Kamlepaskri gili 2:3 - O Debleskro Lab 2024 (Sinte-Manouche)

³ Har i phabyengro rouk mank i divye rouka an o veesh, yaake hi miro pirno mank i terne morshende. Barhteles hom beshdo an leskro shatto, oun leskre phabya hi goudlo mange.

I Ghiléngheri Ghília Salomunéskero an i Rômáni tćib 1875 (Sinte - Italia)

³ Ssir o pabui mashker jek weshereskero rukkia, jakke hi mro gakko mashder o chavi: me kamjum te atshav pallal lesde tamlopen, te me beshdjom tellesde: ninna lesde rukhenghere has gúlò an mri pralduno muj.

O Debleskro Drom 2021 (Sinte)

³ Har i phabjengro ruk mank i diwje ruka an o weesh, jaake hi miro pirno mank i terne murshende. Bachteles hom beshdo an leskro shatto, un leskre phabja hi gudlo mange.

Kamlepaskri gili 2:3 ပူးပေါင်းရင်းမြစ်များ

Debleskri gili 45:2

Miro dji hi pherdo shoukar laba i gilyake, hoy kamau te givap miro baro rayeske. Miri čip hi har i činepaskro yekestar, kay hayvell mishto laba te činell.

Debleskri gili 45:3

Tou hal shoukeder har i vavar menshe. Dran tiro mouy venn lače laba. Čačepah o Devel čivas peskri barht ap toute, te ačell li hako tsireske ap toute.

Debleskri gili 57:1

I gili o rayeske pral o gipangre, te givell har koy gili Ma mare men. O David činas kay gili an ko tsiro, har yob glan o Saul ap o naashepen his, oun pes an koy grotta khatras.

Debleskri gili 89:6

Baro Devel, o bolepen sharell, hoy tou an tiri zoor lauter kral, I bolepangre sharenn, har hako tsiro pash tire menshende rikral.

Debleskri gili 91:1

Kova, kay beshell tel o vast o Deblestar, ko pralstunestar, oun ačell pash leste, ko zorelo Debleste,

Kamlepaskri gili 1:16

Oun tou, miro pirno, har shoukar hal tou! Har kreh man barhtelo! Maro čiben hi an o zenlepen.

Kamlepaskri gili 2:5

Krenn man pale zoreles drakentsa, denn man nevi zoor phabyentsa! Miro kamlepen touke krell man nasselo.

Kamlepaskri gili 4:13

Har i baar hal tou pherde rouka goudle phabyentsa, oun roukengre, hoy mishto soungenna, oun o rhapen lačes krenna: Henna oun Narda, Safrano, goudlo soungepaskro khass oun cinnamome, encens, myrrhe oun aloe, halauter lače kashta oun patria.

Kamlepaskri gili 4:16

Ab, tou phourdepen, ab foun serves oun ab foun čačes, oun phourde an miri baar, te djal o lačo soungepen an miri baar pre! Miro pirno mou vell an peskri baar, oun rhal lakre lače phabya!

Kamlepaskri gili 5:16

Leskro rakepen hi goudlo, oun halauter ap leste hi kamlo. Kova hi miro pirno; ava, kova hi miro maal, t'mer ča dran o foro Yerusalem!

Kamlepaskri gili 7:13

Taysarlake nashah menge kote, kay i drakengre rouka tardo hi, te dikas, har venn le zenelo oun hidjrenn bloume, oun har i phabyengre rouka tikne phabya hidjrenn. Kote dau tout miro kamlepen.

Kamlepaskri gili 8:11

O Salomes hi i kotar phoub ap i berga Baal-Hermon, Kote hi drakengre rouka tardo. Koy kotar them das lo kol harhende an i vasta. Hakeno lendar hounte playsrals i drakenge, hoy bikrals lo, i zero kotya roup.

Kamlepaskri gili 8:12

Salomo, tout nay vell kol zero kotya roup, oun douy-sheel nay venn i harhen! Man hi miro kotar them mire drakentsa!

Kamlepaskri gili 8:5

Koon hi koya, kay vell pre dran o moulo tato them, moussi an moussi peskri pirneha? Tel o phabyengro rouk djangrom tout, kote, kay tiri day touha vavarčandes vas, oun tou boldo val.

Jesaja 25:4

Čačepah, tou val o čorveleske har i zorelo kheer, kay yob pes nay khatrell. Te krenn le leske o djipen phares, nay vell lo pash toute. Tou hal har i kheer, kay nay khatrell yek pes, te dell baro brishin, oun te rhačell o kham tele. Kol pralstoune, kay zoryah ap mende djan, hi har i baro phourdepen, hoy phourdell an o vend,

Jesaja 32:2

Oun hakeno lendar hi har i kheer, kay yek nay khatrell pes glan i baro phourdepen, oun glan i baro zorelo brishin. Ava, yon hi har i panya an i moulo them, oun har i baro bar pal koleste yek pes khatrell, te rhačell o kham tele an i tato them.

Jesaja 4:2

I tsiro vella, kay krell o baro Devel peskro them Israel raylo oun shoukar. Oun kolla, kay pral ačan oun an o them djivenn, hi barhtelo pral ko boud lačo koova, hoy i phoub vin anell. Oun vavar menshe sharenn len koleske.

Jesaja 4:6

har i kheer, kay djan le dren, te rhačrell o kham tella, oun kay nay khatrenn le pen, te dell brishin oun phourdell i zorelo dourho.

Ezekiel 47:12

Ap kol douy rigya o lengsto panyestar hi rouka tardo. Kolla hi o tselo bersh zenelo, oun hidjrenn hako tsiro roukengre. Hako čon venn neve roukengre bares. Ko lengsto pani, kolestar yon pani lenn, vell vin dran o Debleskro kheer. Lengre roukengre hi o rhapaske. Oun lengre patria krenn i nasselen sasto.

Joel 1:12

I drakengre rouka hi trouk. i faygetikre rouken hi bouder kek patria. Ninna ap i phabyengre rouka oun palmtikre rouka, har ap i tsele divye rouka hi bouder kek patria. Oun dran o barhtelo tsiro vas i menshenge i bibarhtelo tsiro.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.

Čačepangre 9:15

Kote penas o soubyengro bour: Kamenn t'mer čačepah, te vap me ray pral t'mende? Palle avenn pash mande, oun khatrenn t'men tel mande glan o kham! Oun te krenn kova gar, palle djal yag vin dran o soubyengro bour, oun rhačrell i cedertikre rouka, hoy ap i berga Libanon tardo hi!