Johanni 9:39 - O Debleskro Lab 2024 (Sinte-Manouche)

³⁹ Oun o Yezous penas: “Me vom ap kay phoub, te sikrap i menshen, koon i doosh ap peste anas, oun koon kek doosh ap peste anas, yaake kay kolla, kay dikenn nay gar, dikenn nay. Oun kolla, kay dikenn nay, kolende sikrau me, kay yon či dikenna.”

O Debleskro Drom 2021 (Sinte)

³⁹ Un o Jesus penas: “Me wom ap kai phub, te sikrap i menshen, koon i doosh ap peste anas, un koon kek doosh ap peste anas, jaake kai kolla, kai dikenn nai gar, dikenn nai. Un kolla, kai dikenn nai, kolende sikrau me, kai jon tchi dikenna.”

Johanni 9:39 ပူးပေါင်းရင်းမြစ်များ

Jesaja 29:10

O baro Devel čivas i sopaskro dourho ap t'mende. O Debleskre rakepangre hounte vans t'mare yaka, – o Devel kras len korelo, oun i dikepangre dikenn bouder či, har te vals i diklo troul lengre yaka pandlo.

Jesaja 44:18

Kolla, kay mangenn i figuren an, hayvenn či, kek gosvepen hi an lende, lengre yaka hi pandlo, te nay dikenn le či. Oun lengro dji hayvell či.

Jesaja 6:9

Oun yob penas: Dja koy, oun pen ap kal menshende: T'mer shounenn oun shounenn, oun hayvenn či, oun dikenn oun dikenn oun hayvenn gar, hoy dikan.

Ezekiel 12:2

Tou, mensho, djiveh mank save menshende, kay moukenn pen či te penell. Kolen hi yaka, te dikenn le, oun kamenn či te dikell. Oun len hi kanda, te shounenn le, oun kamenn gar te shounell. Yon moukenn pen či te penell.

Mateo 11:5

I korele dikenna pale oun i bange nashenna pale. I nassele, kay lengro mass ap lende tele merell, kolla venna sasto. Kolla, kay nay shounan gar, shounenna kanna. I moule venna djido. I čorvele shounenn o Debleskro lačo lab.

Mateo 15:14

Moukenn le te rakrell! Yon hi korele oun kamenn i korelen ap o vast te lenn. Oun te lell i korelo i koreles ap o vast, perenn hake douy.”

Mateo 6:23

Te dikeh ap o vavar koova, oun gar ap o Debleste, hi kova yaake, har te rhačell kek momeli an kava kheer. Te rhačell tiri momeli bouder gar, djiveh tou har an i kali rat.

Louka 1:79

oun vell diklo kolendar, kay hi len traash o merepastar. Kay bari momeli anell men ap o drom, kay vella o Debleskri barht ap mende.”

Louka 13:30

Oun boud, kay kanna palla tardo hi, kolla hi ap ko dives glan tardo. Oun boud, kay kanna glan tardo hi, kolla hi ap ko dives palla tardo.”

Louka 2:34

Oun o Simeon rakras o Debleskri barht pral lende vin oun penas ap i Mariate: “Pral kava čaveste rhoyrenn pen boud menshe an o them Israel. Ap leste sikrell pes, koon djal ap o Debleskro drom, oun koon perell o Debleskro dromestar tele.

Louka 4:18

O Debleskro Dourho hi ap mande. Yob rodas man vin, te penap i čorvelenge o Debleskro lačo lab. Oun yob bičras man, te penap kolenge, hoy stilde hi, te venn le dran lengro stilepen vin, oun kolenge, kay korelo hi, te dikenn le pale, oun kolenge, kay pale-čiddo hi, te venn le pale erligo,

Louka 7:21

Ap kava tsiro kras o Yezous boud menshen sasto, kay nasselo oun korelo hi, ninna kolen, kay benga an lende hi.

Johanni 12:31

Kanna vell i phagi pral i tseli phoub vi-rakedo. Kanna vitsrell o Devel koles vin, kay hi o ray pral kay phoub.

Johanni 12:46

Me hom koy bari momeli, hoy vas ap kay phoub. Hakeno, koon ap mande patsella, ačell gar an i rati.

Johanni 3:17

O Devel bičras peskro čaves gar ap i phoub, te anell yob o Debleskri rholi pral i menshende. Yob vas, te lell lo len dran o čilačepen oun o merepen vin.

Johanni 3:19

O Debleskri bari momeli vas ap kay phoub. Oun kol menshe, kay krenn o čilačepen, kaman o tamlepen boudeder har koy momeli. Doleske hi i phagi pral lende vi-rakedo.

Johanni 8:12

Pale rakras o Yezous i menshentsa oun penas: “Me hom koy momeli i menshenge. Koon mange palla djala, djal gar an o tamlepen. Me hom koy momeli, kay o djipen della.”

Johanni 8:15

T'mer dikenn i menshes t'mare yakentsa, oun penenn: Kova anas doosh ap peste! Me krau kova gar.

Johanni 9:25

Koy penas yob ap lende: “Djinau gar, te djal yob ap o Debleskro drom, vitar gar, te djal yob gar ap o Debleskro drom. Yek djinau me: Me dikom nay gar. Kanna dikau me nay.”

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

2. Korintarja 2:16

Kolenge, kay djan nashedo, hi kova har i djoungeli khand, hoy anell len an o merepen. Kolenge, kay lenn o Debleskro djipen, hi kova i lačo soungepen, hoy anell len an o djipen. Kaya hi i bari boudi. Koon nay krell kova lauter mishto? Kek.

Efesarja 5:14

Oun kova, hoy diklo vella, ačell gar an o tamlepen.

2. Tessalonikarja 2:10

Oun rhorhepah anell lo kolen ap o čilačo drom, kay djan nashedo. Kolla hi kol menshe, kay kaman gar o čačepen te shounell. Te patsans le o čačepen, nay vans le vin lino dran o čilačepen oun o merepen.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.

1. Johanni 2:11

Koon peskro phraleske čilačepen krella, kova djivell har an i kali rat, oun djal i drom, kay dikell lo nay gar. Yob djinell gar, kay yob djala. An i rat hi lo, har te vals lo korelo.