Kolossarja 2:18 - O Debleskro Lab 2024 (Sinte-Manouche)

¹⁸ Hi menshe, kay krenn pen bares, oun kamenna, te shounenn t'mer ap kava te kova, oun te sharenn t'mer o Debleskre bolepangre, har yon krenna. Ma shounenn ap lende! Ninna te penenn le t'menge, te dikan le i baro koova, hoy kek vavar dikas, ma patsenn lenge! Kova, hoy yon penenna, hi či moldo. Yon hi sharede, ninna te dell či, pral hoy yon nay sharans pen: Lauter hoy yon rakrenna vell dran lengro shero.

O Debleskro Drom 2021 (Sinte)

¹⁸ Hi menshe, kai krenn pen bares, un kamenna, te shunenn tumer ap kawa te kowa, un te sharenn tumer o Debleskre bolepangre, har jon krenna. Ma shunenn ap lende! Ninna te penenn le tumenge, te dikan le i baro koowa, hoi kek wawar dikas, ma patsenn lenge! Kowa, hoi jon penenna, hi tchi moldo. Jon hi sharede, ninna te dell tchi, pral hoi jon nai sharans pen: Lauter hoi jon rakrenna well dran lengro shero.

Kolossarja 2:18 ပူးပေါင်းရင်းမြစ်များ

1. Mose 3:13

Oun o baro Devel, maro ray, penas ap i romyate: “Hoske kral tou kova?” “O sap rhorhras man”, penas i romni, “yaake kay rhom.”

Hiob 38:2

Koon hal tou, te poučeh dineles: Hi kova gosevo, hoy o Devel krell?

Jesaja 57:9

Tou djal lačo djeteha pash o debleste Molok, oun ap toute čival boud kouč djet, hoy mishto soungella. Tou bičral morshen an dour themma, bis an o moulengro them, te anenn le touke vavar deblen.

Ezekiel 13:3

Kava penell o baro Devel, maro ray: Bibarht vell ap kol čilače rakepangre, kay penenn glan-vi, hoy dran lengro dji vella, oun kolen kek dikepen dikan, hoy mandar vas!

Daniel 11:38

Koles yob hadell, kova hi ko devel, kay dell yak ap zorele khera oun forya. Ko debles prindjran leskre phoure gar. Koleste dell lo sonakay, roup, kouč barra oun vavar kouč koova.

4. Mose 25:18

Yon anan t'men an i bibarht, har anan le t'men yaake dour, te mangan o Baal-Peor an. Oun yon anan t'men an i bibarht lengri phenyah Kosbi, kolakro dad i pralstouno pral kol Midianarya his. Koya vas moulo dino ap ko dives, kay vas ko nasslepen pral t'mende pash i berga Peor.”

Mateo 24:24

Boud rhorhene morsha penenn ap t'mende: Me hom ko baro ray, kolestar o Devel penas, te vell yob. Oun rhorhene rakepangre penenna: Me hom o Debleskro bičedo. Oun yon krenna baro oun zorelo koova, hoy i mensho nashte krell gar dran peskri zoor. Kova krenn le, te anenn le i menshen o čačo dromestar tele. Te djals kova, anans le ninna kolen o Debleskro dromestar tele, kolen o Devel peske vin rodas.

Remarja 1:25

Yon čivan o Debleskro čačepen ap i rig, oun patsan ap kova, hoy rhorhepen hi, oun sharan i menshen oun i firhen, oun mangan len an, har te vans le o Devel. Oun o baro Devel, kay lauter kras oun djipen das, koles sharan le gar, oun mangan les gar an. Oun yob hi kova, kay moldo hi, te vell lo sharedo hako tsiro. Amen.

Remarja 16:18

Save menshe boudrenn gar maro rayeske, o Yezous Kristeske. Na-a, yon krenn, hoy lenge kokres mishto hi. Shoukar labentsa oun baro rakepen anenn le kolen o Debleskro dromestar tele, kay denn gar yak.

1. Korintarja 13:4

Kones hi o Debleskro kamlepen an o dji, kova rikrella lauter vin. Yob hi lačo oun zilverella gar. Yob krell pes gar bares oun sharell pes gar.

1. Korintarja 3:3

T'mer djivenn yaake har te prindjrenn o Yezous Kristes gar. Te hi čingepen mank t'mende, oun te zilverenna, palle djivenna yaake har i menshe, kay prindjrenn o Yezous Kristes gar.

1. Korintarja 4:18

Pash t'mende hi menshe, kay phourdenn pen pre oun krenn, har te voms gar pale pash t'mende.

1. Korintarja 4:6

Mire phrala, hoy me kanna penom, rakrau me mandar oun o Apollestar. Ap mende dikenn t'mer, har te ačenn ap kova, hoy an i lila činlo hi. Kek t'mendar hounte phourdell pes pre oun penell: “Me rikrau man ap o feteder sikepaskro.”

1. Korintarja 8:1

T'mer poučan mandar: “Nay rhah mer, kay patslo ham, ko mass, hoy vas glan i figura anlo, hoy mangenn le an, har te vals li i devel?” Hi čačo, mer halauter ham gosevo oun djinah čomone pral kava koova. Koon patsell, te hi les boud gosvepen, kova patsell sik, te hi lo bareder har ko vavar. Koon o djiyestar o vavares kamella, koles krell yob zorelo oun gar tikno.

1. Korintarja 9:24

Hayvenn! Kol naashepangre nashenn lauter, oun hakeno kamell o glanstouno te vell. Yek kokres vell o glanstouno. T'mer patsle, hounte nashenn yaake ap t'maro patsepaskro drom, har te kamans o glanstouno te vell! Palle lenn t'mer o shoukar koova, hoy o glanstouno lella!

2. Korintarja 11:3

Me darau, te vas vavar koova an t'maro shero, oun t'mer djivenn bouder gar djoudjes oun kokres o Yezous Kristeske. Me darau, te djas t'menge har i Evake, har o gosevo sap rhorhras lat, oun yoy moukas o čačo drom.

2. Korintarja 12:20

Me trashau, te vau pash t'mende, dikau savo koova pash t'mende, hoy kamau gar. Palle hom me vitar gar yaake har t'mer kamenna. Me trashau te dikau čingepen mank t'mende, ninna zilvepen, rholi, praasepen, djoungelo rakepen pral o vavareste, pre-phourdepen, bipandlo djipen, oun yek kamell feteder te vell har ko vavar.

Efesarja 4:17

Me penau t'menge zoreles, hoy mange o ray Yezous penas: Ma djivenn bouder har kol menshe, kay prindjrenn o Debles gar! Kova, hoy an lengro shero trouyel djala, hi či moldo.

Efesarja 5:6

Ma patsenn kekes, kay penell t'menge, te nay krenn kova lauter! Koon kova penella, hi i rhorheno. O Debleskri rholi vell ap kolende, kay gar ap o Debleste shounenna, oun krenna savo čilačo koova.

Filiparja 3:14

Me nashau ap o Yezouseskro drom doureder, te lap ko shoukar koova, hoy dell o Devel kolen, kay gar pre dan. Kova hi o djipen pash leste an o bolepen. Doleske das lo men gole, te djivas o Yezous Kristeha khetne.

Kolossarja 2:23

Ninna te vals yaake, har te vans kol laba goseve laba, hi le či moldo. Kol menshe marenn pen tele o Debleske, yaake har yon kamenna, oun gar har o Devel kova kamella. Yon shounenn ap kava te kova, oun marenn pen tele. Oun yaake krenn le kova, hoy dran lende vella oun gar o Deblestar.

Kolossarja 2:4

Kova penau t'menge, te anell t'men kek rhorhene labentsa kava dromestar tele.

Kolossarja 2:8

Denn yak, te shounenn ap kekeste, kay kamell te taprell t'men shoukar labentsa, hoy venna dran i menshengro gosvepen. Kova hi rhorhepen oun či moldo! Kol laba hi menshengro rakepen, hoy i phoure ap i čavende doureder penan oun vella i phoubyatar, oun gar o Yezous Kristestar.

1. Timoteo 1:7

Yon kamenn sikepangre te vell, kay penenn i menshenge, har te djivenn le. Oun yon hayvenn gar, hoy yon penenna oun zoreles rakrenna.

1. Timoteo 4:1

O Debleskro Dourho penell menge, te perenn i menshe o Debleskro dromestar tele an ko tsiro, hoy vella. Yon shounenn ap o rhorhepen, oun ap kova, hoy vella o bengestar.

2. Petro 2:14

An lengre yaka dikeh, kay dikenn le pal haki djouvyate. Hako tsiro hi len bok pal čilačo koova. Oun yon anenn kolen o čačo dromestar tele, kay hi gar zorelo an o patsepen. Lengro dji hi pherdi bok pal i love. Praasedo hi le!

1. Johanni 2:26

Kava činom t'menge, te moukenn t'men gar o Debleskro dromestar tele te anell.

Debleskro tsiro 12:9

Oun o baro lolo sap vas vin vitsedo. Yob hi ko phouro sap, hoy kharella ninna Beng oun Satan, ko rhorheno, kay tserdell i menshen ap i tseli phoub ap peskro drom. Yob vas tele vitsedo ap i phoub, oun leskre kourepangre leha.

Debleskro tsiro 13:8

Lauter, hoy ap i phoub djivenna, sharenn ko firhes, – lauter kolla, kolengre laba gar činlo hi an o djipaskro liil. Kolla, kay lengre laba dren činlo hi an kava liil, hi yaake rah dren činlo, har i phoub koy hi. Kava liil hi o terno bakres, hoy maredo vas.

Debleskro tsiro 19:10

Oun me vitsrom man glan leste tele, te sharap les. Oun yob penas ap mande: “Ma kre kova! Share o Debles! Me hom o Debleskro boudepaskro har tou oun tire phrala, kay sikrenn i vavar menshende o Yezouseskro drom. Kolen das o Yezous o Debleskro Dourho. Kova sikrell len, te hi le leskre menshe.”

Debleskro tsiro 3:11

Me vau an i tikno tsiro pale. Rikrenn t'maro patsepen zoreles, te lell kek vavar ko shoukar koova t'mendar, hoy t'menge an o bolepen hi, oun hoy kolla lenna, kay dan pengro patsepen gar pre.