Judas 1:24 - O Debleskro Lab 2024 (Sinte-Manouche)

²⁴ Maro Debles hi i zoor, te rikrell lo t'men ap leskro drom, te hatsell lo kek doosh ap t'mende ap ko dives, kay han glan leste tardo, oun dikenn leskro raylepen, oun han barhteles.

O Debleskro Drom 2021 (Sinte)

²⁴ Maro Debles hi i soor, te rikrell lo tumen ap leskro drom, te hatsell lo kek doosh ap tumende ap ko diwes, kai han glan leste tardo, un dikenn leskro railepen, un han bachteles.

Judas 1:24 ပူးပေါင်းရင်းမြစ်များ

Debleskri gili 21:6

Tou hal ap leskri rig oun kral leskro raylepen bares. Shoukapen oun barepen čival tou ap leste.

Debleskri gili 43:4

Kote kamau me glan tiri Debleskri rhačepaskri te vell, glan toute, miro Debleste, kay kreh, te givap i barhtyatar. Miro bashepah ap i doryengri bashepaskri kamau man te parkrap pash toute, miro Devel.

3. Mose 14:11

Ko rashay anell koles, kay sasto vas, oun kava tselo koova glan o baro Debleste, glan o voudar koleskro plarhteno kherestar.

Mateo 16:27

Me hom o Mensheskro Čavo. Oun me vau pale ap i phoub an o raylepen, hoy das man miro dad an o bolepen. Oun mantsa venna mire bolepangre. Oun palle dikau ap hakeneste, hoy yob kras. Oun me dau lačo koova kolen, kay lačo koova kran. Oun me dau i phagi kolen, kay čilačo koova kran.

Mateo 19:28

Penas o Yezous ap lende: “Čačepah, me penau t'menge: Ko tsiro vella, kay o Devel lauter neves krella. Ap ko tsiro hi o Mensheskro Čavo o ray pral lauterende, oun yob hi beshdo ap peskro rayeskro beshepaskro. Oun t'mer, kay mantsa djana, t'mer venn ninna raya, oun han beshdo ap deesh-te-douy rayeskre beshepangre, oun rakrenn o čačepen vin pral i tsele menshende, kay venna i deesh-te-douy Israeleskre čavendar.

Mateo 25:31

Oun o Yezous penas: Ap ko dives, kay vell o Mensheskro Čavo an peskro tselo raylepen, oun leha venna i tsele bolepangre, palle hi lo o ray pral halauter, oun rakrell o čačepen vin pral i tsele menshende ap i phoub.

Mateo 5:12

Givenn oun denn gole i barhtyatar ap ko dives! O Devel dell t'men i baro bravlepen an o bolepen. Yaake har yon t'men palla lenna, yaake lan le o Debleskre rakepangren an o phouro tsiro ninna palla.

Louka 9:26

Kova, kay ladjell pes mange oun mire labenge, koleske ladjau me ninna, te vau me, o Mensheskro Čavo, pale. Ap ko dives hi man ko raylepen, kay hi ninna miro dades oun o Debleskre bolepangren.

Remarja 14:4

Kova hi gar tiro koova, te peneh pral i vavareskro boudepaskro: “Kova, hoy yob kras, hi gar mishto.” Leskro ray kokres nay penell: “Kova hi mishto, kova hi gar mishto.” Oun maro ray, o Yezous Kristo, les hi i zoor, te rikrell lo les pash peste, yaake te ačell lo tardo an o patsepen.

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

2. Korintarja 11:2

Yaake har o Devel kamell, kamau me ninna o tselo djiyestar, te djan t'mer gar o Yezous Kristestar krik. T'mer han mange har i čay, kay dom yek morsheste, te vell li leskri pirni. Ko yek morsh hi o Yezous Kristo. Kamau te anap leske i djoudji terni djouvel ap ko dives, kay romedinerell lo lat.

2. Korintarja 4:14

Mer djinah, kova, kay kras o Yezouses, maro rayes, i moulendar djido, kova krell men ninna i moulendar djido. Oun yob anell men khetne t'mentsa glan peste.

2. Korintarja 4:17

Ko pharo koova, hoy mer kanna hidjrah, hi tikno oun djal peske. Pal kova vell i baro raylepen. Kova hi shoukeder har halauter, hoy kanna djinah, oun djal peske gar.

Efesarja 3:20

Oun yob nay krell boudeder, har mer lestar mangah, oun boudeder, hoy mer hayvah. Yaake bari hi leskri zoor, hoy an mende kova lauter krella. Mer lauter, kay patsah ap o Yezous Kristeste, sharas maro Debles kanna oun hako tsiro. Amen.

Efesarja 5:27

Yaake kras lo len rayles oun shoukar. Kek djoungelo oun čilačo koova hi ap lende. Djoudjo oun erligo hi le glan leste tardo.

Kolossarja 1:22

Kanna van t'mer o Debleskre mala. Har peskro čavo t'menge meras, las lo t'mari doosh t'mendar oun kras t'men djoudjo oun erligo glan leste.

Kolossarja 1:28

Oun kava Yezouseskro drom sikrah mer i menshende, oun penah hakeneske an o dji, te djal lo ap kava drom. Mer penah lenge o Debleskro lab yaake, te hayvenn le les mishto. O Devel kamella, te vell hakeno baro oun zorelo an o patsepen ap o Yezous Kristeste.

Kolossarja 3:4

Ap ko tsiro, kay nay dikell hakeno o Yezous Kristes, dikenn le ninna t'men pash leste an leskro raylepen.

2. Timoteo 4:18

Ninna an ko tsiro, hoy vella, lell man o Devel dran o tselo čilačepen vin, oun lell man pash peste an o bolepen, kay yob o ray hi. Les sharas mer kanna oun hako tsiro. Amen!

Jakobo 2:10

Te rikreh tout ap i tsele laba, hoy an o Moseskre lila činlo hi, oun te kreh tou yek čilačo koova, palle hi kova, har te rikrals tou tout ap či, oun tou leh doosh ap toute.

1. Petro 4:13

Te venn douka ap t'mende, djinenn: save douka van ninna ap o Yezous Kristeste. Doleske avenn barhtelo! Ap ko dives, kay leskro raylepen diklo vella, givenna oun bashrenna t'mare djia i barhtyatar.

2. Petro 1:10

Mire phrala, o Devel das t'men gole, oun rodas t'men vin, te venn t'mer leskre čave. Doleske djivenn yaake t'mari tseli zoryah, te ačenn pash leste! Te djivenn t'mer yaake, perenn t'mer gar o Debleskro dromestar tele.

Judas 1:21

Oun rikrenn t'men an o Debleskro kamlepen! Oun dikenn ap maro rayeste, o Yezous Kristeste! Kova hi yaake lačo ap mende, te dell lo men o djipen, hoy gar pre-herella.

Debleskro tsiro 14:5

An lende hi kek rhorhepen, vitar kek čilačepen.