Louka 1:32 - O Debleskro Lab 2024 (Sinte-Manouche)

³² Kova vell i baro ray. Yob vell kharedo Debleskro čavo. Oun o Devel krell lestar i baro ray pral Israel, yaake har yek leskre phourendar, o David, o baro ray his.

O Debleskro Drom 2021 (Sinte)

³² Kowa well i baro rai. Job well kharedo Debleskro tchawo. Un o Dewel krell lestar i baro rai pral Israel, jaake har jek leskre phurendar, o David, o baro rai his.

Louka 1:32 ပူးပေါင်းရင်းမြစ်များ

2. Samuel 7:16

Hako tsiro hi tout čave, kay pal toute venna, oun yek lendar hi baro ray glan mande. Oun tiro rayengri beshepaskri ačell hako tsiro.”

Debleskri gili 132:11

O baro Devel das o Davideste i sovel, oun yob lell koy sovel gar pale. Oun yob penas: Me rodau yekes tire čavendar vin, te vell lo baro ray pal toute.

Debleskri gili 132:12

Te rikrenn tire čave ap mande oun mire laba oun krenn, hoy me lenge penau, palle venn ninna lendar bare raya, yaake te vell hako tsiro yek tire čavendar baro ray.

Jesaja 16:5

Palle vell i rayeskri beshepaskri pre tardo. Oun yek o Davideskre menshendar hi koy pre beshdo, oun hi i lačo ray. Les hi i dji peskre menshenge. Oun hi i čačepaskro ray, kay krell, hoy čačo hi, oun dell hakenes peskro čačepen.

Jeremia 17:25

palle nay djan ninna bare raya dran o Davideskri familya dren an kava foreskre voudya, kay beshenn ap graya oun vourdya, yon oun vavar pralstoune, oun lauter, kay an Youda oun Yerusalem djivenna. Oun an kava foro djivenn hako tsiro menshe.

Jeremia 22:2

Oun pen: Tou baro ray pral Youda, kay hal ap o Davideskri beshepaskri beshdo, shoun, hoy penell o baro Devel touke oun tire pralstunenge oun kol menshenge, kay venn pash toute an tiro raylo kheer!

Daniel 2:44

Oun an ko tsiro, kay kol bare raya djivenna, krell o bolepaskro Devel yek them, hoy an kek tsiro paash kerdo nay vell. Kava them vell an kek tsiro vavar menshendar dren lino. Leskro baro ray krell kol vavar rayengre themma paash, oun leskri zoor ačell hako tsireske.

Mateo 1:1

Kava hi o liil, hoy sikrella, koon o Yezous Kristeskre phoure his. Mank lende his o David oun o Abraham.

Mateo 12:42

Ap ko dives, kay rakrell o Devel o čačepen vin pral i tsele menshende, stella ninna i bari rani dran o foro Saba pre. Oun yoy penella, te hi kol menshe čilačo, kay kanna djivenna. Glan i rah tsiro, vas yoy dran i dour them, oun vas pash o baro ray Salomo, te shounell li leskre goseve laba. Kava, kay glan t'mende tardo hi, kava hi bareder har o baro ray Salomo.

Mateo 28:18

Oun o Yezous djas pash lende oun penas ap lende: “O baro Devel das man i zoor pral o bolepen oun pral i phoub.

Mateo 3:11

Me čivau t'men an o pani. Kova sikrella, kay t'mer moukan t'maro čilačo drom, oun djan kanna ap o Debleskro drom. Pal mande vell yek, kova hi zorleder har me. Oun me hom gar moldo, te hidjrap leskre kirrha leske. Kova čivell o Debleskro Dourho ap t'mende. Kova hi har i yag.

Markus 14:61

Oun o Yezous penas či. Pale poučas o baro rashay lestar: “Hal tou ko baro ray, kolestar o Devel penas, te vell yob? Hal tou o čavo o baro Deblestar?”

Markus 5:7

Oun o Yezous penas ap o bengeste: “Tou beng, dja vin dran kava morsheste!” Koy das yob bari gole: “Yezous, tou čavo o baro Deblestar, hoy kameh tou mandar? Me mangau tout pash o Debleste: Ma douke man gar!”

Louka 1:15

Oun yob vella bares glan o Debleskre yaka. Mool oun vavar zorelo pipen piyell yob gar. Oun har yob gomme gar boldo hi, hi lo pherdo Debleskro Dourho.

Louka 1:35

O bolepaskro penas ap late: “O Debleskro Dourho oun leskri zoor vell pral toute. Doleske vell o ternepen o Deblestar oun vell Debleskro čavo kharedo.

Louka 1:76

Oun tou miro čavo, tou veh ninna i Debleskro rakepaskro. Oun tou djah glan o Debleste, oun kreh leske i drom pre, te vell lo nay pash i menshende.

Louka 3:16

Koy penas o Yohanni ap lauterende: “Me čivau t'men an o pani. Yek vella, kova hi zorleder har me. Me hom gar moldo, te krap leskre kirrha pre. Yob čivell o Debleskro Dourho ap t'mende, oun krell t'men djoudjo, har i yag o saster djoudjo krella.

Louka 6:35

Me penau t'menge: Avenn lačes kolenge, kay hi čilačo ap t'mende! Krenn kolenge lačepen! Patsenn t'mare love vin ap kolende, kay t'mer gar djinenna, te lenn t'mer lendar čomone pale! Te krenna t'mer kova lauter, palle dell o Devel t'men peskro bravlepen an o bolepen, oun t'mer venn o baro Debleskre čave. O Devel hi ninna lačes ap kol menshende, kay čilače hi, oun kay parkrenn pen gar pash leste.

Johanni 12:34

Koy penan i menshe ap leste: “Dran o Debleskro lab shounam, kay ko baro ray, kolestar o Devel penas, te vell yob, ačell hako tsiro. Har nay peneh tou, kay o Mensheskro Čavo hounte vell ap o troushel dino? Koon hi ko Mensheskro Čavo?”

Johanni 6:69

Mer patsah oun djinah, tou veh o Deblestar. O Devel bičras tout.”

Bičepangre 16:17

Koya las o Paules oun men palla, oun das gole: “Kalla morsha boudrenn ko baro Debleske! Kalla sikrenn t'menge o drom pash leste.”

Bičepangre 2:30

O David his i Debleskro rakepaskro, kay nay dikas glan-vi, hoy vella. O David djinas, hoy o Devel leske penas, te vell yek pal leste, hoy vell o baro ray. Oun kova vella leskre menshendar. O Devel das pes sovel, te vell kova yaake.

Bičepangre 2:36

I tsele menshe an Israel hounte djinenna, o Devel kras, te hi kava Yezous, koles t'mer ap o troushel dan, o ray pral halauter. Yob hi ko baro ray, kolestar o Devel penas, te vell yob.”

Bičepangre 7:48

O baro Devel djivell gar an khera, kay i menshe kran pengre vastentsa. Kova penas glan rah tsiro o Debleskro rakepaskro, o Yesaya:

Debleskro tsiro 3:7

“Čin kava liil ap o Debleskro boudepaskro, kay dell yak ap i patslende an o foro Filadelfia: Kava penell o Debleskro čačepaskro. Koles hi o Davideskro klidepaskro an o vast. Yob te krell o voudar pre, palle nay krell les kek pale pandlo. Yob te krell o voudar pandlo, palle nay krell les kek pre.