Johanni 8:46 - O Debleskro Lab 2024 (Sinte-Manouche)

⁴⁶ Koon t'mendar nay penella, kay me yek čilačo koova krom? Me te penau o čačepen, hoske patsenn t'mer man gar?

O Debleskro Drom 2021 (Sinte)

⁴⁶ Koon tumendar nai penella, kai me jek tchilatcho koowa krom? Me te penau o tchatchepen, hoske patsenn tumer man gar?

Johanni 8:46 ပူးပေါင်းရင်းမြစ်များ

Mateo 21:25

Kanna poučau me t'mendar: Bičras o Devel o Yohannes, te taufrell lo i menshen? Bičran i menshe o Yohannes?” Oun yon rakran mashkral pende, oun penan: “Te penah mer leske: O Devel bičras o Yohannes, palle penell lo menge: Hoske patsan t'mer les gar?

Markus 11:31

Oun yon rakran mank pende, oun penan: “Mer te penah leske: O Devel bičras les, palle penell lo menge: Hoske patsan t'mer les gar?

Johanni 14:30

Man hi bouder gar boud tsiro, te rakrap t'mentsa. O beng, kay hi o ray pral kay phoub, vella. Les hi kek zoor pral mande.

Johanni 15:10

Te krenn t'mer kova, hoy me t'menge penom, ačenn t'mer an miro kamlepen yaake, har me kova krau, hoy miro dad mange penas. Oun me ačau an leskro kamlepen.

Johanni 16:8

Yob te vella, palle krell yob i menshenge i yaka pre pral lengri doosh, pral o Debleskro čačepen oun pral o Debleskri rholi, hoy vella pral kay phoub.

Johanni 18:37

Poučas o Pilato lestar: “Hal tou čačepah i baro ray?” Penas o Yezous: “Ava, hi yaake har tou penal. Me hom i baro ray. Me vom boldo ap kay phoub, te penap o čačepen. Koon an o čačepen tardo hi, kova shounell ap mande.”

Johanni 8:47

Koon o Deblestar vella, shounella ap kova, hoy o Devel penella. T'mer venn gar lestar. Doleske shounenn t'mer gar ap leskre laba.”

Johanni 8:7

Har yon lestar pale poučan, hadas yob pes pre, oun penas: “Koon kek čilačo koova kras, mou vell ko ersto, kay vitsrell i bar ap late!”

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

Hebrearja 4:15

Yob, maro baro rashay, hayvell men mishto, oun djinella, te hi men kek zoor pral o čilačepen. Les kamas o beng ninna o Debleskro dromestar tele te anell, yaake har kamell lo men o Debleskro dromestar tele te anell. Yek koova his an o Yezouseskro djipen vavarčandes har pash mende: Kek čilačepen his an leste.

Hebrearja 7:26

O Yezous hi o baro rashay, kay hounte vell men. Yob hi lačo glan o Debleskre yaka. Kek čilačepen, vitar kek doosh hi ap leste. Na-a, yob hi gar yaake har mer čilače menshe ham, kay ham pale-čiddo glan o Debleste. Oun o Devel kras les bareder har hako vavar an o bolepen.

1. Petro 2:22

Yob kras kek čilačo koova. Oun dran leskro mouy vas kek rhorhepen.