Kamlepaskri gili 2:1 - O Debleskro Lab 2024 (Sinte-Manouche)

¹ I tikni blouma hom me, har hi le tardo ap o telstouno them Sharon, i lilya an i tala.

I Ghiléngheri Ghília Salomunéskero an i Rômáni tćib 1875 (Sinte - Italia)

¹ Me hom i rosa Saaronasdi, o sorlet chossengheri.

O Debleskro Drom 2021 (Sinte)

¹ I tikni bluma hom me, har hi le tardo ap o telstuno them Sharon, i lilja an i tala.

Kamlepaskri gili 2:1 ပူးပေါင်းရင်းမြစ်များ

1. Familjakro liil 5:16

Kal menshe djivan an Gilead, an o them Bashan oun an kol forya, kay kote his, oun ap kol tsele platse, kay lengre firhe his an o tselo them Sharon bis ap leskre rigya.

Debleskri gili 85:11

Palle vell leskro lačepen ap mende, oun mer rikrah zoreles ap leste. Mer krah hoy čačo hi, oun yob dell men barht an o dji.

Kamlepaskri gili 2:16

Miro pirno hi miro, oun me hom leskri. Yob hatsell peskri barht mank i lilya.

Kamlepaskri gili 5:13

Leskre čamya soungenna mishto har i phoub, kay soungepaskre bourra tardo hi. Leskre vushte hi har lilya, sapeno lačo djeteha.

Kamlepaskri gili 6:2

Miro pirno djas tele an peskri baar, kote, kay i soungepaskre bourra tardo hi, te vell lo barhtelo koy, oun te lell lo peske lilya khetne.

Kamlepaskri gili 6:3

Miro pirno hi miro, oun me hom leskri. Yob hatsell peskri barht mank i lilya.

Jesaja 33:9

Ninna o them rovell oun nashrell peskri zoor. I rouka ap i berge Libanon ladjenn pen oun merenn tele. O shoukar telstouno them Sharon dikell vin har i divyo trouk them. Oun i rouka ap i berge Bashan oun Karmel vitsrenn pengre patria tele.

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Hosea 14:5

Yaake penell o baro Devel: Me anau mire menshen pale ap miro drom, kay le tele peran. Me kamau len o djiyestar, oun hom bouder gar rhoyedo ap lende.