Kolossarja 3:25 - O Debleskro Lab 2024 (Sinte-Manouche)

²⁵ Koon o čilačepen krella, kova lell i phagi. Pash o Debleste hi hakeno yaake boud moldo har o vavar.

O Debleskro Drom 2021 (Sinte)

²⁵ Koon o tchilatchepen krella, kowa lell i phagi. Pash o Debleste hi hakeno jaake bud moldo har o wawar.

Kolossarja 3:25 ပူးပေါင်းရင်းမြစ်များ

2. Samuel 14:14

Vell o tsiro, kay mer hounte meras halauter. Oun ham har pani, kay ap i phoub čoredo hi, oun hoy nay hadell kek bouder pre i phoubyatar. O Devel kamell gar o djipen krik te lell. Yob kamell gar te ačell kova, kay vas krik tradedo, ninna lestar krik.

2. Familjakro liil 19:7

Oun kanna rikrenn o baro Debles glan t'mare yaka, rikrenn t'men ap o čačepen oun denn hakeneste peskro čačepen. Ma bistrenn, pash maro baro Debleste hi kek rhorhepen. Oun yob dikell vitar gar ap kova koon glan leste tardo hi. Oun yob moukell pes gar te ginell.

Hiob 34:19

Yob dikell gar i pralstounes feteder an har i vavares, oun tserdell o braveles gar o čorveleske glan. Leskro vast kras len halauter.

Hiob 37:24

Doleske dikenn i menshe pre ap leste. Yob dikell kekes an, kay rikrell pes yekeske, kay hi gosevo.

3. Mose 19:15

Te vell o čačepen vin kerdo, palle de koles peskro čačepen, koles čačo hi! Ma tserde koles glan, kay čorvelo hi, vitar gar koles, kay bravelo hi. Hakeno hounte lell peskro čačepen.

Mateo 16:27

Me hom o Mensheskro Čavo. Oun me vau pale ap i phoub an o raylepen, hoy das man miro dad an o bolepen. Oun mantsa venna mire bolepangre. Oun palle dikau ap hakeneste, hoy yob kras. Oun me dau lačo koova kolen, kay lačo koova kran. Oun me dau i phagi kolen, kay čilačo koova kran.

Louka 20:21

Oun yaake penan le ap leste: “Sikepaskro, mer djinah, te dareh tou kekestar. Oun tou peneh o čačepen i menshenge an o mouy. Oun tou sikreh lende o Debleskro drom.

Bičepangre 10:34

Oun o Petro penas: “Kanna hayvau me čačepah: O Devel dikell gar koy pre, have menshendar yek vella: te vell lo i biboldendar, – te vell lo kolendar, kay kek bibolde hi. Yob dikell lačes ap hakeneste, kay trashell lestar, oun kay krell o čačepen.

Remarja 2:11

O Devel dikell gar ap yekeste, koon yob hi.

2. Korintarja 5:10

Ap ko dives, kay rakrell o Yezous Kristo o čačepen pral mende vin, hounte vas mer halauter glan leste tardo. Oun hakeno lell pal kova, hoy yob kras, har djivas lo ap i phoub: lačo koova har čilačo koova.

Efesarja 6:8

Shounenn: Koon lačo koova krella, koleste dell o Devel lačo koova pale. O Devel dikell gar koy pre, hoy ko mensho hi: te hi lo i boudepaskro, te hi lo i ray.

Efesarja 6:9

T'mer, kay han raya, ap t'mende penau: Avenn lačes ap kolende, kay t'menge boudrenna! Ma denn len trad! T'mer djinenna: Len hi i ray an o bolepen. Kova hi ninna t'maro ray. Glan leskre yaka hi yek mensho har o vavar.

5. Mose 1:17

Oun dikenn gar koy pre, koon glan t'mende tardo hi! Shounenn i tiknen oun i baren! Ma darenn kekestar! Krenn yaake o čačepen vin, har te krals kova o Devel! Savo koova, hoy t'menge phares hi, kova anenn pash mande, te shounap me kova.”

5. Mose 10:17

T'maro baro Devel hi o Devel pral hako devel oun o ray pral hako ray. Yob hi o baro oun o zorelo, kolestar halauter darenn. Yob dikell gar koy pre, koon yek hi. Oun yob lell či an, hoy kamell yek les te dell, te rissrell lo o čačepen trouyel.

Kolossarja 4:1

T'mer kay han raya, ap t'mende penau: Avenn čačes ap t'mare boudepangre oun djan lentsa mishto trouyel! Ma bistrenn, kay hi t'men ninna i ray an o bolepen!

1. Tessalonikarja 4:6

Kek hounte rhorhell peskro phrales. Koon kova krella, koles dell o Devel i phagi. Yaake penam t'menge, oun dam t'men trad.

2. Tessalonikarja 1:6

Yob djal ninna pal o čačepen, te dell lo kolen i phagi, kay t'men palla lan.

Filemon 1:18

Yob te kras touke čomone čilačes oun te hi les i siyaan pash toute, palle kre yaake, har vals man koy siyaan pash toute.

1. Petro 1:17

O Devel hi o čačepaskro ray, kay rakrell o čačepen vin pral hakeneste pal kova, hoy yob kras. Oun o Devel dikell gar koy pre, koon ko mensho hi. Ap leste penenn t'mer: “Tata!” Doleske djivenn yaake, har yob kova kamella, yaake rah har t'mer kate ap i phoub djivenna.

Judas 1:16

Kolla hi save menshe, kolenge kova gar mishto doha hi, hoy o Devel len das. Oun yon rhoyrenn pen, kay lenge gar feteder djal. Yon djivenn pal pengro shero. Yon hi sharede, kay rakrenn shoukar labentsa i menshentsa, te lenn le lendar lačo koova.