Johanni 9:30 - O Debleskro Lab 2024 (Sinte-Manouche)

³⁰ Ko morsh penas ap lende: “Kova hayvau me gar. Kava morsh kras, kay dikau nay. Oun t'mer djinenn gar, konestar yob vella.

O Debleskro Drom 2021 (Sinte)

³⁰ Ko mursh penas ap lende: “Kowa haiwau me gar. Kau mursh kras, kai dikau nai. Un tumer djinenn gar, konestar job wella.

Johanni 9:30 ပူးပေါင်းရင်းမြစ်များ

Debleskri gili 119:18

Kre mange i yaka pre, te nay dikap har shoukar hi te djap tiro drom.

Jesaja 29:14

Doleske krau kal menshentsa pale savo koova, hoy le gar hayvenn, oun hoy vin dikell, har te vals kova gar mandar, yaake te ačell lenge o rakepen krik. Lengre goseve menshe hi palle bouder gar gosevo. Oun kolla, kay boud hayvan, hayvenn bouder či.

Jesaja 29:18

Ap ko dives shounenn kolla, kay nay shounenn gar, i laba dran i liil. Oun i korele nay dikenn oun djivenn bouder gar an o kalepen oun an i rat.

Jesaja 35:5

Palle nay dikenn i korele, oun kolla, kay nay shounan gar, shounenn.

Mateo 11:5

I korele dikenna pale oun i bange nashenna pale. I nassele, kay lengro mass ap lende tele merell, kolla venna sasto. Kolla, kay nay shounan gar, shounenna kanna. I moule venna djido. I čorvele shounenn o Debleskro lačo lab.

Mateo 21:42

Penas o Yezous ap lende: “Djinenn t'mer gar, hoy an o Debleskro lab činlo hi? Kote hi činlo: His i bar, kay i boudepangre lestar penan: Kova hi či moldo. Ko bar las o Devel oun čivas les yaake an o kheer, te rikrell lo ko tselo kheer khetne. O Devel kras kova, oun kova hi i baro koova menge.

Markus 6:6

Oun yob nay hayvas gar, hoske i menshen kote kek patsepen his. Palle djas lo an kol gaba trouyel, oun sikras i menshende o Debleskro drom.

Louka 7:22

Oun yob penas o Yohanneskre malenge: “Penenn o Yohanneske, hoy t'mer dikan oun shounan: I korele nay dikenn pale. Oun i bange nay djan pale. I nassele, kay lengro mass ap lende tele merell, venna sasto. Kolla, kay nay shounan gar, nay shounenna pale. I moule venna djido. Oun i čorvele shounenn o Debleskro lačo lab.

Johanni 12:37

Ninna te kras yob boud baro oun zorelo koova glan lende, kay kek mensho nay krella, patsan yon gar ap leste.

Johanni 3:10

O Yezous poučas lestar: “Tou hal i sikepaskro an o them Israel oun djineh kova gar?

Johanni 9:29

Mer djinah, kay o Devel o Moseha rakras. Konestar kava vella, djinah mer gar.”

Johanni 9:31

Mer halauter djinah, kay o Devel ap kekeste shounella, kay djal gar ap leskro drom. O Devel shounell ap koleste, kay darell lestar oun djivell yaake, har yob kamella.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.