Kolossarja 3:11 - O Debleskro Lab 2024 (Sinte-Manouche)

¹¹ Kote, kay o Devel i menshen neves kras, kote hi yek yaake boud moldo har o vavar: I bibolde oun kolla, kay kek bibolde hi; kolla, kay ap o mass činlo hi oun kolla, kay gar ap o mass činlo hi; vi-themarya oun divye; raya oun boudepangre. O Yezous Kristo djivell an hakeneste mendar.

O Debleskro Drom 2021 (Sinte)

¹¹ Kote, kai o Dewel i menshen newes kras, kote hi jek jaake bud moldo har o wawar: I bibolde un kolla, kai kek bibolde hi; kolla, kai ap o mass tchinlo hi un kolla, kai gar ap o mass tchinlo hi; wi-themarja un diwje; raja un budepangre. O Jesus Kristo djiwell an hakeneste mendar.

Kolossarja 3:11 ပူးပေါင်းရင်းမြစ်များ

Debleskri gili 117:2

Leskro lačepen oun čačepen hi ap mende čiddo yaake rah har i phoub koy hi. Sharedo vell o baro Devel!

Jesaja 49:6

Yob penas: Kova hi gar doha, te hal miro boudepaskro, te čivess o them Israel pale pre, oun aness kolen pale pash mande, kay o Yakobeskre čavendar pral ačan. Na-a, me krau ninna, te vess i momeli i tsele natsyonenge, hoy sikrell halauterenge ap i phoub, kay lau len dran o čilačepen vin.

Jesaja 52:10

Glan i yaka i menshendar an i tsele themma sikrell o baro Devel peskri zoor, kolah yob peskre menshen vin lell dran o pandepen. Ap i tseli phoub dikenn le, har maro Devel peskre menshen khere anell.

Jeremia 16:19

Baro Devel, tou deh man zoor oun deh garda ap mande. Pash toute nay vau me oun khatrau man an i bibarht. Dran i tsele themma ap i phoub venn i menshe pash toute, oun penenn: Kol debla mare phourendar hi lauter rhorhepen, či-moldo hi le, oun nay venn gar ap mari rig.

Ezekiel 47:22

Kava them hi t'mare familyenge, oun vell o dadestar ap o čaveste doureder dino. Te vitsrenn t'mer kashta, hoy sikrenn, koon havo kotar them lella, palle bistrenn gar kol vi-themaryen, kay mank t'mende djivenn, oun kolenge pash t'mende čave boldo van! Yon hounte venn t'menge har yek foun t'mendar Israelitarya. Oun khetne t'mentsa lenn le pengro kotar them, oun kova ačell an lengre familye.

Hosea 2:23

An ko tsiro, penell o baro Devel, kamau te shounell: Me shounau, hoy o bolepen mandar mangell, oun o bolepen shounell, hoy i phoub lestar mangell.

Amos 9:12

Oun yaake lenn i Israelitarya pale dren, hoy pral ačas o themestar Edom oun kol vavar themendar, kolendar kay his mange, har o David lengro baro ray his. Kova penell o baro Devel, kay krella, te vell kova yaake.

Micha 4:2

Boud menshe dran vavar themma venn kay, oun penenn: “Avenn, djas pral ap i berga o baro Deblestar, pash ko kheer kolestar, kay o Yakobeskro Devel hi. Kote sikrell yob mende, har te djas ap leskro drom, te djivas mer yaake har yob kamell.” I berga Sion hi koy platsa, kay sikrell yob i menshende, hoy lo lendar kamell. Oun dran Yerusalem djan save menshe vin, kay penenn i vavarenge o baro Debleskro lab.

Zakarie 2:11

Stenn pre, t'mer menshe dran Sion, kay djivenn an o them Babilonia, nashenn t'menge!”

Maleachi 1:11

O baro Devel, ko ray pral o bolepen oun i phoub, penell: Foun kotar, kay o kham pre djala, bis kote kay o kham tele djal, vell miro lab sharedo pash kolende an i vavar themma. An boud gaba oun forya rhačrenn le mange soungepaskro koova oun firhen, hoy hi lačo an mire yaka. Kolla lauter sharenn miro lab.

Johanni 14:23

Koy penas o Yezous ap leste: “Te kamell man yek o djiyestar, kova krell, hoy me penau. Koles kamell miro dad. Oun mer vah pash leste oun ačah pash leste.

Johanni 15:5

Me hom ko drakengro rouk. Oun t'mer han kol kashta. Koon ačell an mande oun me an leste, dran koleste vell boud lačepen. T'mer te han gar mantsa khetne, nay krenn t'mer či.

Johanni 17:23

Me djivau an lende. Oun tou djiveh an mande. Yaake te venn yon yek. Oun i menshe dikenna, kay tou man bičral, oun kay tou len yaake kameh, har tou man kameh.

Bičepangre 15:17

Kova krau, te poučenn lauter, kay pral ačan, pal mande. Ninna kolla, kay kek bibolde hi, denn man an-gole. Oun yon venn miro, oun venn mange koy.

Bičepangre 28:2

Kolla, kay kote djivan, lan men kamles pre. Brishin das, oun his shila. Doleske kran le i yag, oun lan men pash pende.

Bičepangre 28:4

Har kol menshe ko themestar ko sap ap leskro vast dikan, penan le: “Kava hi yek, kay maras yekes. Dran o baro pani vas yob djido vin, oun kanna lell lo peskri phagi.”

Remarja 1:14

Me hounte sikrap kava drom i tsele menshende: kolen an o grichtikro them, ninna kolen an i vavar themma, kolen, kay siklo hi oun kolen, kay gar siklo hi.

Remarja 10:12

Kava lab hi i tsele menshenge: i biboldenge, ninna kolenge, kay kek bibolde hi. Len halauteren hi yek ray. Oun yob dell o djipen lauterende, kay les mangenna.

Remarja 3:29

O Devel hi gar kokres i biboldengro Devel. Na-a, yob hi ninna o Devel kolenge, kay kek bibolde hi.

1. Korintarja 12:13

Kolla, kay ap o Yezous Kristeste patsenna hi bibolde oun kolla, kay kek bibolde hi, hi raya oun boudepangre. Kolla lauter lan o Debleskro Dourho. Ko Dourho anas len lauteren khetne.

1. Korintarja 14:11

Te hayvau me gar ko vavareskro rakepen, hom me koleske i vi-themari. Oun ninna yob hi mange i vi-themari.

1. Korintarja 7:19

Kolla hi gar boudeder moldo, kay ap o mass činlo hi, har kolla, kay gar činlo hi ap o mass. Glan o Debleste molella, te rikress tout ap leskro lab.

Galatarja 2:20

Kova hom gar me, kay djivau kanna. Hi o Yezous Kristo, kay djivell an mande. Oun ko djipen, hoy kanna djivau, djivau me an o patsepen ap o Debleskro čaveste. Yob kamas te djivap, oun das peskro djipen mange an o merepen.

Galatarja 5:6

O Yezous Kristeske molell či, te hi i morsh ap o mass činlo, vitar gar, te hi lo gar činlo. Kova, hoy hi boudeder moldo har lauter, hi o patsepen. Ko patsepen dikah mer ap o kamlepen, kay yekes hi i vavareske.

Efesarja 1:23

Kolla hi leskre. Yob djivell an lende peskri tseli zoryah. Oun leskri tseli zoor hi an halauter an o bolepen oun ap i phoub.

Efesarja 2:14

Yob anas i bibolden khetne kol menshentsa, kay kek bibolde hi, te venn le mala, oun las o čingepen lendar krik, hoy mashkral lende his.

Efesarja 2:15

Har yob ap o troushel meras, čivas lo o Moseskre lila ap i rig, kay činlo hi, har i bibolde hounte djivenna. Yob kras čomone neves, te vell i biboldo khetne koleha, kay kek biboldo hi, oun te venn le lauter mala.

Efesarja 3:17

Me mangau lestar ninna, te djivell o Yezous Kristo an t'mende dran t'maro patsepen, oun te kamenn t'mer o Debles oun ninna yek o vavares o djiyestar. Palle han t'mer har i rouk, koleskre draba djan dour an i phoub. Oun t'mer han har i kheer, hoy zoreles tardo hi.

Efesarja 3:6

Yob sikras len, te nay venn ninna kolla o Debleskre čave, kay kek bibolde hi, te djivenn le leha khetne. O lačo lab o Yezous Kristestar hi ninna lenge, yaake har o Devel glan i rah tsiro penas.

Efesarja 6:8

Shounenn: Koon lačo koova krella, koleste dell o Devel lačo koova pale. O Devel dikell gar koy pre, hoy ko mensho hi: te hi lo i boudepaskro, te hi lo i ray.

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.

2. Johanni 1:9

Hakeno, koon ačell gar pash kol laba, hoy o Yezous Kristo menge penas, oun penell vavar koova, kova ačell gar o Debleha. Kova, kay ačell pash kol laba, hoy o Yezous Kristo menge penas, kova ačell o Debleha, maro dadeha, oun peskro Čaveha.