Kamlepaskri gili 1:2 - O Debleskro Lab 2024 (Sinte-Manouche)

² Ab oun čoumme man! Tiro kamlepen hi lačeder har mool.

I Ghiléngheri Ghília Salomunéskero an i Rômáni tćib 1875 (Sinte - Italia)

² Ghé, tiri kamappen hi feddidir sir i mol.

O Debleskro Drom 2021 (Sinte)

² Ab un tchumme man! Tiro kamlepen hi latcheder har mool.

Kamlepaskri gili 1:2 ပူးပေါင်းရင်းမြစ်များ

1. Mose 29:11

Oun o Yakob čoumras i Rachel oun rovas zoreles, kay lauter kova shounan.

1. Mose 45:15

Oun yob čoumras peskre tsele phralen oun rovas ap lengro beč. Oun koy pal rakran leskre phrala leha.

Debleskri gili 2:12

Čoumrenn o čaves, te vell lo gar rhoyedo ap t'mende, oun t'mer ap o drom merenna. Leskri rholi nay rhačella sik. Barhtele hi kolla lauter, kay khatrenn pen pash leste.

Debleskri gili 36:7

Tiro čačepen djal yaake pre har i bare berge. Oun i čače laba, hoy tou vin rakreh, djan dour tele har o baro pani. Baro Devel, tou deh i menshen oun i firhen kova, hoy len hounte vell.

Kamlepaskri gili 1:4

Le miro vast, tradas men! Miro pirno mou anell man khere pash peste! Mer kamah khetne te sanell oun barhteles te vell. Tiro kamlepen hi mange shoukeder har mool. Kol čen hi čačo, kay tout kamenna.

Kamlepaskri gili 2:4

Yob anas man an o molyengro kheer, oun čakras man peskro kamlepah.

Kamlepaskri gili 4:10

Har shoukar hi tiro kamlepen, heyo, miri pirni! Har boud kope shoukeder hi tiro kamlepen har mool! Oun tiro soungepaskro djet hi feteder har i tsele vavar lače djeta.

Kamlepaskri gili 5:16

Leskro rakepen hi goudlo, oun halauter ap leste hi kamlo. Kova hi miro pirno; ava, kova hi miro maal, t'mer ča dran o foro Yerusalem!

Kamlepaskri gili 7:12

Ab, miro pirno, te djas mer vin glan o foro, oun ačah pral i rati mank i divye bloume.

Kamlepaskri gili 7:6

Har i berga Karmel rikreh tiro shero pral. Oun tire balla hi har feteder phar. Tiro baro ray hi pandlo an lengro shoukapen.

Kamlepaskri gili 7:9

Me kamau pre te djal ap koy palma oun taprau pal lakre patria. Tire čoučya mou venn mange har drake ap i drakengro rouk! Oun tiro dourho soungell har phabya.

Jesaja 25:6

Kate ap i berga Sion moukell o baro Devel, ko ray pral o bolepen oun i phoub, i menshenge an i tsele themma i lačo rhapen glan te čivell; i rhapen thoullo masseha oun lači phouri mool, ava, vi-rodedo lačo mass oun vi-rodedi phouri mool.

Mateo 26:26

Har yon rhan, las o Yezous o maro, parkras pes pash o Debleste, phagas ko maro, das les peskre malende, oun penas: “Ake, lenn ko maro oun rhan les! Kava maro hi miro mass.”

Louka 15:20

Oun yob stas pre, oun djas pash peskro dadeste pale. Har leskro dad les doural dikas, khaytas o čavo les. Oun o dad nashas pash leste, tapras les trouyel, oun čoumras les.

Bičepangre 21:7

Mer vam an o foro Ptolemays. Kote ouleras o shiffo gar bouder doureder. An kava foro ačam mer yek dives pash i patslende.

1. Petro 5:14

Te venn t'mer khetne, denn t'men i čoum, te dikell hakeno, kay t'mer phrala oun phenya han! O Debleskri barht t'menge lauterenge, kay djan ap o Yezous Kristeskro drom!