Judas 1:12 - O Debleskro Lab 2024 (Sinte-Manouche)

¹² Kol menshenge hounte ladjenn t'men. Te venn t'mer khetne, te piyenn oun te rhan, palle rhan yon pen thoulles pash t'mende oun ladjenn pen gar. Yon dikenn ap pende kokres, te djal lenge kokres mishto. Yon krenn bare laba, hoy či moldo hi. Yon hi har rouka, ap kolende či baro vella, vitar kek patria, oun kay hi tseles moulo oun venn tele dino.

O Debleskro Drom 2021 (Sinte)

¹² Kol menshenge hunte ladjenn tumen. Te wenn tumer khetne, te pijenn un te chan, palle chan jon pen thulles pash tumende un ladjenn pen gar. Jon dikenn ap pende kokres, te djal lenge kokres mishto. Jon krenn bare laba, hoi tchi moldo hi. Jon hi har ruka, ap kolende tchi baro wella, witar kek patria, un kai hi tseles mulo un wenn tele dino.

Judas 1:12 ပူးပေါင်းရင်းမြစ်များ

2. Familjakro liil 7:20

palle tradau me i Israelitaryen vin dran lengro them, hoy me len dom. Oun kava kheer, hoy mange vin rodom, te vap kote an-mangedo, kolestar kamau či bouder te djinell. Oun i menshe an i tsele vavar themma rakrenn oun sanenn pral leste.

Hiob 8:17

Leskre draba tserdenn pen pral barra, oun rikrenn pen zoreles ap lende.

Debleskri gili 1:3

Kova hi har i rouk, hoy tardo hi pash o pani. Ap o čačo tsiro venn leskre roukengre baro. Oun leskre patria ačenn zenelo. Lauter, hoy yob krella, djala mishto.

Debleskri gili 37:2

Yon hi har khass, hoy merell, te dell kek brishin, oun har o zenlepen, hoy ačell gar.

Gosewe laba 25:14

Kolla, kay penenn, te denn le čomone, oun palle denn le kova gar, kolla hi har volke oun i phourdepen, hoy denn kek brishin.

Ezekiel 17:9

Kanna poučell t'mendar o baro Devel, t'maro ray: Vell o drakengro rouk bareder? Ačell lo djido? Hi gar yaake, te vell o ersto adlari oun tserdell les khetne peskre drabentsa vin dran i phoub, oun phagell i drake lestar tele, yaake te merenn leskre neve zenele patria lauter tele, oun ko tselo bour merell? Palle vell lo vi-tserdedo khetne peskre drabentsa. Oun koleske hounte vell kekes boud zoor, oun gar boud menshe.

Ezekiel 34:10

Kava penell o baro Devel, maro ray: Me djau ap i bakrengre, oun kamau mire bakren dran lengro vast pale. Oun me krau, te ačenn le bouder gar bakrengre, te dikenn le bouder gar ap pende kokres, te djal lenge mishto. Oun me lau mire bakren dran lengre mouya vin, te venn le lenge bouder gar rhapaske.

Ezekiel 34:18

hi gar doha, te rhan o lačeder zenlepen? Hoske stakrenn o vavar zenlepen t'mare heryentsa khetne? Hi gar doha, te piyenn o djoudjo pani? Hoske stakrenn koy dren oun krenn les čiklo?

Ezekiel 34:2

Tou, mensho, pen i pralstunenge pral Israel glan-vi, hoy pral lende vella! Pen lenge: Kava penell o baro Devel, maro ray: Djungeles djal t'menge! T'mer han i bakrengre mire menshenge, oun hounte anans i Israelitaryen har bakre kote, kay hatsenn le lačo zenlepen. Kova krenn t'mer gar. T'mer dikenn kokres ap t'mende, te djal t'menge mishto.

Ezekiel 34:8

Pash miro djipen dau man sovel, penell o baro Devel, maro ray: Mange hi doha te dikap, har venn mire bakre khetne dandedo oun rhalo i divye firhendar. Len hi kek bakrengro, kay ap lende yak dell. Mire bakrengre dikenn kokres ap pende, te djal lenge mishto, oun poučenn gar pal mire bakre. Mire bakren anenn le gar kote, kay lačo zenlepen hi.

Hosea 6:4

Hoy te krap touha, Efrayim? Hoy te krap touha, Youda? T'mer moukenn man yaake sik har i folka, hoy taysarlakro krik djal, oun har ko pani, hoy ap o zenlepen hi.

3. Mose 14:43

Te vell ko djounglepen pale vin ap i barra an ko kheer,

Mateo 13:6

Oun har o kham djas pre, vas ko djob, kay gar dour an i phoub his, rhačedo oun meras tele.

Mateo 15:13

Penas lo: “Yon hi har rouka, kolen gar miro dad an o bolepen an i phoub čivas, oun yon venna dran i phoub vin tserdedo.

Markus 4:6

Har kanna o kham pre djas, vas ko djob, kay gar dour an i phoub his, rhačedo oun meras tele.

Louka 12:45

“Ko boudepaskro, te penell lo ap peste: Miro ray vell gar yaake sik pale, oun yob dell kol vavar boudepangren dava, oun rhal oun piyell pes mato,

Louka 16:19

Oun o Yezous penas pale: Koy his i bravelo morsh. Kova his hako tsiro shoukar oun rayles rido, oun djivas i shoukar djipen.

Louka 21:34

“Denn garda, te vell t'maro dji gar pherdo phoubyakro koova, yaake te bistrenn o Debles! Piyenn t'men gar mato! Ma darenn t'maro djipaske! Denn yak, te vell ko dives gar ap yek kopo ap t'mende yaake, te han t'mer tapedo!

Louka 8:6

Oun vavar djob peras ap i barra. Kote his gar doha pani. Oun har ko djob dran i phoub vin vas, rhačras o kham les.

Efesarja 4:14

Palle ham bouder gar har tikne čave, kay lauter patsenna, kava dives yaake oun ko vavar dives vavarčandes. Oun mer shounah bouder gar ap kolende, kay rhorhenna, oun kamenn men o čačo dromestar tele te anell.

Filiparja 3:19

Yon djan ap i drom, kay djan le nashedo. Lengro per hi lengro Devel. Yon sharenn ko djoungelo koova, hoy kran le, oun hounte ladjans pen pral kova. Kova, hoy an lengro shero trouyel djala, hi phoubyakro koova.

1. Timoteo 5:6

Hi vavarčandes pash i djouvyate, kolakro rom bouder gar djivella, oun kay dikell ap peste kokres, te vell lat i shoukar djipen. Kolakro patsepen hi moulo.

Hebrearja 13:9

Te hi menshe koy, kay sikrenn t'men vavar dromma oun kamenn t'men o Debleskro dromestar tele te anell, palle patsenn lenge gar! Har shoukar hi kova, te venn t'mer zorelo an o dji! Kova krell o Devel, kay hi yaake lačo ap t'mende. Kolla, kay penenn t'menge, hoy te rhan oun hoy te rhan gar, kolla nay krenn gar t'maro patsepen zoreles. Lengre laba hi či moldo.

Jakobo 5:5

T'menge djas mishto ap kay phoub, t'mer rhan oun piyan, oun van pesso, yaake har i firhe, kay venn maredo.