Kolossarja 4:12 - O Debleskro Lab 2024 (Sinte-Manouche)

¹² Ninna o Epafras penell t'menge: “Ačenn o Debleha!” Kova hi yek t'mendar, oun boudrell o Yezous Kristeske. Yob mangell o Debles hako tsiro t'menge, te venn t'mer zoreles an o patsepen, te djinenn lauter, hoy o Devel t'mendar kamella oun te krenn kova ninna.

O Debleskro Drom 2021 (Sinte)

¹² Ninna o Epafras penell tumenge: “Atchenn o Debleha!” Kowa hi jek tumendar, un budrell o Jesus Kristeske. Job mangell o Debles hako tsiro tumenge, te wenn tumer soreles an o patsepen, te djinenn lauter, hoi o Dewel tumendar kamella un te krenn kowa ninna.

Kolossarja 4:12 ပူးပေါင်းရင်းမြစ်များ

Mateo 5:48

T'mer hounte venn yaake lačes ap i menshende, har t'maro dad an o bolepen hi lačes ap i menshende.

Louka 1:1

Lačo Theofilo, boud menshe činan an i liil, hoy o Devel mashkral mende kras.

Louka 22:44

Oun o Yezous mangas o Debles zorleder, oun rat nashas leskro sherestar tele ap i phoub, yaake zoreles vas i daar ap leste.

Johanni 12:26

Koon kamell mange koy te vell, kova hounte djal mantsa. Kote, kay me hom, hi ninna kova, kay mange koy hi. Kova, kay mange koy hi, vell sharedo miro dadestar.

Remarja 15:14

Mire phrala, me djinau čačepah, t'maro dji hi pherdo lačepen. Oun t'mer djinenn lauter, hoy o Devel t'mendar kamella. Yaake nay sikrell ko yek o vavareste o čačo drom.

Remarja 15:30

Mire phrala, mangau t'mendar an o lab maro rayestar o Yezous Kristestar, oun an o kamlepen, hoy o Debleskro Dourho men das: Mangenn mantsa khetne o Debles o tselo djiyeha,

1. Korintarja 14:20

Mire phrala, ma avenn har tikne čave, kay gomme gar boud djinenna. Avenn gosevo har i phoure! Pash čilačo koova, avenn har tikne čave, hoy o čilačepen gar hayvenna!

1. Korintarja 2:6

Kova, hoy mer penah i patslenge, hi o Debleskro gosvepen. Kava gosvepen hi gar har ko gosvepen, kay vell kol menshendar, kay prindjrenn o Debles gar, vitar gar har o gosvepen kolendar, kay hi raya ap kay phoub. Kolla hounte merenn.

2. Korintarja 13:11

Kanna, mire phrala, avenn barhteles, oun avenn pale pale ap o čačo drom! Shounenn ap kol laba, hoy me t'menge penom. Rikrenn khetne oun čingrenn t'men gar! Oun o Devel, kay dell kamlepen oun barht an o dji, vell t'mentsa!

Galatarja 1:10

Penenn mange, rakrau me kanna yaake, har kamenn i menshe kova te shounell? Na-a! Me rakrau yaake, har o Devel kova kamella. Me kamau gar, te sharenn man i menshe. Te vals kova yaake, voms gar o Yezous Kristeskro boudepaskro.

Galatarja 4:19

Mire phrala! Me kamau t'men o djiyestar, har te vans mire čave. Yaake har i djouvyat douka hi, te lell li i ternepen, yaake hi man pale douka t'menge, bis te vell o Yezous Kristo diklo an t'mende.

Kolossarja 1:22

Kanna van t'mer o Debleskre mala. Har peskro čavo t'menge meras, las lo t'mari doosh t'mendar oun kras t'men djoudjo oun erligo glan leste.

Kolossarja 1:28

Oun kava Yezouseskro drom sikrah mer i menshende, oun penah hakeneske an o dji, te djal lo ap kava drom. Mer penah lenge o Debleskro lab yaake, te hayvenn le les mishto. O Devel kamella, te vell hakeno baro oun zorelo an o patsepen ap o Yezous Kristeste.

Kolossarja 1:29

Dran kova boudrau i tseli zoryah, hoy o Yezous Kristo an mande das.

Kolossarja 1:7

Kava lab penas t'menge maro kamlo phraal, o Epafras. Kova boudrella o Yezous Kristeske har mer. Yob krell peskri boudi mishto pash t'mende.

Kolossarja 1:9

Oun har mer kova shounam, mangam o Debles t'menge, oun moukam gar tele, te mangas lestar, te dell lo an t'mende o gosvepen, hoy dell o Debleskro Dourho, te hayvenn t'mer, hoy o Devel kamella.

Kolossarja 4:9

Leha khetne bičrau miro lačo phrales, o Onesimo, kay rikrell zoreles ap o patsepen. Kova hi yek t'mendar. Kol douy penenn t'menge lauter, hoy kate djala.

1. Tessalonikarja 5:23

O Devel kras i drom, te vas pash leste. Lestar mangau, te krell lo t'maro tselo djipen djoudjo glan leste, te rikrell lo t'men an peskre vasta, yaake te hatsell lo kek doosh ap t'mende ap ko dives, kay vell maro ray, o Yezous Kristo, pale.

Filemon 1:23

O Epafras, kay mantsa an o stilepen o Yezous Kristeske hi, penell touke: Ač maro Debleha!

Hebrearja 5:14

O morsheskro rhapen hi kolenge, kay djivenna pal o Debleskro lab oun hayvenn boud oun boudeder, hoy lačo oun čilačo hi.

Hebrearja 5:7

Har o Yezous ap i phoub djivas, kras lo lauter, hoy o Devel kamas. Doleske shounas les o Devel. An i daar mangas o Yezous o Debles i ropah oun bari golyah. Yob djinas, kova nay lell les dran o merepen vin.

Jakobo 1:1

Kava liil činau me, o Yakobo, kova, kay boudrell o Yezous Kristeske oun o Debleske. Me penau lače laba kolenge, kay patsenn ap o Yezous Kristeste oun djivenn mashkral kolende, kay gar patslo hi.

Jakobo 1:4

Rikrenn vin, oun djan doureder an o patsepen! Ma ačenn tardo! Yaake venn t'mer save menshe, har kamell o Devel dran t'mende te krell. Oun t'mer krenna lauter, hoy mishto oun lačo hi. Oun kek doosh hi ap t'mende.

Jakobo 5:16

Doleske penenn t'menge t'mari doosh, oun mangenn o Debles yek o vavareske, te venn t'mer sasto. I mensho, kay djivell yaake, har o Devel kamella, yob te mangell i tselo djiyeha čomone o Deblestar, nay krell o Devel boud leske.

2. Petro 1:1

Me, o Simon Petro, činau kava liil. Me boudrau o Yezous Kristeske oun hom leskro bičepaskro. Me činau ap lauterende, kay lan ninna ko patsepen har mer. Ko kouč patsepen, kay čivas men an o čačepen glan o Debleste, das men maro Devel oun o Yezous Kristo, kay las men dran o čilačepen vin.

Judas 1:24

Maro Debles hi i zoor, te rikrell lo t'men ap leskro drom, te hatsell lo kek doosh ap t'mende ap ko dives, kay han glan leste tardo, oun dikenn leskro raylepen, oun han barhteles.