Johanni 8:33 - O Debleskro Lab 2024 (Sinte-Manouche)

³³ Penan yon: “Mer ham o Abrahameskre čave. Oun an kek tsiro hams pandle boudepangre. Har nay peneh tou menge, te ačenn bouder gar pandlo?”

O Debleskro Drom 2021 (Sinte)

³³ Penan jon: “Mer ham o Abrahameskre tchawe. Un an kek tsiro hams pandle budepangre. Har nai peneh tu menge, te atchenn buder gar pandlo?”

Johanni 8:33 ပူးပေါင်းရင်းမြစ်များ

1. Mose 15:13

Oun o Devel penas ap o Abrameste: “Čačepah, tou djiness: Tire menshe, kay toutar venna, venn vi-themarya an i them, kay gar lengro hi. Oun i menshe an ko them djan zoreles ap lende oun krenn boudepangre lendar. Oun yon hounte boudrenn lenge 400 (star-sheel) bersha.

Esra 9:9

Mer hams pandle boudepangre, oun tou, maro Devel, moukal men gar kokres an maro pandepen. Tou kral, te dikan i raya pral o them Persia lačes ap mende, oun dal men nevi zoor, te nay čivas mer tiro kheer pale pre, yaake te vas dran kol paash dine oun rhačede barra i nevo kheer touke. Kova kral tou, te djivas mer pale an o them Youda oun an o foro Yerusalem kek trashah.

3. Mose 25:42

I tsele Israelitarya hi mire boudepangre, kolen me dran o them Egiptia vin anom. Yon nay venn gar bikedo, te venn le ginle boudepangre.

Mateo 3:9

Ma penenn: O Abraham hi maro dad! Me penau t'menge: O Devel nay krell dran kal barra o Abrahameskre čaven.

Louka 3:8

Sikrenn i menshende, te djan t'mer ap o Debleskro drom, oun bouder gar ap o čilačo drom! Ma penenn, kay o Abraham t'maro dad hi! Kova anell t'men gar doureder. Me penau t'menge: O Devel nay krell dran kal barra o Abrahameskre čaven.

Johanni 19:25

Tel ko troushel, kay o Yezous pre dino his, his leskri day oun kolakri pheen tardo. Ninna i Maria, kolakro rom o Kleopas hi, oun i Maria Magdalena his koy tardo.

Johanni 8:37

Me djinau, kay han o Abrahameskre čave. Ninna te hi yaake, kamenn t'mer man te marell. Kova, hoy me t'menge penau, lenn t'mer gar pre. Doleske kamenn t'mer man te marell.

Johanni 8:39

Koy penan yon ap leste: “Maro dad hi o Abraham.” Penas o Yezous: “Te vans t'mer lestar, krans, hoy yob kras.

Johanni 8:43

Hoske hayvenn t'mer miro rakepen gar? T'maro dji hi pandlo. T'mer shounenn nay miro lab gar.

Remarja 9:7

Vitar gar venn halauter, kay van pal o Abrahameste, leskre čave kharedo. O Devel penas ap o Abrahameste: Kolla, kay o Isaakestar boldo venna, kolla hi tire čave.

Čačepangre 2:18

Oun te moukas o baro Devel lenge čačepangre morshen pre te stell, palle his yob ko čačepaskro morsheha, oun las len vin dran i čilače vasta. Les khaytas lengro ropen pral kolende, kay lenge o djipen phares kran. Yaake rah har ko čačepaskro ray djivas, shounan le ap o baro Debleste.

Čačepangre 3:8

Kote rhačras i rholi o baro Deblestar pral o Israel pre. Oun yob das len an o vast o baro rayestar Koushan-Rishatayim. Kova his baro ray pral o them Mesopotamia. Oun i Israelitarya hounte boudran leske orhta bersha.

Čačepangre 4:3

O baro rayes Yabin his 900 (enya-sheel) sasterne vourdya o kourepaske. Oun yob kras i Israelenge i pharo djipen biish bersha. Doleske dan le bari gole ap o baro Debleste.