Kamlepaskri gili 1:3 - O Debleskro Lab 2024 (Sinte-Manouche)

³ Tiro soungepaskro djet soungell yaake lačo. Hakeno prindjrell tout. I tsele ča kamenn tout.

I Ghiléngheri Ghília Salomunéskero an i Rômáni tćib 1875 (Sinte - Italia)

³ Washke tiri shukkeri sungemaskeri dshedd tro nav hi ssir jek o shukker dshedd tshordó; i rakjah tukke kamélen.

O Debleskro Drom 2021 (Sinte)

³ Tiro sungepaskro djet sungell jaake latcho. Hakeno prindjrell tut. I tsele tcha kamenn tut.

Kamlepaskri gili 1:3 ပူးပေါင်းရင်းမြစ်များ

Debleskri gili 133:2

Kava hi yaake har ko lačo makepaskro djet, hoy ap o Aroneskro shero čoredo vell, oun tele nashella ap leskri čora, oun kotar doureder ap i meen leskro gadestar.

Debleskri gili 45:14

I baro rayeskri čay vell dren, shoukar oun raylo kerdo, oun an-rido an sonakangre ripya.

2. Mose 33:12

O Mose penas ap o baro Debleste: “Tou penal mange, te anap me kal menshen an o them Kanaan. Tou sikral man gar, kones tou mantsa bičreh. Tou penal, te prindjreh man oun djineh miro lab, oun te dikeh lačes ap mande.

2. Mose 33:19

“Mishto”, penas o baro Devel: “Me kamau glan toute te djal, te dikess tou miro tselo lačepen. Oun miro lab Baro Devel rakrau me glan toute vin. Me hom lačo koneske, kones me kamau. Oun krau miro dji pre koneske me kamau.

Gosewe laba 27:9

Djet oun soungepaskre kashta krenn o dji barhteles. Feteder hi o djiyeskro kamlepen i malestar.

Sikepaskro 7:1

Vell penlo: Hi feteder, te vell yek lačes an-diklo mank i menshende, har te makell lo pes lačo djeteha. Me penau: O dives, kay i mensho merella, hi feteder har ko dives, kay i mensho ap kay phoub vella.

Kamlepaskri gili 3:6

Koon hi kolla, kay venn pre dran o moulo tato them, har i yagakro dourho, hoy pre djal, te vell soungepaskro koova rhačedo? Lačo khand vell pash mende, dran ko soungepaskro koova, hoy i parepangre anenn.

Kamlepaskri gili 4:10

Har shoukar hi tiro kamlepen, heyo, miri pirni! Har boud kope shoukeder hi tiro kamlepen har mool! Oun tiro soungepaskro djet hi feteder har i tsele vavar lače djeta.

Kamlepaskri gili 5:13

Leskre čamya soungenna mishto har i phoub, kay soungepaskre bourra tardo hi. Leskre vushte hi har lilya, sapeno lačo djeteha.

Kamlepaskri gili 5:5

Me stom pre, te krap miro pirneske o voudar pre, oun mire vasta his pherdo soungepaskro djet. O djet nashas mire goushte tele, har len ap i pandepaskri čivom.

Kamlepaskri gili 6:8

Shob-deesh romya hi o baro rayes, oun orhta-deesh vavar djouvya, oun yaake boud ča, te nay djinell kek, kitse yon hi.

Jesaja 61:3

Oun kolla an o foro Sion, kolengre djia rovenn, hounte venn bouder gar beshdo an i yagakri čik oun rido an gone. Na-a, me dau len verklia, te krenn le pen shoukar, oun soungepaskro djet. Lengre djia te givenn oun ačenn bouder gar phagedo. Oun yon venn kharedo: Bare rouka, hoy anenn sharepen o Debleske, oun Ruka, hoy o baro Devel peske an i phoub čivas, te vell leskro raylepen diklo.

Mateo 25:1

Oun o Yezous penas: Ap ko tsiro, kay vella o Mensheskro Čavo pale, djal kova yaake har kol deesh terne čentsa, kay djan ap i biyab. Yon lan pengre momlia an o vast, oun djan ap o drom, kay o biyabeskro hounte vella.

Johanni 12:3

Oun i Maria las i toushni, kay boud lačo oun kouč djet dren hi, oun čoras kova pral o Yezouseskre pire. Peskre ballentsa khossas yoy leskre pire. Oun an o tselo kheer his o lačo soungepen o djetestar.

2. Korintarja 11:2

Yaake har o Devel kamell, kamau me ninna o tselo djiyestar, te djan t'mer gar o Yezous Kristestar krik. T'mer han mange har i čay, kay dom yek morsheste, te vell li leskri pirni. Ko yek morsh hi o Yezous Kristo. Kamau te anap leske i djoudji terni djouvel ap ko dives, kay romedinerell lo lat.

Filiparja 4:18

Kanna hi man lauter, hoy man hounte vell djipaske, oun boudeder har doha. O Epafrodito anas mange kova lauter, hoy t'mer mange bičran. Kova hi yaake, har te anans t'mer o Debleske lačo koova, hoy soungell mishto, oun kay dikell lo lačes pre oun hi barhtelo pral kova.

Debleskro tsiro 14:4

Kolengro djipen hi djoudjo. An kek tsireske van le khetne i djouvyah. Oun yon djan o terno bakreske palla, kay yob ninna djala. Dran i menshende ap kay phoub las yob len khetne peske oun o Debleske.