Kamlepaskri gili 2:8 - O Debleskro Lab 2024 (Sinte-Manouche)

⁸ Miro pirno dell gole pal mande! Dik, oke vell lo, oun stell pral i bare oun tikne berge.

I Ghiléngheri Ghília Salomunéskero an i Rômáni tćib 1875 (Sinte - Italia)

⁸ Shung miro gakeskero godli: te dikk, job avela ganna stewandó pral i domba, job stewa pré i dikni montaja.

O Debleskro Drom 2021 (Sinte)

⁸ Miro pirno dell gole pal mande! Dik, oke well lo, un stell pral i bare un tikne berge.

Kamlepaskri gili 2:8 ပူးပေါင်းရင်းမြစ်များ

2. Samuel 6:16

Oun har o Debleskro morhton an o Davideskro foro anlo vas, dikas i Mikal, kolakro dad o Saul his, dran i vorhni, oun dikas o baro rayes o David, har yob khelas oun stas glan o Debleste, oun an lakro dji dikas li tele ap leste.

Kamlepaskri gili 2:17

O dives te vell shila, oun o kham djal tele, ab pash mande, miro pirno! Ab sik har i vesheskri bouzni, har i terno tserfo ap i barrengre berge!

Kamlepaskri gili 4:16

Ab, tou phourdepen, ab foun serves oun ab foun čačes, oun phourde an miri baar, te djal o lačo soungepen an miri baar pre! Miro pirno mou vell an peskri baar, oun rhal lakre lače phabya!

Kamlepaskri gili 5:2

Me sovom, miro dji his djangelo. Shoun, miro pirno dell ap o voudar: Kre mange pre, heyo, miri pirni, miri tauba, miri goudli! Mire balla hi sapeno.

Jesaja 35:6

Oun har i vesheskri bouzni stell kova, kay nay nashas gar. Oun kova, kay nay rakras gar, rakrell nay oun dell gole i barhtyatar. An o moulo tato them vell pani vin dran i phoub. Oun an o divyo trouk them nashenn lengste panya.

Jesaja 44:23

Tou bolepen, gib kolestar, hoy o baro Devel kras! Tou telstunepen i phoubyatar, de gole i barhtyatar! T'mer berge, givenn! Tou veesh tire tsele roukentsa, gib! O baro Devel las o Yakobes dran o merepen vin, oun o Israel sharell les.

Jesaja 52:7

Har shoukar hi, te vell kova pral i berge, kay penell menge lačo nevo koova, oun penell: Hi bouder kek kourepen. I lačo tsiro vas. T'mer han bouder gar pandlo. Oun ap mende an Sion penell lo: Tiro Devel hi o baro ray!

Louka 6:23

Avenn barhteles ap ko dives, oun khelenn i barhtyatar! O Devel dell t'men i baro bravlepen an o bolepen. Kova, hoy i menshe kanna t'mentsa krenna, kova kran ninna lengre phoure ap o Debleskre rakepangre an o phouro tsiro.

Johanni 10:27

Mire bakre shounenn ap miro rakepen. Oun me prindjrau len. Oun yon djan mange palla.

Johanni 3:29

Koles, kay i pirni hi, ko hi ninna o pirno. Oun o maal ko pirnestar, kay pashel tardo hi, oun shounell o pirneskro gole, hi barhtelo pral kova. Kay barht hi man kanna.

Bičepangre 14:10

oun das gole ap leste: “Ste pre! Ač ap tire pire tardo!” Oun yob stas pre, oun djas trouyel.

Bičepangre 3:8

Yob stas sik pre, nay djas, oun djas lentsa an o Debleskro baro kheer, nashas oun stas trouyel oun sharas o Debles.

Debleskro tsiro 3:20

Dikenn, me hom glan o voudar tardo, oun dau ap ko voudar. Koon shounell, hoy me penau, oun krell mange o voudar pre, pash koleste djau me dren, oun rhau leha, oun yob rhal mantsa.