Louka 1:79 - O Debleskro Lab 2024 (Sinte-Manouche)

⁷⁹ oun vell diklo kolendar, kay hi len traash o merepastar. Kay bari momeli anell men ap o drom, kay vella o Debleskri barht ap mende.”

O Debleskro Drom 2021 (Sinte)

⁷⁹ un well diklo kolendar, kai hi len traash o merepastar. Kai bari momeli anell men ap o drom, kai wella o Debleskri bacht ap mende.”

Louka 1:79 ပူးပေါင်းရင်းမြစ်များ

Hiob 10:22

ava, an ko them pherdo tamlepen oun kali rat, kay lauter divyes trouyel čiddo hi, oun kay ninna i momeli tamlo hi.

Hiob 3:5

Mou vell ko dives pherdo kalepen oun tamlepen! Kale volke mou ačenn pral leste! Oun o kham mou vell kalo ap ko dives, te vell i menshenge bari daar!

Debleskri gili 107:10

Vavar his beshdo an o stilepen, kay his kek momeli, kokres kali rat. Lengre vasta oun herya his pandle an saster oun doukran len.

Debleskri gili 107:14

oun anas len vin dran i kali rat, kay kek momeli his, oun kras lengre sasterne shelle pre.

Debleskri gili 23:4

Ninna te nashau me mashkral i tamli tala, darau me glan kek bibarht. Tou hal pash mande. Tiro kashteha aneh tou man pale, oun rikreh i divye firhen mandar krik, yaake hounte trashap gar.

Debleskri gili 25:12

Hoy hi ko morsheha, kay djivell o baro Debleha? Koleste sikrell lo havo drom yob te djal.

Debleskri gili 44:19

Mare djia moukan tout gar, vitar gar djan mare herya tiro dromestar tele.

Gosewe laba 3:17

O gosvepen anell ap shoukar dromma, kay dell kek čingepen.

Gosewe laba 8:20

Kote, kay i menshe ap o čačo drom djan, oun an o čačepen tardo hi, kote hom me ninna,

Jesaja 42:16

Mire menshen, kay hi har korele, sikrau i drom, kolestar yon či djinenn. Oun anau len ap dromma, kolendar yon či shounan. Yon djivenn har an kali rat, oun me lau o tamlepen glan lende krik. Oun kol barra, hoy ap lengro drom čiddo hi, lau krik. Kava krau lenge, oun moukau len gar.

Jesaja 42:7

Tou kress i korelenge i yaka pre, oun less i pandlen vin dran o stilepen, kay hi le beshdo an i kali rat.

Jesaja 48:17

O baro Devel, kova, kay tout, Israel, vin las dran o pandepen, yob, o čačo Devel, hi o Israeleskro Devel oun penell: Me, o baro Devel, hom tiro Devel, kova, kay toute sikrell, hoy touke mishto hi, oun ap havo drom tou hounte djas.

Jesaja 48:22

Kava tselo lačo koova, hi gar i čilačenge, penell o baro Devel.

Jesaja 49:6

Yob penas: Kova hi gar doha, te hal miro boudepaskro, te čivess o them Israel pale pre, oun aness kolen pale pash mande, kay o Yakobeskre čavendar pral ačan. Na-a, me krau ninna, te vess i momeli i tsele natsyonenge, hoy sikrell halauterenge ap i phoub, kay lau len dran o čilačepen vin.

Jesaja 49:9

– te peness i pandlen: Djan vin; oun kolenge, kay an i kali rat hi: Avenn vin! Palle hi le har bakre, hoy rhapen hatsenn pash o drom. Oun ap o pralstouno them hatsenn le zenlepen.

Jesaja 59:8

T'menge hi či moldo, te djal i vavarenge mishto. Oun o čačepen kamenn gar te krell. Bange dromma djan t'mer. Save menshe perenn an i bibarht.

Jesaja 9:2

Baro Devel, tou kral, te venn i menshe boud, kral, te vell lengri barht bares. Glan toute stenn oun sanenn le i barhtyatar, yaake har an ko tsiro, kay lenn le o djob dren, oun yaake har lourde barhtelo hi, te lenn le pengro kotar kolestar, hoy randedo vas an o kourepen.

Jeremia 2:6

Oun poučan pen gar: Kay hi o baro Devel, kay anas men dran o them Egiptia vin, oun djas glan mende an o moulo tato them, an ko divyo oun trouk them, kay či har santa oun barra hi, kay kek drom hi, oun kek mensho djivell?

Jeremia 6:16

O baro Devel penas lenge: Ačenn tardo ap ko drom, kay t'mer djan! Dikenn oun poučenn pal i phoure dromma! Hatsenn vin, havo drom anell t'menge lačepen! Oun djan kava drom! Palle vell shoukapen an t'mare djia. Yon penan: Kova kamah mer gar te krell.

Mateo 4:16

T'menge hi ko lab, hoy o Debleskro rakepaskro penas: T'mer djivenna an i rati, oun dikenna i bari momeli. Yaake har o kham pre djala, vella i momeli pash kolende, kay hi len traash o merepastar.

Louka 2:32

Yob hi har i momeli, te sikrell lo kolen tiro drom, kay prindjrenn tout gar. Koleske sharenn yon i menshen an Israel.”

Johanni 1:9

Koy čači momeli vas ap i phoub, te rhačell li hakeneske.

Johanni 12:46

Me hom koy bari momeli, hoy vas ap kay phoub. Hakeno, koon ap mande patsella, ačell gar an i rati.

Johanni 8:12

Pale rakras o Yezous i menshentsa oun penas: “Me hom koy momeli i menshenge. Koon mange palla djala, djal gar an o tamlepen. Me hom koy momeli, kay o djipen della.”

Johanni 9:5

Yaake rah, har me ap kay phoub hom, yaake rah hom me koy momeli i menshenge.”

Bičepangre 10:36

Yob moukas i biboldenge o lačo lab te penell, te hi o Yezous Kristo kova, kay anell len pash o Debleste. Yob hi gar lengro ray kokres, na-a, yob hi o ray pral halauter.

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

Remarja 3:17

Ko drom, kay i menshe pen gar čingrenna, prindjrenn le gar.

Efesarja 5:8

Glan ko tsiro, har t'mer patslo van, djan t'mer ap o čilačo drom. Kova his har te djans an i rati. Kanna hi kova vavarčandes. Maro ray Yezous djivell an t'mare djia, oun anas t'men ap peskro drom. Yob hi i bari momeli t'menge. Djan kanna ap leskro drom, kay hi bouder kek tamlepen!