Kolossarja 4:17 - O Debleskro Lab 2024 (Sinte-Manouche)

¹⁷ Penenn ap o Arkippo: Kre koy boudi, hoy o ray Yezous tout das! Mouk gar tele!

O Debleskro Drom 2021 (Sinte)

¹⁷ Penenn ap o Archippo: Kre koi budi, hoi o rai Jesus tut das! Muk gar tele!

Kolossarja 4:17 ပူးပေါင်းရင်းမြစ်များ

2. Familjakro liil 29:11

T'mer, kay han har mire čave, ma nashrenn kek tsiro! Djan ap t'mari boudi! T'mer han kolla, kay o baro Devel vi-rodas, te venn glan leste tardo oun boudrenn leske oun anenn leske firhen oun soungepaskro koova.”

3. Mose 10:3

O Mose penas ap o Aron: Kava hi, hoy o baro Devel rakras, har penas lo: Kamau, te dikenn kolla, kay venn glan mande, te hom me kokres o čačo Devel. Glan i tsele menshende kamau te vap sharedo. O Aron penas kek lab.

4. Mose 18:5

Yaake har kanna penom, krenn koy boudi an o Debleskro kheer, oun koy boudi ap o Debleskri rhačepaskri, te vell bouder gar miri rholi pral kol Israelitarya!

Mateo 25:17

Oun ninna kova, kay kol douy gone peskro rayestar las, kova las douy vavar gone pashel.

Bičepangre 1:17

Yob his yek mendar. O Yezous rodas men khetne vin, te vas mer leskre bičepangre.

Bičepangre 14:23

Oun an hake gaba oun forya, kay i patsle khetne van, rodas o Paulo oun o Barnabas phralen vin, te venn le phoureder mank i patslende. Oun o Paulo oun o Barnabas lan penge i tsiro, kay rhan le či o Debleske, oun mangan o Debles lauterenge, kay ap leste patslo van, te dell lo ap lende yak.

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

Efesarja 4:11

Yob hi kova, kay das i patslen pengri boudi. Koy hi kolla, kolen yob bičras, te penenn le i menshenge lestar. Vavar rakrenna, hoy yob lenge an o dji čivas, hoy kek vavar djinella. Vavar anenn kol menshen, kay gar patslo hi, pash o Yezous Kristeste. Pale vavar rikrenn i patslen khetne, oun sikrenn lende o Debleskro drom.

1. Timoteo 4:14

Ma biste koy boudi, hoy o Debleskro Dourho tout das, har kol phoureder phrala touke i vasta pre čivan, oun hoy yon pral toute glan-vi penan!

1. Timoteo 4:16

De garda ap toute, har tou djiveh oun har tou sikreh o Debleskro drom! Kre ko koova, hoy touke penom! Yaake djah tou ap o drom pash o Debleste. Oun kolla, kay shounenn ap kova, hoy tou peneh, aneh tou ninna ap ko drom.

1. Timoteo 4:6

Te peneh tou kava koova i patslenge, hal tou o Yezouseskro lačo boudepaskro. Yaake sikreh, kay djiveh pal o lačo lab o Yezous Kristestar, hoy tou shounal oun patsal, oun kay djah tou doureder ap o Debleskro drom!

1. Timoteo 6:20

Tou, Timoteo, ač pash kova, hoy o Devel an tiro vast čivas! Ma shoun ap kolende, kay rakrenn laba, hoy či moldo hi, oun hoy gar o Deblestar venna! Yon rakrenn dinelo koova, oun patsenn, kay djinenn le boudeder har kol vavar. Lengro hi gar čačo.

2. Timoteo 1:6

Doleske mangau tout: Mouk koy zoor an toute te boudrell, hoy o Devel tout das! Tou lal koy zoor, har mangom o Debles touke, oun har čivom touke i vasta pre.

2. Timoteo 2:2

Tou hals pashel, har penom boud menshen o Debleskro lab. Kova, hoy shounal mandar, sike kanna vavar patslen, kay krenn, hoy tou lenge peneh, oun kolendar tou djineh, te hayvenn le mishto o Debleskro lab te penell!

Filemon 1:2

Mer činah ninna ap mari phenyate, i Apfia, oun ap o Arkippo, kay boudrella mentsa o Yezous Kristeske, ninna ap i tsele patslende, kay venna khetne an tiro kheer.