Kamlepaskri gili 6:1 - O Debleskro Lab 2024 (Sinte-Manouche)

¹ Kay djas kanna tiro pirno koy, tou shoukester mashkral i djouvyende? Havo drom nashas tiro pirno, te nay rodas les touha?

I Ghiléngheri Ghília Salomunéskero an i Rômáni tćib 1875 (Sinte - Italia)

¹ Gai gijas tiro gakko, oh kohnedísteri andri o shukkeri ladshi rakkljah, gai pes job nashando krik tro gakko, ke manghe sasti rodáwa les pashal tut?

O Debleskro Drom 2021 (Sinte)

¹ Kai djas kanna tiro pirno koi, tu shukester mashkral i djuwjende? Hawo drom nashas tiro pirno, te nai rodas les tuha?

Kamlepaskri gili 6:1 ပူးပေါင်းရင်းမြစ်များ

Kamlepaskri gili 1:4

Le miro vast, tradas men! Miro pirno mou anell man khere pash peste! Mer kamah khetne te sanell oun barhteles te vell. Tiro kamlepen hi mange shoukeder har mool. Kol čen hi čačo, kay tout kamenna.

Kamlepaskri gili 1:8

Djineh tou kova gar, tou shoukester mank i djouvyende, palle dja vin, oun naash pal i bakre oun le tire tikne bouzya touha, te rhan le pash o plarhtene khera, kay i bakrengre djivenn!

Kamlepaskri gili 2:2

Ava, har i lilya – i lilya mank i soubyengre bourra, yaake hi miri pirni mank i čende.

Kamlepaskri gili 5:6

Me krom o voudar miro pirneske pre, koy hi lo bouder gar koy – djas peske doureder. Miro dji kamas tardo te ačell, har djas yob peske. Me rodom les, oun hatsom les gar. Me kharom les, oun shounom kek rakepen lestar.

Kamlepaskri gili 5:9

Hoske hi tiro pirno feteder har vavar morsha? Pen kova menge, tou shoukester mashkral i djouvyende! Hoske hi tiro pirno feteder har vavar morsha, te mangeh tou mendar yaake zoreles kava koova?

Kamlepaskri gili 6:4

Shoukar hal tou, miri pirni, har ko rayeskro foro Tirza, oun kamlo har ko foro Yerusalem. Te dikau tout, ačell mange o rakepen krik.

Jesaja 2:5

T'mer menshe, kay venn pal o Yakob, avenn, te djas o drom, kay o baro Debleskri momeli men sikrell, har te djivas.

Jeremia 14:8

Ap toute dikenn i Israelitarya, te vess ap lengri rig, oun leh len vin dran kay bibarht. Hoske kreh tou, har te vals i vi-themari an maro them, oun har yek, kay ačell yek rati oun djal palle doureder?

Ruth 2:12

O baro Devel mou dell tout ko lačepen pale, hoy tou lake kral! Yob, o baro Devel, ko Devel pral o Israel, pash koleste tou val, oun tel koleskro vast tout khatral, yob te dell tout i shoukar bravlepen halautereske, hoy kral.”