Kamlepaskri gili 5:6 - O Debleskro Lab 2024 (Sinte-Manouche)

⁶ Me krom o voudar miro pirneske pre, koy hi lo bouder gar koy – djas peske doureder. Miro dji kamas tardo te ačell, har djas yob peske. Me rodom les, oun hatsom les gar. Me kharom les, oun shounom kek rakepen lestar.

I Ghiléngheri Ghília Salomunéskero an i Rômáni tćib 1875 (Sinte - Italia)

⁶ Auwa, me gherdjum pré an o miro gakko: vai, mro gakko has jakke dshavundo pále, te jov gijas akui: me hommes bigodjakri, ganna job pendelas: me rodjom les, vai me na les hadshidom: me kerdium les, tami job me na rakkerdas mander.

O Debleskro Drom 2021 (Sinte)

⁶ Me krom o wudar miro pirneske pre, koi hi lo buder gar koi – djas peske dureder. Miro dji kamas tardo te atchell, har djas job peske. Me rodom les, un hatsom les gar. Me kharom les, un shunom kek rakepen lestar.

Kamlepaskri gili 5:6 ပူးပေါင်းရင်းမြစ်များ

1. Mose 42:28

Koy penas yob ap peskre phralende: “Mire love hi an miro gono!” Koy lan yon traash. Oun yon dikan pen darenes an oun penan: “Hoske kras o Devel kova mentsa?”

2. Samuel 16:10

“Abishay”, penas o baro ray, “kova hi gar t'maro koova, t'mer čave foun i Serouya. Te penas o baro Devel leske, te praasell lo man, koon nay penell kanna: Hoske kreh tou kova?”

Debleskri gili 28:1

I gili o Davidestar. Tou, baro Devel, hal mange har i baro zorelo bar, kay nay khatrau man. Ap toute dau me gole. Ma risse tire kanda mandar! Tou te shouneh gar, har gole dau, palle hom yaake har kolla, kay pash i moulende an o moulengro them djan.

Debleskri gili 30:7

Har mange mishto djas, penom: “Či nay vell, hoy nay krell mange čomone.”

Debleskri gili 69:3

Me tassau an sapeni čik, mire herya hatsenn kek phoub, kay yon nay tardo ačans. Hom an pani, hoy dour tele djal. Oun zorele panya kamenn man tele te tserdell.

Debleskri gili 77:3

An miri bari daar rodom me o baro Debles. Rati rikrom miro vast pre pash leste oun moukom gar tele. Miro dji rovas oun kamas gar tele te moukell.

Debleskri gili 80:4

Baro Devel, hade men pale pre! Dik lačes ap mende, yaake djal menge pale mishto.

Gosewe laba 1:28

Palle denn le pal mande gole, oun me moukau či mandar te shounell. Palle rodenn le man oun hatsenn man gar.

Kamlepaskri gili 5:2

Me sovom, miro dji his djangelo. Shoun, miro pirno dell ap o voudar: Kre mange pre, heyo, miri pirni, miri tauba, miri goudli! Mire balla hi sapeno.

Kamlepaskri gili 5:4

Miro pirno čivas peskro vast an o voudareskri vorhni, oun halauter, hoy an mande hi, kamas pash leste.

Kamlepaskri gili 6:1

Kay djas kanna tiro pirno koy, tou shoukester mashkral i djouvyende? Havo drom nashas tiro pirno, te nay rodas les touha?

Jesaja 12:1

I dives vella, kay i menshe an Yerusalem givenna: Me sharau tout, baro Devel! Ava, tou hals rhoyedo ap mande. Kanna hal bouder gar rhoyedo oun rakreh lačes mantsa.

Jesaja 50:2

Hoske vom me, oun kek mensho his koy, dom gole, oun kek das pes glan? Hi miri moussi gar lengsto doha, te nay lap t'men gar dran o pandepen vin? Hi an mande kek zoor, te nay lap gar yekes vin dran o vavareskro vast? Dikenn, te čingrau me ap o baro pani, palle vell lo trouk i daryatar, oun lengste panya venn har o moulo them. I mačen an lende hi bouder gar doha pani, oun merenn i troushatar oun khandenn palle.

Jesaja 57:16

Kamau gar hako tsiro pral i menshende te čingrell oun man rhoyrell. te merenn le gar lauter glan mande, kol menshe, kolen me krom.

Jesaja 58:2

Yon venn hako dives, har te rodans le man, oun penenn, te kamans le mire dromma te djinell, har te vans le menshe, kay o čačepen krenn, oun pengro Debles gar moukan. Oun yon kamenn, te krap me o čačepen lenge vin, oun te vap pash lende.

Jesaja 8:17

Me kamau ap o baro Debleste te dikell. Miro dji djal leske palla, ninna te khatras lo peskre yaka o Yakobeskre menshendar.

Ropaskre gilja 3:8

Ninna te dau gole oun mangau les, kamell lo miro mangepen gar te shounell.

Hosea 5:15

Me djau mange pale kote, kay khere hom, bis te dikenn le pengri doosh dren oun rodenn man. Te djal lenge gar mishto, palle poučenn le pale pal mande.

Hosea 5:6

Palle venn le pengre bakrentsa oun pengre groumyentsa, te anenn le len o baro Debleske, te vell yob lenge lačes. Oun yob sikrell lenge o doumo, te nay hatsenn le les gar.

Zakarie 7:13

Oun djas yaake: Yon shounan gar, hoy lenge penlo vas. Doleske kamom vitar gar te shounell, har yon gole dan, penas o baro Devel, ko ray pral o bolepen oun i phoub.

Mateo 26:75

Oun o Petreske van o Yezouseskre laba an o shero, hoy yob leske penas: “O bashno dell gar gole yaake rah, har tou man gar triin kope bourhoste dal.” Oun o Petro djas dran o baro voudar vin, oun rovas zoreles.

Markus 14:72

Oun sik koy pre das o bashno o douyto kopo gole. Oun o Petreske van o Yezouseskre laba an o shero, hoy yob leske penas: “O bashno dell gar o douyto kopo gole yaake rah, har tou gar triin kope penal, te prindjreh man gar.” Kova djas an leskro dji, oun yob rovas.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!

1. Samuel 28:6

Oun o Saul poučas o baro Debles, hoy te krell lo. Oun kova penas leske či, das les kek souni, rakras gar leha kol tikne barrentsa, hoy vitsedo van, te sikrenn le, hoy kerdo hounte vella. Vitar gar nay penas leske i Debleskro rakepaskro, hoy te krell lo.