Kamlepaskri gili 8:8 - O Debleskro Lab 2024 (Sinte-Manouche)

⁸ Men hi i tikni pheen, koy hi yaake terno, te nay romedinerell li gar, Hoy te kras mari phenyah ap ko dives, kay vell yek te romedinerell lo lat?

I Ghiléngheri Ghília Salomunéskero an i Rômáni tćib 1875 (Sinte - Italia)

⁸ Manghe hi jik dikkni tarni pen, ke tsin ganna nanghe lahi ura: ho hunte men te gheraf mande penha, di konikva kamela te rakkerpen laki?

O Debleskro Drom 2021 (Sinte)

⁸ Men hi i tikni pheen, koi hi jaake terno, te nai romedinerell li gar, Hoi te kras mari phenjah ap ko diwes, kai well jek te romedinerell lo lat?

Kamlepaskri gili 8:8 ပူးပေါင်းရင်းမြစ်များ

Debleskri gili 2:8

Te mangeh mandar i tsele themma, dau me len toute. Ava, i tseli phoub dau me toute, te vell li tiro.

Kamlepaskri gili 4:5

Tire douy čoučya hi har douy terne vesheskre bouzya, kay hi čiddo mank i lilya.

Kamlepaskri gili 7:3

Tiro gali hi har i čaro, kay hako tsiro mool dren hi. oun har i berga sonakaskro djob. Oun lilya hi koy trouyel tardo.

Kamlepaskri gili 8:10

Me hom i massouri, oun mire čoučya hi har turme. Doleske dikell lo ap mande har ap yekate, kay anell leske barht.

Kamlepaskri gili 8:9

Te hi li har i massouri, krah lat shoukar kouč roupeha. Te hi li har i voudar, pandah ko voudar zorele činle kashtentsa.

Jesaja 49:6

Yob penas: Kova hi gar doha, te hal miro boudepaskro, te čivess o them Israel pale pre, oun aness kolen pale pash mande, kay o Yakobeskre čavendar pral ačan. Na-a, me krau ninna, te vess i momeli i tsele natsyonenge, hoy sikrell halauterenge ap i phoub, kay lau len dran o čilačepen vin.

Ezekiel 16:46

Tiri phoureder pheen hi i Samaria peskre čentsa, kolla ap i servi rig toutar djivenn. Oun tiri tikni pheen, hoy ap i čači rig toutar djivell, hi i Sodom peskre čentsa.

Ezekiel 16:61

Palle ladjeh tout pral kova, hoy kral, te dikeh, har lau tiri phoureder oun tiri terneder pheen, oun čivau tout pral lende, te venn le touke har tire ča. Kova hi boud boudeder har touke vin krom.

Ezekiel 16:7

oun vess baro! Tou val har i shoukar blouma. Oun val baro oun i oun shoukar djouvel. Tire čoučya van baro oun tire balla lengsto. Nango hals.

Ezekiel 23:33

Ko khoro, hoy tiri pheen Samaria piyas, hi i khoro pherdi traash oun khetne-phagepen. Savo khoro hounte piyess tou ninna vin. I daryatar nay veh bouder gar tardo ap tire herya, har te vals mato.

Louka 19:44

Oun yon marenn t'mare menshen, oun denn t'mare čaven an ko foro moulo. Mo Devel kamas t'men peskro lačepen te sikrell. Oun t'mer kaman gar te krenn t'maro dji leske pre. Doleske ačell kek bar ap ko vavar an kava foro.”

Johanni 10:16

Man hi ninna vavar bakre. Kolla hi kate gar khere. Kolen anap halauter kate. Yon shounenn ap miro rakepen, oun me anau len khetne i vavarentsa. Oun len hi yek bakrengro.

Bičepangre 10:1

An o foro Cesarea djivas i morsh, ko kharas Kornelio. Kova his i Remaryengro pralstouno pral sheel lourdende. Kolen kharan le i lourde dran Italia.

Bičepangre 16:9

Koy dikas o Paulo an i souni i morshes dran o them Macedonia. Kova mangas les oun penas: “Am vergel an o them Macedonia, oun pen menge o Debleskro lab!”

Bičepangre 22:21

O ray Yezous penas ap mande: Dja dran o foro Yerusalem vin! Me bičrau tout an i vavar themma pash kolende, kay kek bibolde hi.

Bičepangre 7:38

Oun har kol Israelitarya an ko moulo them pash koy berga Sinay glan o Debleste khetne van, his o Mose ap i berga Sinay tardo mashkral o bolepaskro oun mare phourende. Oun o bolepaskro das les kol Debleskre laba, hoy denn o djipen, te anell o Mose len pash mende.

1. Petro 2:12

T'mer djivenn mank i menshende, kay o Debles gar prindjrenna. Doleske djivenn yaake, te hatsenn le kek čilačepen ap t'mende! Oun kolla, kay rakrenna djoungeles pral t'mende, kolla hounte dikenn o lačo koova ap t'mende, yaake te sharenn le o Debles ap ko dives, kay yob vella.