Kamlepaskri gili 4:9 - O Debleskro Lab 2024 (Sinte-Manouche)

⁹ Tou čoral mange miro dji, heyo, miri pirni. Tou čoral mange miro dji tire yakentsa, har dikal ap mande, oun yek verkliah, hoy troul tiri meen pandlo hi.

I Ghiléngheri Ghília Salomunéskero an i Rômáni tćib 1875 (Sinte - Italia)

⁹ Tukke czordal mander miro dsi, oh mri piréni, vai pén, tuke czordal miro dsi ssar tro jak, ssar jekko shukkerpen toter mén.

O Debleskro Drom 2021 (Sinte)

⁹ Tu tchoral mange miro dji, hejo, miri pirni. Tu tchoral mange miro dji tire jakentsa, har dikal ap mande, un jek werkliah, hoi trul tiri meen pandlo hi.

Kamlepaskri gili 4:9 ပူးပေါင်းရင်းမြစ်များ

1. Mose 20:12

Čačepah hi li miri pheen: i čay miro dadestar. Lat hi i vavar day har man. Yaake nay vas yoy miri romni.

1. Mose 41:42

Oun o baro ray las peskri goustri peskro vastestar oun čivas les ap o Yosefeskro vast. Oun das les ripya dran shoukar layntikro than. Ninna čivas lo i sonakaskri verkli troul leskri meen.

Debleskri gili 45:9

Tire ripya soungenn mishto pal myrrhe, Aloe oun Kassia. Bashepangre bashrenn touke an tire rayengre khera, hoy shoukar oun kouč kerdo hi.

Gosewe laba 1:9

Kova hi touke har i shoukar stadi ap tiro shero, har i verkli troul tiri meen.

Gosewe laba 6:25

Mouk tiro dji gar lakro shoukapen palla te nashell! Mouk tout gar lakre shoukar yakentsa te taprell!

Kamlepaskri gili 1:10

Tire čamya hi shoukar mank i kanengre, oun tiri meen hi shoukar an verklia dran mirklia.

Kamlepaskri gili 1:15

Har shoukar tou hal, miri pirni, tou hal yaake shoukar, tire yaka hi har taube.

Kamlepaskri gili 3:11

T'mer ča dran o foro Yerusalem, avenn vin! T'mer ča dran Sion dikenn o baro rayes, o Salomes! Dikenn leskri rayeskri stadi, hoy leskri day leske ap o shero čivas, ap ko dives, kay lo romedineras, oun leskro dji i barhtyatar bashras.

Kamlepaskri gili 4:10

Har shoukar hi tiro kamlepen, heyo, miri pirni! Har boud kope shoukeder hi tiro kamlepen har mool! Oun tiro soungepaskro djet hi feteder har i tsele vavar lače djeta.

Kamlepaskri gili 4:12

Heyo, miri pirni, tou hal har i baar, kay o voudar pandlo hi, ava har i baar, har i brounna pandlo i tsele vavarenge.

Kamlepaskri gili 6:12

Hoy djal mantsa? Miro dji nashell pal toute, har te djoms an o rayeskro vourdin.

Kamlepaskri gili 6:5

Ma dik yaake ap mande! Tire yaka krenn man dineles! Tire balla hi har i kale bouzya, kay stenn tele i berga Gilead.

Kamlepaskri gili 7:10

Tire čoumma hi mange har i lači mool, hoy nashell pral miro mouy oun mire danda.

Jesaja 54:5

Kova, kay tout kras, hi kanna tiro rom. Baro Devel, ray pral o bolepen oun i phoub hi leskro lab. Yob ginas tout vin dran o pandepen, oun hi o Israeleskro čačo Devel. Yob vell kharedo: O Devel pral i tseli phoub.

Jesaja 62:5

Yaake har i terno morsh peske i terni čay lell, yaake lenn tire menshe o them Youda penge. Oun yaake barhtelo ko biyabeskro hi pral i terni čay, kolah yob biyab krell, yaake barhtelo hi tiro Devel pral toute.

Ezekiel 16:11

Oun kouč koova čivom ap toute: Verklia troul tire moussya, oun troul tiri meen,

Ezekiel 16:8

Oun me djom miro drom, kay tou hals, oun dikom tout. Oun tiro tsiro vas, te kamess i morshes oun kress le biyab. Kote čivom miri baya pral toute oun čakrom tout. Oun me djom touha i sovel dren, oun pandom miro dji ap toute, oun penom: “Tou vess miro.” Kava hi, hoy penas o baro Devel, maro ray.

Daniel 5:7

Oun o baro ray das zoryah gole oun penas, te anenn le i dravepangren pash leste, ninna kolen, kay an i bolepangre momlia draverenn oun kolen, kay i moulen poučenn. Oun yob moukas kol siklenge dran o foro Babilon te penell: “Hakeno, kay nay draverella, hoy koy činlo hi, oun mange nay penella, hoy kova kharella, kova vell rido an rayengre lole koola, oun lell koy pashel i sonakaskri verkli troul peskri meen. Oun yob vell o triinto pralstouno an miro them.”

Zefanja 3:17

T'maro baro Devel hi pash t'mende, yob hi zorelo oun hi ap t'mari rig. Leskro dji givell pral t'mende, oun yob hi t'menge lačo. T'mari doosh lell lo t'mendar krik an peskro baro kamlepen, oun yob dell gole i barhtyatar pral t'mende,

Mateo 12:50

Kova, kay krella, hoy miro dad an o bolepen kamella, kova hi miro phraal, oun miri pheen, oun miri day.”

Johanni 3:29

Koles, kay i pirni hi, ko hi ninna o pirno. Oun o maal ko pirnestar, kay pashel tardo hi, oun shounell o pirneskro gole, hi barhtelo pral kova. Kay barht hi man kanna.

1. Korintarja 9:5

Hi men gar ko čačepen, te romedinerah nay i patsli djouvyat, oun te las lat mentsa, yaake har krenna kol vavar Yezouseskre bičepangre oun leskre phrala oun o Petro?

2. Korintarja 11:2

Yaake har o Devel kamell, kamau me ninna o tselo djiyestar, te djan t'mer gar o Yezous Kristestar krik. T'mer han mange har i čay, kay dom yek morsheste, te vell li leskri pirni. Ko yek morsh hi o Yezous Kristo. Kamau te anap leske i djoudji terni djouvel ap ko dives, kay romedinerell lo lat.

Debleskro tsiro 21:2

Oun me dikom o Debleskro foro, o nevo Yerusalem, har vas ko foro tele o Deblestar dran o bolepen. O foro his shoukar kerdo har i terni čay, kay romedinerell oun shoukar kerdo vas peskro romeske.