Josua 24:32 - O Debleskro Lab 2024 (Sinte-Manouche)

³² Oun o Yosefeskre kokale, hoy i Israelitarya pentsa lan dran o them Egiptia, paskran le an o foro Sichem ap ko kotar phoub, hoy o Yakob ginas kol čavendar o morshestar Hamor, koleskro dad o Sichem his. O Yakob playsras ko kotar phoub 100 (sheel) roupene kotya. Kava kotar them vas o Yosefeskre čavenge dino.

O Debleskro Drom 2021 (Sinte)

³² Un o Josefeskre kokale, hoi i Israelitarja pentsa lan dran o them Egiptia, paskran le an o foro Sichem ap ko kotar phub, hoi o Jakob ginas kol tchawendar o murshestar Hamor, koleskro dad o Sichem his. O Jakob plaissras ko kotar phub 100 (sheel) rupene kotja. Kau kotar them was o Josefeskre tchawenge dino.

Josua 24:32 ပူးပေါင်းရင်းမြစ်များ

1. Mose 33:19

Oun ginas ko kotar phoub, kay leskro plarhteno kheer tardo his, oun das sheel roupene kotya i čavende ko morshestar Hamor. Leskro čavo hi o Sichem.

1. Mose 48:22

Me dau toute oun gar tire phralende ko kotar them Sichem, hoy lom miro rhareha oun miro bogo dran o vast foun i Amorarya.”

1. Mose 50:24

Oun o Yosef penas ap peskre phralende: “Me merau kanna. O Devel dikella lačes ap t'mende, oun anell t'men dran kava them vin, an ko them, kay yob peskro vast pre das, te dell lo les o Abrahameste, o Isaakeste oun o Yakobeste.”

1. Mose 50:25

Oun o Yosef kamas te denn pen o Israeleskre čave sovel oun penas ap lende: “Te anell o Devel t'men khere, lenn man t'mentsa!” Oun yon dan pen sovel glan leste.

2. Mose 13:19

O Mose las o Yosefeskre kokale peha. Har o Yosef meras, penas lo ap peskre phralende: “O Devel bistrell t'men gar oun lell t'men vin dran kava them. Denn t'men sovel, te lenn palle ninna mire kokale t'mentsa.”

Johanni 4:5

Yaake vas lo pash ko foro Sychar an o them Samaria. Ko foro his pash ko kotar phoub čiddo, hoy o Yakob peskro čaveste Yosef das.

Bičepangre 7:15

Yaake vas o Yakob an o them Egiptia, oun kote djivas lo peskre čaventsa. Kolla hi mare phoure. Oun kote meran le ninna.

Bičepangre 7:16

Oun lengre čave anan len an o them Kanaan oun paskran len an o foro Sichem ap ko kotar phoub, hoy ginas o Abraham kol menshendar, kolengro phouro dad o Hamor his.

Hebrearja 11:22

Ninna o Yosef patsas, te vell kova čačo, hoy o Devel penas. Har yob ap o merepen čiddo his, penas lo peskre phralenge, te vell ko tsiro, kay djan i Israelitarya dran o them Egiptia vin. Palle hounte lenn le leskre kokale lentsa.