Kamlepaskri gili 4:11 - O Debleskro Lab 2024 (Sinte-Manouche)

¹¹ Miri pirni, tire čoumma hi har gvin, goudlo har gvin oun thoud. Oun tire koola, hoy ap toute hi, soungenna lačes har o Libanon soungella.

I Ghiléngheri Ghília Salomunéskero an i Rômáni tćib 1875 (Sinte - Italia)

¹¹ Oh piariskrizza, tiri wusht mander sapovena ssir u gwinakri markélo: u gwin te thut hi tellesteri chib: te o sung tuder soha hi ssir o sung awri o Libanòn.

O Debleskro Drom 2021 (Sinte)

¹¹ Miri pirni, tire tchumma hi har gwin, gudlo har gwin un thud. Un tire koola, hoi ap tute hi, sungenna latches har o Libanon sungella.

Kamlepaskri gili 4:11 ပူးပေါင်းရင်းမြစ်များ

1. Mose 27:27

Koy vas o Yakob pash leste oun čoumras les. Koy soungas yob leskre koola oun rakras o Debleskri barht pral leste vin oun penas: Dik, o soungepen miro čavestar hi har ko soungepen i phoubyatar, kay o baro Devel čivas peskri zoor pre.

Debleskri gili 19:10

Te hadau o baro Debles pre, hi kova mishto. Hako tsiro vell lo hadedo. O čačepen, hoy o baro Devel vin rakrella, hi lauter lačo oun čačo.

Debleskri gili 45:8

Tou kameh o čačepen, oun nay dikeh gar kolen glan tire yaka, kay o čilačepen krenna. Doleske rodas tout o Devel, tiro Devel, vin oun čoras boud barht pral toute vin, boudeder har pral hako vavar rayeste.

Debleskri gili 92:13

Kolla, kay an o čačepen tardo hi, venn zorelo har i zenele palmtikre rouka. Yon vell baro har i cedertikre rouka ap i berga Libanon.

Gosewe laba 16:24

Kamle laba hi har gvin, rakrenn kamles an o dji oun denn nevi zoor.

Gosewe laba 5:2

Palle hayveh hoy mishto hi, oun tire laba sikrenn, kay hal gosevo.

Gosewe laba 5:3

O rakepen o vavareskri romni hi goudlo har gvin. Oun lakre laba hi touke shoukar har lačo djet.

Kamlepaskri gili 4:10

Har shoukar hi tiro kamlepen, heyo, miri pirni! Har boud kope shoukeder hi tiro kamlepen har mool! Oun tiro soungepaskro djet hi feteder har i tsele vavar lače djeta.

Kamlepaskri gili 4:3

Har i loli dori hi tiro mouy, oun tiro rakepen hi kamlo. Lolo har i phabi hi tire čamya pal tiro diklo.

Kamlepaskri gili 5:1

Me vau an miri baar, heyo, miri pirni. Oun lau mire soungepaskre roukengre, kashta oun patria. Oun rhau miro goudlo gvin, oun piyau miri mool oun miro thoud. Rhan, mala, oun piyenn! Oun venn mate an t'maro kamlepen!

Kamlepaskri gili 5:13

Leskre čamya soungenna mishto har i phoub, kay soungepaskre bourra tardo hi. Leskre vushte hi har lilya, sapeno lačo djeteha.

Kamlepaskri gili 7:9

Me kamau pre te djal ap koy palma oun taprau pal lakre patria. Tire čoučya mou venn mange har drake ap i drakengro rouk! Oun tiro dourho soungell har phabya.

Jesaja 7:15

Khil oun gvin rhal lo, bis te djinell lo, hoy čilačo oun hoy lačo hi.

Hosea 14:2

Tou Israel, dja pale pash o baro Debleste, ko tiro Devel hi! Koy doosh, hoy ap toute anal, moukas tout an i bibarht te perell.

Hebrearja 13:15

Dran kova parkras men pash o Debleste, sharas les hako tsiro, oun kras o Yezouseskro lab bares.