Kamlepaskri gili 6:10 - O Debleskro Lab 2024 (Sinte-Manouche)

¹⁰ Dikenn kolat, kay stell pre har o nevo dives, shoukar har o čon hi li, oun djoudjo har o kham! Koon dikell lat, koleske ačell o rakepen krik.

I Ghiléngheri Ghília Salomunéskero an i Rômáni tćib 1875 (Sinte - Italia)

¹⁰ Ho gaja ke dikkela wri ssir o deisirlákro polóppen, ladsho ssir o tshon, tshatsho har o kamm, trashduno ssir but lurdi kettené pashall o blademáskeri?

O Debleskro Drom 2021 (Sinte)

¹⁰ Dikenn kolat, kai stell pre har o newo diwes, shukar har o tchon hi li, un djudjo har o kham! Koon dikell lat, koleske atchell o rakepen krik.

Kamlepaskri gili 6:10 ပူးပေါင်းရင်းမြစ်များ

2. Samuel 23:4

kova hi har o kham, kay djal pre taysarlakro, ap i dives, kay kek volke hi. Kova hi har ko zenlepen, hoy vell pal o brishino dran i phoub vin.”

Hiob 11:17

Oun pral tiro djipen djal o kham pre, oun hi zorelo har mashkral dives. Ninna te hi kanna tamlo, vell i nevo dives.

Hiob 31:26

Me mangom gar o kham an peskro raylepen an, vitar gar o čon an peskro shoukapen.

Debleskri gili 14:5

Sik vell ko tsiro, kay perenn le an i daar. O Devel rikrell pash kolende, kay an o čačepen tardo hi.

Gosewe laba 4:18

O drom kolendar, kay o čačepen krenn, hi har o kham, hoy taysarlakro pre djal, oun o dives anell oun zorleder vell bis te hi lo pralstounes tardo.

Kamlepaskri gili 1:15

Har shoukar tou hal, miri pirni, tou hal yaake shoukar, tire yaka hi har taube.

Kamlepaskri gili 3:6

Koon hi kolla, kay venn pre dran o moulo tato them, har i yagakro dourho, hoy pre djal, te vell soungepaskro koova rhačedo? Lačo khand vell pash mende, dran ko soungepaskro koova, hoy i parepangre anenn.

Kamlepaskri gili 6:4

Shoukar hal tou, miri pirni, har ko rayeskro foro Tirza, oun kamlo har ko foro Yerusalem. Te dikau tout, ačell mange o rakepen krik.

Kamlepaskri gili 8:5

Koon hi koya, kay vell pre dran o moulo tato them, moussi an moussi peskri pirneha? Tel o phabyengro rouk djangrom tout, kote, kay tiri day touha vavarčandes vas, oun tou boldo val.

Jesaja 58:8

Palle vell tiro čačepen glan har o kham taysarlakro. Oun tiro doukepen vell sik sasto. Oun hakeno dikell ko lačo oun čačo koova, hoy kral. Oun o baro Devel djal pal toute peskri zoryah oun dell yak ap toute.

Jesaja 63:1

Koon hi kova, kay vell dran o them Edom dran o foro Bozra, rido an lole koola? Koon hi kova, kay hi yaake rayles rido, oun kay nashell rayles an peskri bari zoor. Kova hom me, o baro Devel, kay rakrell an o čačepen: Man hi i zoor, te lap t'men dran o merepen vin.

Hosea 6:5

Doleske bičrom t'menge mire rakepangre. Oun lengro rakepah dau me t'men khetne, oun marau t'men mire labentsa, hoy venn dran miro mouy. Miro čačepen vell glan har o kham.

Mateo 13:43

Palle hi kolla, kay kran, hoy lengro dad an o bolepen kamas, har i bari momeli an leskro raylo them. Moukenn kova an t'maro shero trouyel te djal!

Mateo 17:2

Oun glan lengre yaka las lo i bolepaskro raylepen. Leskro mouy vas har o kham. Oun leskro ripen vas biyalo har i bari momeli.

Remarja 8:37

O Yezous Kristo, kay kamell men o tselo djiyestar, yob krell men zoreles an lauter kova hoy ap mende vella.

Efesarja 5:27

Yaake kras lo len rayles oun shoukar. Kek djoungelo oun čilačo koova hi ap lende. Djoudjo oun erligo hi le glan leste tardo.

Debleskro tsiro 1:16

Oun an leskro čačo vast his les efta bolepangre momlia. Oun dran leskro mouy vas i rharo, hoy ap douy rigya nay činella. Oun leskro mouy his har o kham.

Debleskro tsiro 10:1

Oun me dikom i vavar zorelo bolepaskres dran o bolepen tele te vell. I folka his troul leste har i ripen. Oun i brishineskro bogo his ap leskro shero. Leskro mouy his har o kham, oun leskre herya har dran yag.

Debleskro tsiro 12:1

Oun i baro koova sikras pes ap o bolepen: I djouvel hi koy. Kolakro ripen hi o kham. Oun tel lakre pire hi o čon. Oun ap lakro shero hi deesh-te-douy bolepangre momlia.

Debleskro tsiro 21:23

Pral o foro hi bouder kek kham oun kek čon. O Debleskro raylepen hi har o kham, oun o terno bakro hi i momeli o foreske.

Debleskro tsiro 22:16

Me, o Yezous, bičrom miro bolepaskres pash t'mende, te penell lo kava koova i patslenge. Me hom o Davideskro čavo. Me hom koy rayli bolepaskri momeli, hoy djal pre taysarlake ap o bolepen.”

Debleskro tsiro 22:5

An ko foro vell bouder gar rati. Len hounte vell kek momeli, vitar gar o kham, te dikenn le. O baro Devel hi lengri momeli. Oun yon hi bare raya hako tsireske.