Kolossarja 2:23 - O Debleskro Lab 2024 (Sinte-Manouche)

²³ Ninna te vals yaake, har te vans kol laba goseve laba, hi le či moldo. Kol menshe marenn pen tele o Debleske, yaake har yon kamenna, oun gar har o Devel kova kamella. Yon shounenn ap kava te kova, oun marenn pen tele. Oun yaake krenn le kova, hoy dran lende vella oun gar o Deblestar.

O Debleskro Drom 2021 (Sinte)

²³ Ninna te wals jaake, har te wans kol laba gosewe laba, hi le tchi moldo. Kol menshe marenn pen tele o Debleske, jaake har jon kamenna, un gar har o Dewel kowa kamella. Jon shunenn ap kawa te kowa, un marenn pen tele. Un jaake krenn le kowa, hoi dran lende wella un gar o Deblestar.

Kolossarja 2:23 ပူးပေါင်းရင်းမြစ်များ

Remarja 13:14

Djivas yaake har maro ray, o Yezous Kristo, djivas! Te kamell o djoungelo koova an t'maro shero te vell, palle penenn: Na-a!

Efesarja 5:29

Kek hi čilačo ap peste. Na-a, yob krell peske lauter lačo koova. Yaake krell kova o Yezous Kristo i patslenge ninna.

Kolossarja 2:18

Hi menshe, kay krenn pen bares, oun kamenna, te shounenn t'mer ap kava te kova, oun te sharenn t'mer o Debleskre bolepangre, har yon krenna. Ma shounenn ap lende! Ninna te penenn le t'menge, te dikan le i baro koova, hoy kek vavar dikas, ma patsenn lenge! Kova, hoy yon penenna, hi či moldo. Yon hi sharede, ninna te dell či, pral hoy yon nay sharans pen: Lauter hoy yon rakrenna vell dran lengro shero.

Kolossarja 2:22

Me penau: Ko koova hi rhapaske oun ačell gar. Kol laba hi menshengre laba.

Kolossarja 2:8

Denn yak, te shounenn ap kekeste, kay kamell te taprell t'men shoukar labentsa, hoy venna dran i menshengro gosvepen. Kova hi rhorhepen oun či moldo! Kol laba hi menshengro rakepen, hoy i phoure ap i čavende doureder penan oun vella i phoubyatar, oun gar o Yezous Kristestar.

1. Timoteo 4:3

Yon penenna, te romedineress gar, oun te rhas gar hako rhapen. Koon ap o Yezous Kristeste patsella, oun o čačepen hayvella, nay rhal lauter, te parkrell pes lo pash o Debleste, kay lauter kras.

1. Timoteo 4:8

Te dikeh ap kova, te venn tire moussya oun herya zoreles, hi kova gar boud moldo. Te dikeh ap kova, te vell tiro patsepen zoreles, hi kova boud moldo, oun tou leh o čačo djipen. Ko djipen dell tout o Devel kanna ap kay phoub oun an ko tsiro, hoy vella.