Kamlepaskri gili 1:10 - O Debleskro Lab 2024 (Sinte-Manouche)

¹⁰ Tire čamya hi shoukar mank i kanengre, oun tiri meen hi shoukar an verklia dran mirklia.

I Ghiléngheri Ghília Salomunéskero an i Rômáni tćib 1875 (Sinte - Italia)

¹⁰ Tiri tshammi hi latshi andri lesderi shukkerpen, te tiri mén andri lesderi torin.

O Debleskro Drom 2021 (Sinte)

¹⁰ Tire tchamja hi shukar mank i kanengre, un tiri meen hi shukar an werklia dran mirklia.

Kamlepaskri gili 1:10 ပူးပေါင်းရင်းမြစ်များ

1. Mose 24:22

Har i khamele čalo his, las yob i sonakaskri goustri: shob gramme pharo, oun douy sonakangre moussyengre goustria: 120 (sheel-te-biish) gramme pharo. Oun das kova late. Oun yob poučas latar:

1. Mose 24:47

Oun me poučom latar: Koneskri čay hal tou? Koy penas li: Miro dad hi o Betouel. Leskro dad hi o Nahor oun leskri day hi i Milka. Oun me čivom i goustri ap lakro nak oun i moussyengre goustria ap lakre moussya.

1. Mose 24:53

Koy pal las yob roupeno oun sonakaskro koova vin, ninna shoukar ripya. Oun das kova i Rebekka. Lakro phrales oun lakri dat das lo ninna kouč koova.

1. Mose 41:42

Oun o baro ray las peskri goustri peskro vastestar oun čivas les ap o Yosefeskro vast. Oun das les ripya dran shoukar layntikro than. Ninna čivas lo i sonakaskri verkli troul leskri meen.

Gosewe laba 1:9

Kova hi touke har i shoukar stadi ap tiro shero, har i verkli troul tiri meen.

Kamlepaskri gili 1:11

Sonakangre verklia kamah mer touke te krell, kay roupene mirklia dren hi.

Kamlepaskri gili 4:9

Tou čoral mange miro dji, heyo, miri pirni. Tou čoral mange miro dji tire yakentsa, har dikal ap mande, oun yek verkliah, hoy troul tiri meen pandlo hi.

Kamlepaskri gili 5:13

Leskre čamya soungenna mishto har i phoub, kay soungepaskre bourra tardo hi. Leskre vushte hi har lilya, sapeno lačo djeteha.

Jesaja 61:10

Me hom barhtelo pral o baro Debleste, oun miro dji givell miro Debleske. Yob hi troul mende har i ripen, te vell kek čilačepen ap mende, oun čivas čačepen ap mende har i plaashka, yaake har hidjrell i biyabeskro i shoukar stadi, oun leskri pirni shoukar verklia oun goustria.

4. Mose 31:50

Doleske anah mer o baro Debleske ko sonakaskro koova, hoy hakeno mendar hatsas: brassleta, vastengre verklia, goustria, kanengre oun verklia. Mer dah kova o baro Debleste, te playsras maro djipaske, te vell či tardo mank o baro Debleste oun mende.”

1. Petro 3:4

T'maro shoukapen hounte vell dran t'maro dji oun sikrell pes an o lačepen, kay kek čingepen dren hi. Savo shoukapen ačella, oun hi boud moldo glan o Debleskre yaka.