestar tele. Pal ko tsiro hounte vell lo i tikno tsiro vin mouklo.

Debleskro tsiro 9:1

Oun o pančto bolepaskro phourdas an peskri phourdepaskri. Oun me dikom i bolepaskri momeli, hoy tele ap i phoub peras. Oun koya kras o telstunepen pre.