Louka 1:78 - O Debleskro Lab 2024 (Sinte-Manouche)

⁷⁸ Maro Debles hi i baro dji menge. Leskro kamlepen vell pash mende. Kova hi har o kham, hoy djal pre ap o bolepen,

O Debleskro Drom 2021 (Sinte)

⁷⁸ Maro Debles hi i baro dji menge. Leskro kamlepen well pash mende. Kowa hi har o kham, hoi djal pre ap o bolepen,

Louka 1:78 ပူးပေါင်းရင်းမြစ်များ

Debleskri gili 25:6

Miro baro Devel, ma biste tiro kamlepen oun tiro lačepen, hoy hako tsiro ap tire menshende sikral.

Jesaja 11:1

Yaake har vell i tikno nevo kasht dran i tele dino rouk, oun i nevo tikno rouk mank leskre draba vin, yaake vell i nevo baro ray dran o Davideskro kheer.

Jesaja 42:16

Mire menshen, kay hi har korele, sikrau i drom, kolestar yon či djinenn. Oun anau len ap dromma, kolendar yon či shounan. Yon djivenn har an kali rat, oun me lau o tamlepen glan lende krik. Oun kol barra, hoy ap lengro drom čiddo hi, lau krik. Kava krau lenge, oun moukau len gar.

Jesaja 63:15

Dik dran o bolepen tele, oun dik tele dran tiro raylo kheer! Kay hi tiro kamlepen, hoy menge rhačell? Kay hi tiri zoor? Hi tout bouder kek dji oun kek lačepen menge?

Jesaja 63:7

Me kamau te rakrap pral o Debleskro lačepen, ko baro koova, hoy o baro Devel halauter menge kras, oun ko tselo lačo koova, hoy moukas lo ap o kheer Israel te vell. Les hi lenge i baro dji oun hi lenge yaake lačes.

Zakarie 3:8

Shoun kanna, Yeshoua, tou baro rashay: Tou oun tire phrala, kay glan toute beshdo hi, t'mer han i sikepen, hoy o baro Devel kamell te krell an o tsiro, hoy vella: Me bičrau miro boudepaskres, kay kharell nevo rouk.

Zakarie 6:12

Oun pen leske: Kova penell o baro Devel, ko ray pral o bolepen oun i phoub: Ko morsh, kay vell kharedo nevo rouk, vell baro ap peskri platsa. Oun yob krell o baro Debleske i nevo kheer.

4. Mose 24:17

Me dikau yekes. Kova hi kanna gar koy. Doural dikau les. Dran o Yakob vell yek, kay djal pre har i bolepaskri momeli. Dran o Israel vell i baro ray, oun dell i Moabarya khetne. Oun kol morshenge, kay venna pal o Set, dell lo ap o shero.

Johanni 3:16

O Devel kamas i menshen yaake boud, te das lo lenge peskro yek čaves. Les his kek vavar. Hakeno, koon patsell ap leste, djal gar nashedo. Yob lell ko djipen, hoy gar pre-herella.

Efesarja 5:14

Oun kova, hoy diklo vella, ačell gar an o tamlepen.

Filiparja 1:8

O Devel djinella: Miro dji hi pash t'mende. O Yezous Kristo das man i baro kamlepen t'menge.

Filiparja 2:1

Me djinau, t'mer rakrenn i menshenge o Yezouseskre laba an o dji. T'mare laba venna dran o kamlepen, oun krenn lengre djia zoreles. O Debleskro Dourho rikrell t'men khetne, oun t'men hi i baro dji i vavarenge.

Kolossarja 3:12

T'mer han kanna o Debleskre menshe, kolen yob peske vin rodas. Yob kamell t'men o djiyestar. Doleske hounte vell t'men i baro dji o vavareske, te vell hakeno lačo ap o vavareste, te krell pes kek bareder har o vavar, te rakrell hakeno lačes o vavareha, te dell kek o vavares sik pre,

2. Petro 1:19

Doleske djinah mer čačepah, kay kova čačo hi, hoy o Debleskre rakepangre penan. T'mer krenna mishto, te denn garda koy pre. Ko lab hi har i momeli, hoy rhačella an i rat, bis te vell o dives. Palle djal i rayli momeli an t'mare djia pre.

1. Johanni 3:17

Te hi yek bravelo, oun dikell, kay peskro phrales gar doha djipaske hi, oun yob dell les či, yaake nay ačell gar o Debleskro kamlepen an leste.

Debleskro tsiro 22:16

Me, o Yezous, bičrom miro bolepaskres pash t'mende, te penell lo kava koova i patslenge. Me hom o Davideskro čavo. Me hom koy rayli bolepaskri momeli, hoy djal pre taysarlake ap o bolepen.”