Louka 1:20 - O Debleskro Lab 2024 (Sinte-Manouche)

²⁰ Ap o čačo tsiro vell kova yaake, har touke penom. Tou patsal mire laba gar, oun doleske lell o Devel tiro rakepen yaake rah krik, bis te vell ko dives, kay kova lauter vella.”

O Debleskro Drom 2021 (Sinte)

²⁰ Ap o tchatcho tsiro well kowa jaake, har tuke penom. Tu patsal mire laba gar, un doleske lell o Dewel tiro rakepen jaake rah krik, bis te well ko diwes, kai kowa lauter wella.”

Louka 1:20 ပူးပေါင်းရင်းမြစ်များ

2. Rajengro liil 7:19

Oun koy pre penas ko pralstouno lourdo ap ko Debleskro morsheste: “Ninna te krals o baro Devel gomme kava dives o bolepen pre oun dals brishin, har nay djal kova?” Oun o Elisa penas koy pre: “Tire yakentsa dikeh tou kova, oun či rhah tou kolestar.”

2. Rajengro liil 7:2

Ko pralstouno lourdo, kay čivas pes o baro ray ap leskri moussi, penas ap ko Debleskro morsheste: “Ninna te krals o baro Devel gomme kava dives o bolepen pre oun dals brishin, har nay djal kova?” O Elisa penas: “Tire yakentsa dikeh tou kova, oun či rhah tou kolestar.”

2. Mose 4:11

Pale penas o baro Devel ap o Moseste: “Koon krell, te nay rakrenn i menshe? Oun koon krell kova, te nay rakrell oun shounell yek gar? Koon krell kova, te nay dikenn le? Oun koon krell, te nay dikell yek gar? Hom kova gar me?

Ezekiel 24:27

Ap ko dives vell tiro mouy pre kerdo, oun tou nay rakreh pale. Oun yaake vess tou lenge i sikepen. Palle dikenn oun hayvenn le, te hom me o baro Devel.

Ezekiel 3:26

Yon hi save menshe, kay moukenn pen či te penell. Doleske krau, te nay rakress bouder gar, oun nay dess len bouder gar trad.

Daniel 10:15

Oun har yob yaake mantsa rakras, dikom me tele ap i phoub, oun nay penom bouder či.

4. Mose 20:12

O baro Devel penas ap o Moseste oun ap o Aroneste: “T'mer patsan gar, hoy penom, oun sharan man gar glan kol Israelitarya. Doleske anenn t'mer gar kol menshen an ko them, hoy me len dau.”

Markus 16:14

Koy pre, har kol deesh-te-yek pash o rhapen beshdo his, moukas lo pes lendar te dikell oun čingras ap lende, kay hi lengre djia har barra, oun te patsan le gar kolenge, kay les dikan, har yob i moulendar pre stas.

Markus 9:19

Koy penas o Yezous ap lende: “Have menshe han t'mer, kay hi t'men kek patsepen! Har rah hounte ačap pash t'mende? Har rah rikrap me pash t'mende vin? Anenn les kate pash mande!”

Louka 1:19

O bolepaskro penas ap leste: “Me hom o Gabriel, oun me hom glan o Debleste tardo. O Devel bičras man pash toute, te penap touke kova.

Louka 1:21

Oun i menshe dikan ap o voudar an o Debleskro baro kheer, oun djinan gar, hoske o Zakari yaake rah an o Debleskro baro kheer ačella.

Louka 1:22

Oun har yob kote vin vas, nay rakras lo bouder gar. Yob hadas peskro vast, te sikrell lo lende, te nay rakrell yob bouder gar. Koy pre dikan i menshe, kay o Devel rakras leha an o Debleskro baro kheer.

Louka 1:45

Barhteli hal tou! Tou patsal, te vell kova yaake, hoy o Devel touke penas.”

Louka 1:64

Ap yek kopo nay rakras o Zakari pale, oun sharas o Debles.

Remarja 3:3

Ninna te djan le gar lauter ap o Debleskro drom, rikras o Devel peskro lab, oun čivas len gar ap i rig.

2. Timoteo 2:13

Te rikrah men gar pash leste, yob rikrell pash mende. Oun yob ačell yaake har yob hi.

Tito 1:2

Yon hounte djinenn, te lenn le o djipen, hoy gar pre-herella. Kova penas o Devel glan i rah tsiro. Oun yob rhorhella gar.

Hebrearja 6:18

Ko lab, hoy das o Devel oun das peskro vast pre, nay vell an kek tsiro krik lino. O Devel rhorhella gar. Oun mer, kay vam pash leste, te lell lo men dran o čilačepen vin, men hi kanna leskro zorelo lab, te dell lo men o djipen, hoy gar pre-herella, yaake har yob penas.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!