Josua 18:28 - O Debleskro Lab 2024 (Sinte-Manouche)

²⁸ Zela, Elef, oun ko foro, kay djivan i Yebousarya, hoy hi kanna Yerusalem, ninna i forya Gibea oun Kiryat-Yearim. Kolla hi khetne 14 (deesh-te-star) forya oun lengre gaba. Kava hi o them, hoy lan i familye dran o kheer Benyamin.

O Debleskro Drom 2021 (Sinte)

²⁸ Zela, Elef, un ko foro, kai djiwan i Jebusarja, hoi hi kanna Jerusalem, ninna i forja Gibea un Kirjat-Jearim. Kolla hi khetne 14 (deesh-te-star) forja un lengre gaba. Kawa hi o them, hoi lan i familje dran o kheer Benjamin.

Josua 18:28 ပူးပေါင်းရင်းမြစ်များ

2. Samuel 21:14

Oun yon paskran len khetne i kokale o Saulestar oun leskro čavestar Yonatan an ko them Benyamin, an o gab Zela, an o moulengro kheer peskro dadestar Kish. Oun yon kran lauter yaake har o baro ray David penas. Pal kova his o baro Devel pale kamlo ap ko them.

2. Samuel 23:29

o Heled, koleskro dad o Baana hi, dran Netofa, oun o Itay, koleskro dad o Ribay hi, dran Gibea an o them Benyamin,

2. Samuel 5:6

O baro ray djas peskre lourdentsa glan o foro Yerusalem, te kourell lo pes i menshentsa Yebous, kay djivan an ko them. Kolla penan ap o Davideste: “Tou veh kay gar dren. I korele oun i bange rikrenn tout pale.” Yaake kaman yon te penell, kay vell o David kay gar dren.

2. Samuel 5:8

Koy penas o David ap ko dives: “Koon kol Yebousaryen kamell te dell, kova hounte djal kote pral an o foro, kay o pani an i berga tele nashell. Me nay dikau len gar glan i yaka, kol bangen oun korelen!” Doleske vell penlo: I korelo oun i bango vell gar an o kheer dren.

1. Familjakro liil 8:28

Kalla hi pralstoune pral pengre familye, kay djivan an o foro Yerusalem.

Jesaja 10:29

djan doureder mank kol douy berge oun venn an o foro Geba, te ačenn le kote pral i rat. I menshe an o foro Rama trissenn i daryatar. Kolla dran o Sauleskro foro Gibea nashenn penge.

Jeremia 6:1

T'mer menshe dran o kheer Benyamin, nashenn dran Yerusalem! oun phourdenn koy phourdepaskri an Tekoa! Krenn i yag ap i berga Bet-Kerem, te vell o yagakro dourho i sikepen! Bari bibarht oun merepen vell kotar, kay norden hi.

Hosea 10:9

O baro Devel penell ap i Israelitarya: T'mare phoure hadan pen pral mande an o foro Gibea. Foun ko tsiro moukan t'mer pale te pale miro drom. Doleske vell an o foro Gibea o kourepen pral kol čilače menshende.

4. Mose 26:38

O kheer Benyamin: Leskre čave his o Bela, o Ashbel, o Ahiram, o Shoufam, o Houfam. Kolendar venna kol Belarya, kol Ashbelarya, kol Ahiramarya, kol Shoufamarya, kol Houfamarya.

4. Mose 26:54

Kol familyenge, kolen boud menshe hi, hounte dess tou boud them, te vell lo lengro. Oun kol familyenge, kolen gar boud menshe hi, hounte dess gar yaake boud.

4. Mose 33:54

Oun t'mer hounte denn hakenes i kotar them. Vitsrenn i barhtyakre barra, te hatsenn vin, have menshe havo kotar them lenna. Kal familyen, kolen boud menshe hi, hounte denn boud them. Oun kol familyen, kolen gar boud menshe hi, hounte denn gar yaake boud.

Josua 15:63

I morsha dran o kheer Youda nay tradan i Yebousaryen gar vin dran o foro Yerusalem. Doleske djivenn yon kote khetne i menshentsa dran o kheer Youda bis ap kava dives.

Josua 15:8

oun foun kotar doureder pre an i tala Ben-Hinnom, hoy ap koy rig koy bergatar čiddo hi, kay o kham pralstounes tardo hi. Ap koy berga hi ko foro čiddo, kay i Yebousarya djivan. Kava foro hi kanna Yerusalem. Oun kotar djas o drom doureder bis pral pre ap i berga, hoy hadell pes ap koy rig foun i tala Hinnom, kay o kham tele djal. Kay berga hi čiddo ap i nordetikri rig ko telstouno themestar, hoy kharell Refayim.

Josua 18:16

Oun kotar djas o drom tele glan i berga, hoy hadell pes glan i tala Hinnom. Kay berga hi čiddo ap i nordetikri rig ko telstouno themestar, hoy kharell Refayim. Palle djas o drom tele an i tala Hinnom oun doureder an i tala langs koy berga, kay ko foro čiddo hi, kay i Yebousarya djivan, ap koy rig i bergatar, kay o kham pralstounes hi. Foun kotar djal lo tele bis pash o pani En-Rogel,

Josua 18:27

Rekem, Yirpeel, Tarala,

Josua 19:1

Oun o douyto kopo van i barra vitsedo, kava kopo peran le ap o kheer Simeon oun leskre familye. Oun lengro kotar them his mashkral dren an o them Youda.

Čačepangre 1:21

An o foro Yerusalem djivan i Yebousarya. Oun i morsha dran o kheer Benyamin tradan len gar vin. Yaake ačan i Yebousarya pash i Benyaminarya an o foro Yerusalem, oun djivenn gomme kava dives koy khetne.

Čačepangre 19:10

Ko morsh kamas gar bouder pral i rat te ačell, oun hadas pes oun djas peske. Oun yob vas bis pash o foro Yebous. Kova hi Yerusalem. Oun les his kol douy esle pash peste, ap kolende lengro koova his, oun peskri djouvel oun peskro boudepaskro.

1. Samuel 10:26

Oun ninna o Saul djas pale an peskro kheer an Gibea. Oun khetne leha djan lourde, kolen das o Devel kova yaake an o dji.