Kolossarja 2:16 - O Debleskro Lab 2024 (Sinte-Manouche)

¹⁶ Ma shounenn ap kolende, kay penenn t'menge: “Hi gar mishto, te rhan oun piyenn t'mer kava te kova!” Ma shounenn ap lende, te penenn le t'menge, te denn yak ap bare divessa an o čon oun an o bersh, ninna ap o dives, kay i bibolde gar boudrenna.

O Debleskro Drom 2021 (Sinte)

¹⁶ Ma shunenn ap kolende, kai penenn tumenge: “Hi gar mishto, te chan un pijenn tumer kawa te kowa!” Ma shunenn ap lende, te penenn le tumenge, te denn jak ap bare diwessa an o tchon un an o bersh, ninna ap o diwes, kai i bibolde gar budrenna.

Kolossarja 2:16 ပူးပေါင်းရင်းမြစ်များ

2. Rajengro liil 4:23

Koy penas yob: “Hoske kameh tou pash leste te djal? Kay dives hi kek nevo-čon, vitar kek Debleskro dives.” Koy penas yoy: “Mouk lauter yaake!”

1. Familjakro liil 23:31

Ninna hounte venn le glan o baro Debleste tardo, an kol divessa, kay marenn i rashaya o baro Debleske firhen, hoy leske tseles rhačedo venn. Kova his ap o Debleskro dives, oun ap ko dives, kay o nevo čon diklo vell, oun ap i tsele vavar bare divessa. Hako dives hounte venn yaake boud Levitarya glan o baro Debleste, har glan činlo hi.

2. Familjakro liil 31:3

Oun o baro ray das peskre firhendar, te venn le rhačedo o Debleske, yaake har činlo hi an i lila o baro Deblestar: haki taysarla oun haki rati, ninna ap o Debleskro dives, oun ap o dives, kay vell o nevo čon diklo, oun ap kol bare divessa.

Nehemia 10:31

Mer kamah mare čen gar i morshentsa i vavar menshendar an kava them te romedinerell, oun ninna lengre čen gar mare čavenge te lell.

Nehemia 10:33

Koy boudjake an o Debleskro kheer dell hakeno mendar star gramme roup.

Nehemia 8:9

Oun i tsele menshe rovan, har shounan le kol laba, hoy an o Moseskro liil tardo his. Oun o Nehemia, kova his o moskro pral o foro Yerusalem, oun o rashay Esra, kova his o sikepaskro, oun kol Levitarya, kay i menshenge penan, hoy o Debleskro lab kamell te penell, kolla penan ap lauterende: “Kava dives hi i baro dives o baro Debleske, kay t'maro Devel hi. Doleske moukenn t'mare djia gar phares te vell! Oun ma rovenn!”

Debleskri gili 42:4

I vavar penenn ap mande hako dives: “Kay hi tiro Devel?” Doleske rovau o tselo dives oun haki rati; mire sva van miro pipen.

Debleskri gili 81:3

Givenn leske Debleskre gilya! Denn ap i pauka! Bashrenn ap i doryengre bashepangre!

Jesaja 1:13

Ma anenn bouder kek rhapen rhačepaske! Kova hi čičeske. Ma rhačrenn mange bouder kek soungepaskro koova! Man hi o nak doha. T'mer venn mange khetne ap o nevo čon, ap o Debleskro dives oun ap vavar bare divessa. Kova hi mange gar mishto, yaake rah har moukenn t'mer gar t'maro djoungelo koova.

Ezekiel 4:14

Kote penom me: Ah miro ray, baro Devel! An kek tsiro vom me pale-čiddo. Foun tiknes pre bis kava dives, rhom gar firhen, kay meran, vitar gar saven, kay khetne dandedo van. Kek mass, hoy pale-čiddo hi, vas an miro mouy.

Ezekiel 45:17

O ray hounte dikell koy pre, te venn i firhe, o djob oun i mool anlo glan o baro Debleste an kol bare divessa, kay venn i Israelitarya khetne, te sharenn le o Debles, ninna ap ko dives, kay vell o nevo čon diklo, oun ap o Debleskro dives, oun ap kol tsele vavar bare divessa. O ray dell ko djob, koy mool oun kol firhen i rashayen, te anenn yon kova glan o baro Debleste, te vell lauter krik lino, hoy mank o Debleste oun i Israelitaryen tardo hi. I firhe, hoy maredo venn, hi save, kay venn tseles rhačedo oun save, kay venn maredo, te vell i doosh krik lino, oun save, kay rhan i menshe khetne glan o baro Debleste.

3. Mose 16:31

Kava Debleskro dives hi i dives, kay han kokres o baro Debleske koy. Oun t'mer nay krenn kek boudi, oun rhan či. Yaake vell kava kerdo an hako tsiro, hoy vella.

Amos 8:5

T'mer penenn t'menge: Mou djal o Debleskro dives sik trouyel, ninna ko baro dives, hoy sikrell, kay o nevo čon vas! Palle nay krah maro djobeskro kheer pale pre, te bikras djob! O bikepaske lah mer i tikneder piri, te kras lat pherdo djob, oun boudeder love har čačo hi, oun čivah save barra ap i vaga, te rhorhas mer i ginepangre.

4. Mose 10:10

Phourdenn ninna an i phourdepangre ap kol bare divessa, kay han t'mer barhtelo, oun ap ko dives, kay vell i nevo čon, oun kay t'mer o baro Debleske firhen anenn, save, hoy t'mer leske tseles rhačrenna oun save, hoy rhan t'mer glan leste khetne. Palle venn t'mer mange, t'maro Debleske, an o shero. Me hom t'maro baro Devel.

Mateo 15:11

O rhapen oun o pipen, hoy i mensho an peskro mouy čivella, kova krell les gar pale-čiddo. Kol čilače laba, hoy i mensho rakrella, kolla krenn les pale-čiddo.”

Markus 7:19

Ko rhapen djal gar an leskro dji. Ko djal an leskro per, oun vell pale vin.” Oun kol labentsa penas o Yezous lenge, kay kek rhapen pale-čiddo hi.

Bičepangre 15:20

Mer činah lenge i liil, oun penah lenge, te rhan le kek mass, hoy vas glan i figura anlo, hoy i menshe an-mangenn, har te vals li o Devel; te sovenn i morsha gar vavar djouvyentsa, vitar gar i djouvya vavar morshentsa; te rhan le kek mass i firhendar, kay o rat gar vin nashas, te piyenn le lendar vitar kek rat.

Remarja 14:10

Kek t'mendar hounte penell pral i vavar patsleste: “Kova djal gar mishto ap o Debleskro drom.” Kek t'mendar hounte dikell tele ap i vavar patsleste. Ko dives vella, kay rakrell o Devel pral hakeneste mendar o čačepen vin.

Galatarja 4:10

T'mer denn yak ap divessa, čonna, bersha oun bare tsirya oun rikrenn len dren.

Kolossarja 2:20

T'mer meran o Yezous Kristeha. Doleske hi i phoubyakro koova bouder gar o ray pral t'mende. Hoske rikrenn t'men gomme ap kol menshengre laba, kay penenn t'menge:

Hebrearja 13:9

Te hi menshe koy, kay sikrenn t'men vavar dromma oun kamenn t'men o Debleskro dromestar tele te anell, palle patsenn lenge gar! Har shoukar hi kova, te venn t'mer zorelo an o dji! Kova krell o Devel, kay hi yaake lačo ap t'mende. Kolla, kay penenn t'menge, hoy te rhan oun hoy te rhan gar, kolla nay krenn gar t'maro patsepen zoreles. Lengre laba hi či moldo.

Hebrearja 9:10

Ninna rikrenn pen i menshe ap laba, kay penenna, hoy te rhan le gar, oun hoy te piyenn le gar, oun har te thovenn le pen. Kol laba hi menshengre laba. Kova lauter his mishto yaake rah, har sikras len o Devel gomme gar o feteder drom, te nay venn yon pash leste.

Jakobo 4:11

Mire phrala! Ma rakrenn djoungeles pral o vavareste! Koon pral peskro phraleste djoungeles rakrella oun o goushteha ap leskri doosh sikrella, kova čivell pes pral kova, hoy o Devel penas. Tou te kreh kova, hal tou bouder gar yek, hoy o Debleskro čačepen krella. Na-a, tou čiveh tout pral o čačepen.

1. Samuel 20:18

Oun pale penas o Yonatan: “Taysar hi ko dives, kay o nevo čon diklo vell. Te veh tou gar pash o rhapen, poučenn le pen, kay tou hal.

1. Samuel 20:5

Oun o David penas ap o Yonatan: “Tou djineh, taysar hi o dives, kay vell pale o nevo čon diklo. Koy hounte voms pash o baro rayeste ap leskri rhapaskri beshdo. Mouk man, man kate vin te khatrell bis rati ap o triinto dives!