Kamlepaskri gili 1:4 - O Debleskro Lab 2024 (Sinte-Manouche)

⁴ Le miro vast, tradas men! Miro pirno mou anell man khere pash peste! Mer kamah khetne te sanell oun barhteles te vell. Tiro kamlepen hi mange shoukeder har mool. Kol čen hi čačo, kay tout kamenna.

I Ghiléngheri Ghília Salomunéskero an i Rômáni tćib 1875 (Sinte - Italia)

⁴ Zerdal manghe, mee nashraha pal tukke: o kral me andas trin leskeri ismja: mee rikkervaha tiri kamappen butdir har i mol: mee loshainopeha te loshainoweha pashal tudder: i tshatsho manusha tot kamena.

O Debleskro Drom 2021 (Sinte)

⁴ Le miro wast, tradas men! Miro pirno mu anell man khere pash peste! Mer kamah khetne te sanell un bachteles te well. Tiro kamlepen hi mange shukeder har mool. Kol tchen hi tchatcho, kai tut kamenna.

Kamlepaskri gili 1:4 ပူးပေါင်းရင်းမြစ်များ

Debleskri gili 111:4

Yob moukell men gar te bistrell, hoy lo an peskri bari zoor kras. Lačo oun kamlo hi lo.

Debleskri gili 119:32

Miro dji hi dour pre, te krap lauter yaake har tou mandar kameh.

Debleskri gili 119:60

Me tradom man, oun krau sik, hoy tou mandar kameh.

Debleskri gili 149:2

Tou Israel, tiro dji mou bashrell pral koleste, kay kras tout. T'mer menshe dran Sion, givenn i barhtyatar pral t'maro baro rayeste.

Debleskri gili 42:4

I vavar penenn ap mande hako dives: “Kay hi tiro Devel?” Doleske rovau o tselo dives oun haki rati; mire sva van miro pipen.

Debleskri gili 48:9

Yaake har mer kova shounam, yaake dikam les an o foro o baro Deblestar, kay hi o ray pral o bolepen oun i phoub. Yob rikrell o foro oun moukell les gar tele te djal an kek tsiro.

Debleskri gili 63:5

Me parkrau man pash toute yaake rah har me djivau. Oun me hadau mire vasta pre, te mangap tout an.

Kamlepaskri gili 3:4

Har me lendar i tikno kotar doureder djom, hatsom les, koles miro dji kamell. Me taprom leskro vast, oun moukom les bouder gar mandar te djal, lom les khere pash mande, an miri dakri isema, kay boldo vom.

Kamlepaskri gili 4:10

Har shoukar hi tiro kamlepen, heyo, miri pirni! Har boud kope shoukeder hi tiro kamlepen har mool! Oun tiro soungepaskro djet hi feteder har i tsele vavar lače djeta.

Jesaja 25:8

O merepen lell lo krik hako tsireske. O baro Devel, maro ray, khossell palle hakeneske i sva tele. Oun koy ladj, hoy ap peskre menshende čiddo hi an hake themma, lell lo lendar krik. Kova penas o baro Devel.

Jesaja 45:25

O baro Devel čivell o tselo Israel an o čačepen. Oun yon venn barhtelo pral kova, hoy me, o baro Devel, krom.

Jesaja 61:3

Oun kolla an o foro Sion, kolengre djia rovenn, hounte venn bouder gar beshdo an i yagakri čik oun rido an gone. Na-a, me dau len verklia, te krenn le pen shoukar, oun soungepaskro djet. Lengre djia te givenn oun ačenn bouder gar phagedo. Oun yon venn kharedo: Bare rouka, hoy anenn sharepen o Debleske, oun Ruka, hoy o baro Devel peske an i phoub čivas, te vell leskro raylepen diklo.

Jesaja 63:7

Me kamau te rakrap pral o Debleskro lačepen, ko baro koova, hoy o baro Devel halauter menge kras, oun ko tselo lačo koova, hoy moukas lo ap o kheer Israel te vell. Les hi lenge i baro dji oun hi lenge yaake lačes.

Jeremia 31:3

O baro Devel sikras pes mande foun doural: Me kamom tout hako tsiro, doleske tserdom tout pash mande dran miro lačepen.

Hosea 11:4

Lačepah tserdom len, oun kamlepah sikrom lenge lengro drom, oun hidjrom khetne lentsa ko pharepen ap lengre phika, oun me djom ap mire čanga, te dap len te rhal.

Zefanja 3:14

Avenn barhteles, t'mer Israelitarya! Denn gole i barhtyatar, t'mer ap i berga Sion! Givenn oun khelenn o tselo djiyestar, t'mer an o foro Yerusalem!

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

Mateo 25:10

Har yon kote djan, te ginenn le penge djet, koy vas o biyabeskro. Oun kolen, kay len djet his, djan leha an o kheer, kay i biyab hi. Oun o voudar vas pal lende pandlo.

Louka 2:10

Oun o bolepaskro penas ap lende: “Ma darenn! I bari barht vell ap t'mende, oun ap i tsele menshende.

Louka 22:19

Oun yob las i kotar maro, parkras pes pash o Debleste, phagas ko maro, das kova lende, oun penas ap lende: “Ake, rhan! Kava maro hi miro mass. Me dau man t'menge. Te hom bouder gar koy, krenn kova pale oun pale, te vell t'menge an t'maro shero, hoy me krom t'menge!”

Johanni 12:32

Te hom pral i phoub hadedo, tserdau lauteren pash mande.”

Johanni 6:44

Kek nay vell pestar pash mande. O dad, kay bičras man, hounte anell les pash mande. Oun koon pash mande vella, koles krau me i moulendar djido ap o palstouno dives.

Efesarja 2:6

Har djangras yob o Yezous Kristes i moulendar pre, djangras men lo ninna pre, oun beshas men an o bolepen pash leste.

Efesarja 6:24

O Debleskro lačepen vell pral lauterende, kay kamenn maro rayes, o Yezous Kristes, o tselo djiyeha! Yob dell len o djipen, hoy gar pre-herella!

Filiparja 3:3

Mer, kay ap o Yezous Kristeste patsah, ham čačepah o Debleskre menshe. Ap mende hi o Debleskro Dourho. Yaake nay krah o Debleskri boudi. Mer ham barhtelo pral kova, hoy o Yezous Kristo menge kras oun hounte rikras kek koova, hoy vella i menshendar. Mer djinah, savo koova nay anell men gar pash o Debleste.

Filiparja 4:4

Avenn barhtelo hako tsiro! T'mari barht vell o Yezousestar, maro rayestar. Ava, avenn barhtelo!

Hebrearja 12:1

Kanna dikah, boud boud menshe patsan, te hi kova čačo, hoy o Devel penas. Mer ham gar kokres, kay patsah. Doleske hounte kras har yon kran, oun moukas gar tele te nashas ap o Debleskro drom, hoy glan mende hi. Te čivas lauter tele, hoy kamell men pale te rikrell! Ninna hounte čivas o čilačepen tele, hoy kamell men te taprell.

1. Petro 1:8

Koles kamenn t'mer o djiyestar, ninna te dikan les gar. Ap leste patsenn t'mer, ninna te dikenn les kanna nay gar. T'maro patsepen anell t'men pash o Debleste an o bolepen. Kote hi t'mari barht yaake baro, hoy i labentsa nay gar penenna.