Louka 1:66 - O Debleskro Lab 2024 (Sinte-Manouche)

⁶⁶ Oun lauterenge djas kova an o dji, kay kova shounan. Oun yon penan: “Hoy vell dran kava ternepen?” Oun lauter patsan, kay o Debleskri zoor ap o čaveste čiddo hi.

O Debleskro Drom 2021 (Sinte)

⁶⁶ Un lauterenge djas kowa an o dji, kai kowa shunan. Un jon penan: “Hoi well dran kau ternepen?” Un lauter patsan, kai o Debleskri soor ap o tchaweste tchiddo hi.

Louka 1:66 ပူးပေါင်းရင်းမြစ်များ

1. Mose 37:11

Oun leskre phrala dikan čilače yakentsa ap leste. Leskro dad rikras kol laba an peskro dji.

1. Mose 39:2

Oun o baro Devel his pash o Yosefeste. Lauter, hoy yob kras, his mishto. Oun yob ačas an o kheer peskro egiptikro rayestar.

1. Rajengro liil 18:46

Oun o baro Debleskri zoor vas ap o Eliya, oun yob pandas i pereskri dori troul peskro ripen oun nashas glan o Ahab, bis te van le an o foro Yesreel.

Debleskri gili 119:11

Me rikrau tiro lab an miro dji, te anap kek doosh ap mande.

Debleskri gili 80:17

Dik, har hi lo tele dino oun pre-rhačedo! Činge yaake ap kolende, kay kova kran, te phagenn le khetne.

Debleskri gili 89:21

Me hatsom o Davides, miro boudepaskro. Me makom les miro djeteha, te vell lo baro ray.

Louka 1:80

O Yohanni vas baro, oun hayvas hako dives feteder, hoy o Devel kamella. Oun yob djivas an o moulo them yaake rah, bis te vas ko dives, kay yob glan i menshende an Israel rakras.

Louka 2:19

I Maria rikras kol tsele laba an peskro dji oun moukas len an lakro shero trouyel te djal.

Louka 2:40

Ko ternepen vas baro oun zorelo, oun pherdo gosvepen. Oun hakeno dikas, kay o Devel pash leste hi.

Louka 2:51

Palle djas lo lentsa pale an o foro Nazaret, oun kras lauter, hoy yon penan leske. Leskri day rikras kol tsele laba, hoy o Yezous penas, an peskro dji.

Louka 9:44

“Ma bistrenn, hoy me t'menge penau: Me, o Mensheskro Čavo, vau an i menshengre vasta dino!”

Bičepangre 11:21

Oun o rayeskri zoor his lentsa. Oun boud kolendar, kay kek bibolde hi, van patslo, oun van ap o Yezouseskro drom.

Kolossarja 1:5

T'maro patsepen oun kamlepen vell dran kova, kay dikenn t'mer ap ko dives, kay djivenn t'mer o Debleha khetne an o bolepen. Kova shounan t'mer ap ko tsiro, har t'menge o lačo lab o Yezous Kristestar penlo vas. Oun ko lab hi čačo.

1. Samuel 16:18

Oun yek kol terne morshendar penas: “Shoun, o Isay dran Betlehem, les hi i čavo, ko hayvell i harfa lačes te bashrell. Ninna hi lo i čačo morsh, kay hayvell pes mishto te marell. Oun yob hatsella hako tsiro i laba, hoy penlo hounte venn. Oun yob hi i shoukar morsh. Oun o baro Devel hi leha.”

1. Samuel 2:18

Oun o Samuel his o baro Debleske koy. Kava čavo his rido an i rashayeskri layntikri damdira.