Kolossarja 4:10 - O Debleskro Lab 2024 (Sinte-Manouche)

^10-11 O Aristarko, kay mantsa an o stilepen hi, penell t'menge “Ačenn o Debleha!” Ninna o Marko oun ko Yosua, kay ninna Yusto kharella, penenn t'menge “Ačenn o Debleha!” O Marko hi o kakeskro čavo o Barnabestar. Te vell lo pash t'mende, lenn les kamles pre, har penom t'menge glan i tsiro! Kolla triin morsha hi bibolde, kay ap o Yezous Kristeste patsenna. I tsele biboldendar, kay kate hi, krenna kol triin kokres mantsa khetne o Debleskri boudi. Yon dan man zoor an miro dji.

O Debleskro Drom 2021 (Sinte)

^10-11 O Aristarcho, kai mantsa an o stilepen hi, penell tumenge “Atchenn o Debleha!” Ninna o Marko un ko Josua, kai ninna Justo kharella, penenn tumenge “Atchenn o Debleha!” O Marko hi o kakeskro tchawo o Barnabestar. Te well lo pash tumende, lenn les kamles pre, har penom tumenge glan i tsiro! Kolla triin mursha hi bibolde, kai ap o Jesus Kristeste patsenna. I tsele biboldendar, kai kate hi, krenna kol triin kokres mantsa khetne o Debleskri budi. Jon dan man soor an miro dji.

Kolossarja 4:10 ပူးပေါင်းရင်းမြစ်များ

Bičepangre 12:12

Har kova an leskro shero vas, djas yob pash i Mariakro kheer. Lakro čavo his o Yohanni, kay ninna Marko kharedo vella. Kote his boud patsle khetne oun mangan o Debles.

Bičepangre 12:25

O Barnabas oun o Saulo anan kol love i patslenge an o foro Yerusalem. Palle van le pale an o foro Antiochia. Lentsa djas o Yohanni Marko.

Bičepangre 13:13

Pal kova djas o Paulo oun kolla, kay pash leste his, dran o foro Pafos. Ap o shiffo ouleran yon an o foro Perge. Kova hi an ko them Pamfilia čiddo. O Yohanni Marko djas peske lendar, oun djas pale an o foro Yerusalem.

Bičepangre 13:5

Oun har yon an ko foro Salamis van, penan le o Debleskro lab kote an i biboldengre kangria. Oun o Yohanni Marko boudras lentsa.

Bičepangre 19:29

Oun i tsele menshe an kava foro van divyo. Oun yon tapran kol douy morshen, o Gayes oun o Aristarkes, kay van o Pauleha dran o them Macedonia. Oun lauter khetne nashan le an o khelepaskro kheer oun tserdan kol douy morshen zoryah peha.

Bičepangre 20:4

Khetne leha djas ninna o Sopater dran o foro Berea, leskro dad his o Pirro. Dran o foro Tessalonika djas ninna o Aristarko oun o Sekundo lentsa. Dran o foro Derbe vas o Gayo lentsa. Ninna o Timoteo djas lentsa. Oun o Tichiko oun o Trofimo van dran ko them Asia lentsa.

Bičepangre 27:2

Mer djam ap o shiffo. Kova vas dran o foro Adramitsyon oun ouleras an kol forya, kay pash o pani an o them Asia čiddo hi. Mentsa vas ninna i morsh dran o foro Tessalonika. Leskro lab his Aristarko.

Bičepangre 4:36

Yaake kras kova ninna o Yosef. Kova his i Levitari oun vas dran o them Ciprus. O Yezouseskre bičepangre dan les ninna Barnabas gole. Ko kharella ap lengro rakepen: O morsh, kay rakrell i menshentsa lačo, te hi lengro dji pharo.

Remarja 16:7

Penenn ninna lače laba mandar ap o Androniko oun i Yunia! Kolla hi ninna bibolde har me oun his mantsa an o stilepen. Yon hi an-diklo mank kolende, kolen o Yezous Kristo vin bičras, te penenn le leskro lab. Kol douy van glan mande ap leste patslo.

2. Timoteo 4:11

O Louka ačas kokres pash mande. Te veh tou pash mande, an o Markes touha! Yob nay boudrell mange.

Filemon 1:23

O Epafras, kay mantsa an o stilepen o Yezous Kristeske hi, penell touke: Ač maro Debleha!

Filemon 1:24

Ninna o Marko, o Aristarko, o Demas, oun o Louka, kay mantsa o Yezous Kristeske boudrenna, kolla lauter penenn touke: Ač maro Debleha!

1. Petro 5:13

I patsle, kay venn khetne an o foro Babilon, penenn t'menge lače laba. Yon van o Deblestar vin rodedo har t'mer. Ninna miro čavo Marko penell t'menge lače laba.