Louka 10:15 - O Debleskro Lab 2024 (Sinte-Manouche)

¹⁵ Oun t'mer menshe an o foro Kapernaum, patsenn t'mer, kay venn t'mer an o bolepen hadedo? Na-a! T'mer venna tele an o moulengro them vitsedo.”

O Debleskro Drom 2021 (Sinte)

¹⁵ Un tumer menshe an o foro Kapernaum, patsenn tumer, kai wenn tumer an o bolepen hadedo? Na-a! Tumer wenna tele an o mulengro them witsedo.”

Louka 10:15 ပူးပေါင်းရင်းမြစ်များ

1. Mose 11:4

Oun yon penan: “Avenn, mer krah menge i foro oun i baro kheer, hoy djal an o bolepen. Yaake sikrah hakeneske, har baro mer ham. Oun mer ačah khetne an ko them.”

Jesaja 5:14

O moulengro them bokell pal lende oun kras peskro mouy dour pre, oun peskri meen yaake dour har djal, oun rhal i bravelen oun kol vavaren, kay i barhtyatar gole dan oun khelan.

Jeremia 51:53

Ninna te stakrals o foro Babilon pral an o bolepen, oun te krans le pengre massurya yaake baro, te nay stakrals kek pral vergel, bičrau me marepangre, kay venn pral lende. Kova penell o baro Devel.

Ezekiel 26:20

Oun vitsrau tout tele pash kolende an o moulengro them, pash kol menshende, kay meran glan i rah tsiro. Dour tella an i phoub, pash kova, hoy kol phoure foryendar pral ačas, hoy tele djan, dau tout i platsa pash i moulende. Yaake nay djivell bouder kek an toute. Tou veh bouder kek foro ap i phoub, kay i djide djivenn.

Ezekiel 31:18

Kek hi yaake baro oun raylo har tou, Farao – kek mank i tsele rouka an i bar Eden! Ninna tou hounte djas an i telstouni phoub, khetne kol roukentsa dran Eden, oun hounte vess čiddo pash kolende, kay hi gar činlo ap pengro mass, oun kay van maredo o rhareha. Yaake djal o Faraeske oun leskre pre-phourde menshenge. Kava penell o baro Devel, maro ray.

Ezekiel 32:18

Tou, mensho, rob pral i menshende an o them Egiptia, khetne kol djouvyentsa dran i vavar zorele themma! Oun biče i Egiptaryen tele an o moulengro them pash i moulende.

Ezekiel 32:20

Mashkral kolende, kay o rhareha maredo van, venn i Egiptarya čiddo! Čačepah, o rharo vell pral i Egiptaryen! Anenn len kay oun denn len lauter moulo!

Ezekiel 32:27

Oun yon hi gar kote čiddo, kay i zorele kourepangre čiddo hi, kay an o phouro tsiro meran, oun khetne pengre karmangre paskedo van. Kolenge van lengre rhare tel lengre sherya čiddo. Oun lengre shilte van pral lengre kokale čiddo. Har le djido his, his le zorele kourepangre, kolendar i vavar daran.

Obadja 1:4

Te krals tou ninna tiro kheer dour pral ap i berga har i adlari, yaake te dikell kova vin, har te vals tiro kheer mashkral i bolepangre momlia, djiness, me vitsrau tout tele, penell o baro Devel.

Mateo 10:28

Ma trashenn kol menshendar, kay nay marenn t'men! Yon nay marenn gar o djipen an t'mende, hoy ninna pal o merepen djivella. Trashenn o Deblestar, kay nay čivell t'men pal o merepen an o bengeskri yag, kay han hako tsiro nashedo!

Mateo 11:23

Oun t'mer menshe an o foro Kapernaum, patsenn t'mer, kay venn t'mer an o bolepen hadedo? Na-a! T'mer djan an o moulengro them tele. O baro koova, hoy krom an o Debleskri zoor pash t'mende, te kroms kova an o foro Sodom, palle vals ko foro gomme kava dives.

Mateo 4:13

Kote ačas lo gar an o foro Nazaret. Yob djas doureder oun djivas an o foro Kapernaum, hoy pash o baro pani Genezaret čiddo hi. Kova hi an i themma Zabulon oun Naftali čiddo.

Louka 13:28

Te han t'mer vin tardo oun dikenn, kay o Abraham, oun o Isaak, oun o Yakob, oun kol tsele Debleskre rakepangre pash o Debleste an o bolepen hi, rovenn t'mer. Oun t'mer dandrenn i danda i doukatar khetne.

Louka 16:23

Har yob kanna an o moulengro them his, van bare douka ap leste. Oun yob dikas pre, oun dikas o Abrahames doural, oun o Lazaro his pash leste beshdo.

5. Mose 1:28

Kay djas koy? Mare phrala kran mare djia darenes, har penan le ap mende: Kolla menshe hi zorleder oun bareder har mer, lengre forya hi baro oun lengre massurya djan pre bis pash o bolepen. Oun ninna dikam mer o Anakarya kote!

2. Petro 2:4

O Debleskri rholi vas ninna pral kol bolepangre, kay kran o čilačepen. O Devel vitsras len an o telstunepen. Kote hi le pandlo an i kali rat, bis te vell ko dives, kay dell lo len lengri phagi.